બ્લેક ફંગસ / અમદાવાદમાં મ્યુકરર્માકોસિસનો ખતરો યથાવત, સિવિલમાં અત્યાર સુધી 985  કેસ નોંધાયા 380 દર્દીઓ સારવાર હેઠળ

• અમદાવાદમાં મ્યુકરર્માકોસિસનો ખતરો યથાવત
• સિવિલ હોસ્પિટલમાં અત્ર સુધી 985 કેસ નોંધાયા
• સિવિલમાં 551 દર્દીઓની સર્જરી કરવામાં આવી 

રાજ્યમાં કોરોના કેસમાં ઘટાડો થઈ રહ્યો પરતું હજુ પણ બ્લેક ફંગસનો ખતરો થયાવત છે અમદાવાદમાં મ્યુકર્માઈકોસિસ કેસમાં વધારો સતત વધારો નોંધાઈ રહ્યો છે.જો વાત કરવામાં આવે તો સિવિલ હોસ્પિટલમાં અત્યાર સુધીમાં 985 દર્દીઓ નોંધાયા છે.સિવિલ હોસ્પિટલના સુપ્રિટેન્ડેન્ટ ડૉ.જે.વી.મોદીએ કહ્યું કે સિવિલમાં 551 દર્દીઓની સર્જરી કરવામાં આવી છે.

મ્યુકરર્માકોસિસનો ખતરો યથાવત

જાણકારો કહી રહ્યા છે કે કોવિડ બાદ બ્લેક ફંગસ એ પોસ્ટ કોવિડ બીમારી છે,હોસ્પિટલોમાં પણ બ્લેક ફંગસ સારવારમાં ઉપયોગમાં લેવાતા ઇન્જેક્શન મામલે ઇમેઇલ સિસ્ટમ ગોઠવવામાં આવી છે. જો વાત કરવામાં આવે તો સિવિલ હોસ્પિટલમાં 380 દર્દીઓ સારવાર હેઠળ છે

સિવિલ હોસ્પિટલમાં અત્યાર સુધી 985 કેસ

સોલા સિવિલ હોસ્પિટલમાં 79 દર્દીમાં બ્લેક, વ્હાઇટ અને કેન્ડિડા એમ ત્રણ પ્રકારની ફંગસ જોવા મળી છે. જેમાં સૌથી વધુ 90 ટકા કેસ બ્લેક ફંગસના છે, બાકીના 10 ટકા કેસમાં 4 વ્હાઇટ ફંગસ અને 2 કેન્ડિડા ફંગસના છે. કેન્ડિડા ફંગસના દર્દીને એમ્ફોટિસિરીન-બીના ઇન્જેક્શન આપવા પડતાં નથી, સર્જરીમાં આંખ કાઢવી પડતી નથી, સર્જરી બાદ દર્દી એન્ટી ફંગલ દવાથી સાજો થતો હોવાથી વ્હાઇટ અને બ્લેક ફંગસ જેટલી ઘાતક નથી.

કોરોના કેસમાં ધરખમ ઘટાડો નોંધાયો

એક અહેવાલમાં સિવિલના ઇએન્ડટી વિભાગના ડૉ. બેલાબેન પ્રજાપતિ મ્યુકરર્માકોસિસના એક જ દર્દીમાં બ્લેકની સાથે વ્હાઇટ ફંગસ પણ જોવા મળી રહી છે. તેમજ વરસાદ શરૂ થતાં કેન્ડિડા ફંગસના કેસ પણ સામે આવ્યા છે. રાજ્યમાં કોરોના કેસમાં ધરખમ ઘટાડો નોંધાયો છે શહેરમાં આખરે 85 દિવસ બાદ કોરોના કેસોની સંખ્યા 150થી નીચે પહોંચી છે. નવા 142 કેસ નોંધાવા સાથે 4 દર્દીના મૃત્યુ થયા છે. 423 દર્દીને ડિસ્ચાર્જ કરાયા છે. શહેરમાં આજે પણ 3276 એક્ટિવ કેસ છે. સરકારી અને ખાનગી હોસ્પિટલોમાં 6229 બેડ ખાલી છે.