જામનગર / ઓમિક્રોન વેરિઅન્ટની દહેશત વચ્ચે ગુજરાત માટે રાહતના સમાચાર, આટલા દર્દીઓનો રિપોર્ટ આવ્યો નેગેટિવ

• ઓમિક્રોનને લઇ રાહતના સમાચાર
• ઓમિક્રોનના 3 દર્દીઓનો રિપોર્ટ નેગેટિવ
• 3 દર્દીઓને હોસ્પિટલમાંથી અપાઇ રજા

ઓમિક્રોન વેરિએન્ટની દહેશત વચ્ચે થોડા રાહતના સમાચાર સામે આવ્યા છે. ગુજરાતમાં કોરોના કેસ વધવાની સાથે ઓમિક્રોનના પાંચ કેસ સામે આવતા આરોગ્ય વિભાગ દોડતું થયું હતું, જોકે જામનગરમાં પોઝિટિવ આવેલા દર્દીઓનો રિપોર્ટ નેગેટિવ આવતા તંત્રએ થોડો રાહતનો શ્વાસ લીધો છે.  

ઓમિક્રોનના નોંધાયેલ ત્રણેય દર્દીઓના રિપોર્ટ નેગેટિવ

ઓમિક્રોનના નોંધાયેલ ત્રણેય દર્દીઓના રિપોર્ટ નેગેટિવ આવતા 3 દર્દીઓને હોસ્પિટલમાંથી રજા અપાઈ છે. દર્દીઓ પોઝિટિવ આવ્યાના 12 દિવસ બાદ ફરીથી રિપોર્ટ કરાયા હતા જેમાં રિપોર્ટ નેગેટિવ આવતા ત્રણેય દર્દીઓને રજા આપી દેવામાં આવી છે, ગુજરાતના પ્રથમ ત્રણ ઓમિક્રોન સંક્રમિત દર્દીઓ સાજા થઈ ઘરે પરત ફર્યા છે, ત્યારે હવે ગુજરાતમાં ઓમિક્રોનનો માત્ર એક કેસ એક્ટિવ હોવાનું આરોગ્ય વિભાગે જણાવ્યું છે.    

હાલ ગુજરાતમાં ઓમિક્રોનનો 1 કેસ એક્ટિવ છે

સુરત શહેરમાં ધીમીગતિએ કોરનાના કેસોમાં વધારો જોવા મળી રહ્યો છે. છેલ્લા 15 દિવસમાં કોરોનાના 100 કેસો પોઝિટિવ આવ્યા છે. વેક્સિનના બંને ડોઝ લીધા હોય એવા વ્યક્તિઓ પણ પોઝિટિવ આવી રહ્યા છે. વેક્સિનના બંને ડોઝ લીધા હોય એવા 51 લોકો કોરોના પોઝિટિવ આવ્યા છે. જોકે વેક્સિન લીધી હોવાથી કોરોનાની ગંભીર અસર તેમના પર થઈ નથી, માત્ર ઘરે જ સ્વસ્થ થતા હોસ્પિટલ જોવા મળી રહ્યા છે. 

રાજ્યમાં કોરોના કેસમાં થઈ રહ્યો છે વધારો 

મહત્વનું છે કે રાજ્યમાં કેટલાક દિવસથી કોરોના કેસ વધી રહ્યા છે, ત્યારે છેલ્લા કેટલાક દિવસથી અમદાવાદ શહેરમાં કોરોના સંક્રમણમાં ઉછાળો આવ્યો છે. શહેર અને જિલ્લામાં 20 નવા કેસ નોંધાયા છે. જ્યારે શહેર અને જિલ્લામાં 9 દર્દી સાજા થયા છે. જોકે એક પણ દર્દી મુત્યુ પામ્યો નથી. રાજ્યમાં છેલ્લા 24 કલાકમાં કોરોનાના 68 નવા કેસ નોંધાયા છે. જ્યારે 43 દર્દીને ડિસ્ચાર્જ કરવામાં આવ્યા છે. 

ઓમિક્રોનની દહેશત વચ્ચે વડોદારમાં 393 મુસાફરો આવ્યા

એક તરફ કોરોના કેસ વધી રહ્યા છે ત્યારે બીજી તરફ રાજ્યમાં ઓમિક્રોનનો ખતરો જોવા મળી રહ્યો છે, રાજ્યમાં ઓમિક્રોનની દહેશત છે ત્યારે હાલ મોટી સંખ્યામાં NRI ગુજરાતમાં આવી રહ્યાં છે. વિદેશમાં ઓમિક્રોન કેસનું પ્રમાણ વધ્યું છે ત્યારે ઓમિક્રોનની દહેશત વચ્ચે વડોદારમાં 393 મુસાફરો આવ્યા છે. 20 દિવસમાં 393 મુસાફરોમાંથી 58 મુસાફરો યૂકેથી વડોદરા આવ્યા છે. અને અત્યાર સુધી કુલ 19 મુસાફરોનો રિપોર્ટ પોઝિટિવ આવ્યો છે. હાલ તમામને હોમ ક્વોરન્ટાઇન કરાયા છે. અને તમામના ઓમિક્રોન સેમ્પલ લઇ ટેસ્ટ કરવામાં આવ્યા છે.