સહાય / ગુજરાતના પડોશી રાજ્યની મોટી જાહેરાત, રૂ.50,000 આપશે બેરોજગારોને, એ પણ વગર વ્યાજે

• રાજસ્થાન સરકાર જરૂરિયાત મંદોને આપશે સહાય 
• ઈન્દિરા ગાંધી અર્બન ક્રેડિટ કાર્ડ યોજનાથી લોકોને મળશે લાભ 
• સરકાર દ્વારા લોકોને 50 હજારની સહાય આપવામાં આવશે 

રાજસ્થાન સરકાર દ્વારા ઈન્દિરા ગાંધી અર્બન ક્રેડિટ કાર્ડ યોજનાના માધ્યમથી વેપારીઓ અને જરૂરિયાતમંદ લોકોને 50 હજાર રૂપીયાની રકમ આપવામાં આવશે. સરકાર દ્વારા જેને પણ આ કાર્ડ મળશે તે લોકોને વ્યાજ નહી ચુકવવું પડે માજ્ઞ 50 હજાર રૂપિયા જે તેમણે લીધા છે તે ચુકવવા પડશે. 

2022 સુધી લોકોને યોજનાનો લાભ લઈ શકશે 

કોરોના મહામારીને કારણે લોકડાઉન થઈ જતા ઘણા લોકો બેરોજગાર થઈ ગયા છે. જેથી જે લોકો હાલમાં આર્થીક તંગીનો સામનો કરી રહ્યા છે. તે લોકોને સરકાર દ્વારા આ કાર્ડનો ફાયદો આપવામાં આવશે. આ યોજના 6 ઓગસ્ટથી શરૂ કરવામાં આવી છે અને માર્ચ 2022 સુધી લોકો આ યોજનાનો લાભ લઈ શકશે. 

12 મહિનામાં 50 હજાર પરત આપવાના 

સરકાર દ્વારા જે 50 હજારની સહાય આપવામાં આવી છે. તે લોકો પાસેથી તેનું વ્યાજ વસૂલવામાં નહી આવે. સાથેજ કોઈ પણ ગેરેંટી આપવાની પણ કોઈ જરૂર નથી. જે લોકોને આ યોજનાનો લાભ લેવો છે તે લોકો 31 માર્ચ 2022 પહેલા અરજી આપી શકે છે. જોકે લાભાર્થીઓએ 12 મહિનામાં આ રકમ સરકારને પરત આપવી પડશે તેજ શરતે તેમને રૂપિયા આપવામાં આવશે. 

પાંચ લાખ લોકોને મળશે લાભ 

આ યોજનાના નોડલ અધિકારી જિલ્લા કલેક્ટર રહેશે. દરેક લાભાર્થીઓનું ક્રોસ વેરિફિકેશન વિભાગીય અધિકારીઓ દ્વારા કરવામાં આવશે. યોજનાનો તમામ ખર્ચ રાજ્ય સરકાર ભોગવશે અને લાભાર્થીઓ ક્રેડિટ કાર્ડ દ્વારા લોનની રકમ ઉપાડી શકશે. કુલ પાંચ લાખ જેટલા લોકોને સરકાર દ્વારા યોજનાનો લાભ આપવામાં આવશે.

ટૂંક સમયમાં વેબસાઈટ અને મોબાઈલ એપ લોન્ચ થશે

ઉલ્લેખનીય છે કે આ યોજના અંતર્ગત ગ્રામીણ બેંકો, સહકારી બેંકો અને વાણિજ્ય બેંકો થકી લાભાર્થીઓને રૂપિયા આપવામાં આવશે. સાથેજ દરેક લાભાર્થીને એક પ્રમાણપત્ર આપવામાં આવશે જેથી ઓળખ સરકાર પાસે રહેશે. ખાસ કરીને નાઈ, રિક્ષાચલકો, કુંભાર, મોચી, મેકેનિક, દરજી, ધોબી, પેઈન્ટર અને ઈલેક્ટ્રીશયનને આ યોજનાનો લાઊ આપવામાં આવશે. ટૂંક સમયમાં આ યોજના અંતર્ગત વેબસાઈટ અને મોબાઈલ એપ્લિકેશન પણ લોન્ચ કરવામાં આવશે.