થેલાને લઈ રેલવે પોલીસ અને સુરક્ષા એજન્સી આવી હરકતમાં
રેલવે પોલીસે તપાસ કરાતા બિયરના 237 નંગ મળી આવ્યા
દેશ અને રાજ્યમાં તહેવારોની સિઝન દરમિયાન સુરક્ષા માટે એલર્ટ આપવામાં આવતું હોય છે ત્યારે ભાવનગર આવતી ટ્રેનમાંથી શંકાસ્પદ થેલા મળી આવ્યા છે જો કે પોલીસ દ્વારા શંકાસ્પદ થેલાની તપાસ કરવામાં આવતા તેમાથી બિયરની બોટલો મળી આવતા પોલીસે રાહતનો શ્વાસ લીધો હતો. પરતું આટલી મોટી માત્રામાં બિયરનો જથ્થો મળી આવતા પોલીસ પણ દંગ રહી ગઈ હતી. મહત્વનું છે કે તહેવારોની સિઝન દરમિયાન મોટી માત્રામાં વિદેશ બ્રાન્ડના દારૂની હેરાફેરી કરવામાં આવતી હોય છે. ત્યારે બિયરની આટલા બધા નંગ બોટલ મળી આવી છે જેને લઈ પોલીસ દ્વારા તપાસ હાથ ધરવામાં આવી છે
થેલાને લઈ રેલવે પોલીસ અને સુરક્ષા એજન્સી આવી હરકતમાં
પોલીસ સુત્રો મુજબ મંબઈથી ભાવનગર આવતી ટ્રેનમાં બિનવારસી થેલા હોવાની જાણ થતા પોલીસ હરકતમાં આવી હતી અને સમગ્ર મામલે સુરક્ષા એજન્સીઓ પણ એલર્ટ મોડમાં આવી ગઈ હતી જો કે પોલીસ દ્વારા તપાસ હાથ ધરવામાં આવતા તેમાથી બિયરના 237 નંગ મળી આવ્યા હતા. થેલામાં આટલી મોટી સંખ્યામાં બિયરો મળી આવતા રેલવે પોલીસ પણ દંગ ગઈ હતી. જોકે બિયરનો જથ્થો કોણ ટ્રેનમાં લઈ આવી રહ્યું હતું અને કોને સપ્લાય કરવાનો હતો. આ બિયરનો જથ્થો ક્યાંથી લાવવામાં આવ્યો છે તે મામલે રેલવે પોલીસ વિભાગ દ્વારા તપાસ હાથ ધરવામાં આવી છે.
રેલવે પોલીસે તપાસ કરાતા બિયરના 237 નંગ મળી આવ્યા
મહત્વનું છે કે તહેવારોની સિઝન ચાલી રહી છે ત્યારે ગુજરાતમાં દારૂ બંધી હોવા છતા અવાર નવાર ગેરકાયદેસર દારૂ ઘૂસાડવામાં આવતો હોય છે તેના માટે અવનવી તરકીબો પણ અજમવવામાં આવતી હોય છે ત્યારે મુંબઈથી ભાવનગર આવતી ટ્રેનમાંથી બિયરમો મોટો જથ્થો મળી આવતા રેલવે પોલીસ દ્વારા તપાસ હાથ ધરવામાં આવી છે.