ઉત્તર પ્રદેશ / હંમેશા માટે તૂટી ગઈ આરીફ અને સારસની જોડી! અંતિમ વીડિયો જોઈને અનેક લોકો થઈ ગયા ઈમોશનલ

• અમેઠીના આરિફ ગુર્જરની ઉત્તર પ્રદેશના રાજકીય પક્ષી સારસની જોડી તૂટી 
• વન વિભાગે સારસને પકડી રાયબરેલીના સમસપુર પક્ષી અભયારણ્યમાં છોડ્યો 
• સારસને છેલ્લી વાર સ્પર્શ કરીને આરિફ ગુર્જર રડવા લાગ્યો

સારસ સાથેની મિત્રતાને લઈ ચર્ચામાં આવેલા અમેઠીના આરિફ ગુર્જરને લઈ સમાચાર સામે આવ્યા છે. વાત જાણે એમ છે કે, વન વિભાગ દ્વારા હવે આરિફના દોસ્ત અને ઉત્તર પ્રદેશના રાજકીય પક્ષીને પકડી હવે તેને રાયબરેલીના સમસપુર પક્ષી અભયારણ્યમાં લઈ જવાયો હતો. નોંધનીય છે કે, ઉત્તર પ્રદેશના રાજ્ય પક્ષી સરસ અને આરીફ વચ્ચેની મિત્રતા આસપાસના વિસ્તારમાં ખૂબ પ્રખ્યાત થઈ ગઈ હતી. બંને સાથે રહેતા અને ખાતા અને પીતા. આરીફ તેના મિત્રના અચાનક અલગ થવાથી ખૂબ જ પરેશાન થઈ ગયો છે. સારસને છેલ્લી વાર સ્પર્શ કરીને તે રડવા લાગ્યો. આ સમાચાર ખૂબ વાયરલ થયા હતા. 

આ તરફ હવે પક્ષી અભયારણ્યમાં સારસ છોડવાનો છેલ્લો વીડિયો પણ સામે આવ્યો છે. આરિફે વીડિયો શેર કર્યો છે. આમાં તે ખૂબ જ ઉદાસ દેખાઈ રહ્યો  છે. આરીફ તેના સારસ ને જોઈને ખૂબ જ પરેશાન છે. સારસ પણ અંત સુધી તેને આગળ પાછળ ફરે છે. ખબર નહીં કોની નજર બંને વચ્ચેના આ અતૂટ સંબંધ પર પડી, જેણે તેમને કાયમ માટે અલગ કરી દીધા. વીડિયો શેર કરતી વખતે આરિફે લખ્યું કે, મારો મિત્ર પીડાઈ રહ્યો છે. તે મારા વગર રહી શકશે નહિ. તે ત્યાં કેવી રીતે હશે? આ વીડિયો ખૂબ જ જોવામાં આવી રહ્યો છે. લોકો આના પર વિવિધ રીતે કોમેન્ટ કરી રહ્યા છે.
 

મીડિયા અહેવાલો અનુસાર અમેઠી વન વિભાગની ટીમે વધારાના મુખ્ય મુખ્ય વન સંરક્ષકની સૂચના પર રાયબરેલીના સમસપુર પક્ષી અભયારણ્યમાં સારસને છોડ્યો છે. વીડિયો જોયા બાદ લોકો અલગ-અલગ અભિપ્રાય આપી રહ્યા છે. તેઓ કહી રહ્યા છે કે, વન વિભાગે આવું ન કરવું જોઈતું હતું. કોઈએ લખ્યું કે, જો સારસને કંઈક થાય તો તેની જવાબદારી કોણ લેશે?