બ્રિટિશ કાળમાં બનેલ સંસદ ભવન હવે ઈતિહાસના પાનાઓમાં નોંધાઈ જશે. ત્યારે નવીન સંસદ ભવન આગામી થોડાક જ સમયમાં બનીને તૈયાર થશે. નવા સંસદ ભવનમાં 800 સાંસદો બેસી શકે તેવી ક્ષમતા અને આધુનિક બનાવવામાં આવ્યું છે.
દેશની સૌથી મોટી લોકશાહીનું મંદિર ટૂંક સમયમાં બનીને તૈયાર થશે
દેશની સૌથી મોટી લોકશાહીનું સૌથી મોટું મંદિર એટલે કે સંસદ ભવન ટૂંક સમયમાં બનીને તૈયાર થશે. બ્રિટિશ કાળમાં બનેલ સંસદ ભવન ટૂંક સમયમાં ઈતિહાસના પાનાઓમાં નોંધાઈ જશે અને આ નવી વૈભવી સંસદ દેશની નવી ઓળખ બનશે. તે નવા સંસદ ભવનની ઘણી તસવીરો સામે આવી છે. સંસદના નવા ભવનમાં 1200થી વધારે સાંસદો એક સાથે બેસી શકશે જેમાં 888 સાંસદ લોકસભા અને 384 સાંસદ રાજ્યસભામાં બેસી શકશે.
નવા સંસદ ભવનની આ તસવીરો ખૂબ જ ખાસ છે. આ તસવીરોને આંધ્ર પ્રદેશ બીજેપીએ શેર કરી છે. તસવીરો જોઈને ખબર પડે છે કે આ સંસદ જૂની સંસદ કરતાં ઘણી મોટી છે. કહેવામાં આવી રહ્યું છે કે નવા સંસદ ભવનમાં 800 સાંસદોની બેઠક ક્ષમતા છે.
મોટી વાત એ છે કે આ વખતે નવા સંસદ ભવનમાં લોકસભાનું માળખું રાષ્ટ્રીય પક્ષી મોરની થીમ પર તૈયાર કરવામાં આવ્યું છે. દિવાલ પર ખાસ પ્રકારના શેપ પણ જોવા મળી રહ્યા છે. આ નવું સંસદ ભવન 1200 કરોડ રૂપિયા ખર્ચીને બનાવવામાં આવ્યું છે.
નવા ભવનમાં એક પણ સેન્ટ્રલ હૉલ નથી, લોકસભા હૉલમાં જ બંને ગૃહના સાંસદો બેસી શકશે, નવા ભવનમાં એક સુંદર બંધાણ કક્ષ પણ બનાવવામાં આવ્યો છે. ચાર માલની સંસદમાં લાઉન્જ, લાયબ્રેરી, કમિટી હૉલ, કેન્ટીન, પાર્કિંગની સુવિધા આપવામાં આવી છે. નવું સંસદ ભવન નવેમ્બર 2022માં જ તૈયાર થઈ જવાનું હતું પણ અધિકારી અનુસાર હવે આગામી સમયમાં જલ્દી જ કામ સમાપ્ત થઈ જશે.
નવા સંસદ ભવન બનાવવાનો કોન્ટ્રાક્ટ વર્ષ 2020માં ટાટા પ્રોજેક્ટ્સને આપવામાં આવ્યો હતો. તે સમયે 861.9 કરોડમાં પૂર્ણ થવાનો અંદાજ હતો. પરંતુ બાદમાં જ્યારે જીએસટીના દરો વધ્યા તો આ પ્રોજેક્ટની કિંમત પણ વધીને 1200 કરોડ રૂપિયા થઈ ગઈ.
હવે આ નવી સંસદ ભવન માત્ર દેખાવમાં જ સુંદર નથી, સુરક્ષાની દૃષ્ટિએ પણ ખૂબ જ મજબૂત છે. એવું કહેવામાં આવ્યું છે કે નવી સંસદ ભવન સંપૂર્ણપણે ભૂકંપ પ્રતિરોધક છે. નવા સંસદ ભવનની ડિઝાઇન HCP ડિઝાઇન, પ્લાનિંગ અને મેનેજમેન્ટ પ્રાઇવેટ લિમિટેડ દ્વારા તૈયાર કરવામાં આવી છે.
જાણકારી માટે તમને જણાવી દઈએ કે આ નવું સંસદ ભવન ચાર માળનું છે જ્યાં લાઉન્જ, લાઈબ્રેરી, કમિટી હોલ, કેન્ટીન બધું જ છે. આ બિલ્ડિંગ પણ સેન્ટ્રલ વિસ્ટા રિડેવલપમેન્ટ પ્રોજેક્ટ હેઠળ બનાવવામાં આવી છે. તેને બનાવવાનું સૌથી મોટું કારણ એ હતું કે આ જૂની સંસદ 95 વર્ષ જૂની છે, આવી સ્થિતિમાં સુરક્ષા અને સારી સુવિધાઓના દૃષ્ટિકોણથી નવું નિર્માણ જરૂરી હતું.