IPLIN
 

જાણકારી / ગાંધીનગરના નવા મેયર ગુજરાતી સુપરસ્ટાર અભિનેત્રીના પતિ, પૂર્વ MLAપૂનમ મકવાણાના છે પુત્ર

Team VTV 04:00 PM, 21 Oct 21
Follow us
The new mayor of Gandhinagar is the husband of a Gujarati superstar actress

આજ રોજ ગાંધીનગર કોર્પોરેશનની પહેલી સામાન્ય સભામાં મેયર, ડે.મેયર અને સ્ટેન્ડિંગ કમિટીના ચૅરમેનની વરણી કરવામાં આવી હતી. 

  • હિતેષ મકવાણા બન્યા ગાંધીનગરના મેયર
  • અભિનેત્રી રોમા માણેકના પતિ છે હિતેષ
  • ડેપ્યુટી મેયર તરીકે પ્રેમલ સિંહ ગોલની વરણી

હિતેષ મકવાણા બન્યા મેયર
ગાંધીનગરના નવા મેયર તરીકે હિતેષ મકવાણાની વરણી કરવામાં આવી છે. ડેપ્યુટી મેયર તરીકે પ્રેમલ સિંહ ગોલ અને  સ્ટેન્ડિંગ કમિટીના ચેરમેન તરીકે જશવંત પટેલની વરણી કરવામાં આવી છે. ગાંધીનગરને આજે નવા મેયર મળ્યા છે. 

 

 

કોણ છે હિતેષ મકવાણા
હિતેષ મકવાણા ભાજપના પૂર્વ ધારાસભ્ય પૂનમભાઈ મકવાણાના પુત્ર છે અને ગુજરાતી અભિનેત્રી રોમા માણેકના પતિ છે. પૂનમભાઈ મકવાણાનું અનુસૂચિત સમાજમાં સારુ એવું પ્રભુત્વ છે. મેયર પદની ચૂંટણીમાં હિતેષ મકવાણાને સૌથી વધુ મત મળ્યા 41 મત મળ્યા હતા. ઉલ્લેખનિય છે કે, હિતેષ મકવાણા ગાંધીનગર મનપાના વોર્ડ-8ના કોર્પોરેટર છે. મનપામાં આ વખતે પ્રથમ અઢી વર્ષ અનુસૂચિત જાતિના મેયર માટે અનામત છે. 

 

 

કોણ છે રોમા માણેક?
રોમા માણેક ગુજરાતી અભિનેત્રી છે. જેણે ઘણી હિટ ફિલ્મો આપી છે અને આજે તે લગ્ન કરીને અભિનયની દુનિયાથી ઘણી દુર છે. એક સમયે રોમા માણેક અને હિતેન કુમારની જોડીને વખાણવામાં આવતી હતી. રોમાએ નરેશ કનોડિયા સાથે પણ ખુબ હિટ ફિલ્મો આપી છે. 

હિન્દી ફિલ્મોમાં કર્યું કામ
રોમા માણેકે ઘણી હિન્દી ફિલ્મોમાં પોતાના અભિનયનો ઓજસ પાથર્યો છે. તેણે દિલ હૈ કે માનતા નહી, ઝીંદગી એક જુઆ, જૂનુન, ઝમાને સે ક્યા ડરના જેવી ઘણી હિન્દી ફિલ્મોમાં કામ કર્યું છે. 

 

 

આ ગુજરાતી ફિલ્મોમાં કર્યું કામ
રોમા માણેકે દેશ રે જોયા દાદા પરદેશ જોયા, કડલાની જોડ, ઉંચી મેડી ઉંચા મોલ, મન સાયબાની મેડીએ, દલડું લાગ્યું સાયબાના દેશમાં, સાથિયા પુરાવો રાજ, પરદેશી મણિયારો જેવી ઘણી ફિલ્મોમાં કામ કર્યું છે. 

આ છે ગાંધીનગર સ્ટેડિંગ કમિટીના સભ્યો

  1. જશવંત અંબાલાલ પટેલ
  2. મહેન્દ્રભાઈ પ્રહલાદભાઈ પટેલ
  3. સોનાલીબેન ઉરેનભાઈ પટેલ
  4. સોનલબા ઘનશ્યામસિંહ વાઘેલા
  5. દિપ્તિબેન મનીષકુમાર પટેલ
  6. દક્ષાબેન વિક્રમજી મકવાણા
  7. કિંજલકુમાર દશરથભાઈ પટેલ
  8. શૈલેષકુમાર વિઠ્ઠલભાઈ પટેલ
  9. રાજેશકુમાર રાવજીભાઈ પટેલ
  10. સંકેત રમેશભાઈ પંચાસરા
  11. પદમસિંહ ભરતસિંહ ચૌહાણ
  12. અંજનાબેન સુરેશભાઈ મહેતા
     
હિતેષ મકવાણા રોમા માણેક gandhinagar mayor roma manek Hitesh Makwana gujarati film industry
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ