મોટો ખુલાસો / અરવલ્લીમાં થયેલા ભેદી ધડાકાના રહસ્ય પરથી ઉઠ્યો પડદો, ખુલાસો જોતાં તમે પણ હચમચી જશો

• ગ્રેનેડ બ્લાસ્ટ મામલે બોલ્યાં જિલ્લા પોલીસ વડા
• "ગ્રેનેડ બ્લાસ્ટની ગંભીર નોંધ લેવાઇ"
• "ATSની ટીમ દ્વારા કરાઇ સ્થળ તપાસ"

શામળાજી પાસે ગ્રેનેડ બ્લાસ્ટની ગંભીર નોંધ  લેતા પોલીસ વડા સંજય ખરાતે કહ્યું હતું કે ત્રણ તપાસ એજન્સીઓ તપાસ કરી રહી છે, આ વિસ્તારમાં ગ્રેનેડ ક્યાંથી આવ્યો તે દિશામાં તપાસ થઈ રહી છે. મૃતક યુવાનના મિત્રો પેરામિલિટ્રીમાં પણ છે તે દિશામાં પણ તપાસ ચાલુ કરી દેવાઈ છે. ATSની ટીમ પણ તપાસમાં જોતરાઈ છે. ત્યારે આગળના સમયમાં મોટા ખુલાસા થાય તો નવાઈ નહીં.

હેન્ડ ગ્રેનેડની પીન સાથે રમત કરતાં થયો બ્લાસ્ટ
અરવલ્લીમાં ભેદી બ્લાસ્ટને લઈને મોટો ખુલાસો થયો છે. તપાસમાં હેન્ડ ગ્રેનેડ બ્લાસ્ટ થયો હોવાનું ખુલતા ચકચાર વ્યાપી છે. ફોરેન્સીક તપાસમાં હેન્ડ ગ્રેનેડના પુરાવા મળ્યા છે. જેમાં સાંણસી વડે ગ્રેનેડની પીન કાઢતા મોટો બ્લાસ્ટ થયો હતો જેમાં યુવકનું કમકમાટી ભર્યું મોત તો મહિલા અને બે બાળકી ગંભીર રીતે ઘાયલ થાય હતા. તપાસમાં સામે આવ્યું છે કે 6 મહિના પહેલા મૃતક અને અન્ય યુવકને ળાવમાંથી મળી ગ્રેનેડ આવ્યો હતો. જે 6 મહિનાથી બાળકો વચ્ચે ઘરમાં મૂકી રાખ્યો હતો તે ઉપરાંત મૃતક યુવાને ગ્રેનેડ અને રાઇફલ સાથે ફોટો પડાવ્યા હતા. કમરના ભાગે યુવાને હેન્ડ ગ્રેનેડ બાંધી ફોટોગ્રાફી કરાવી હતી . ત્યારે હવે મોટો સવાલ એ છે કે તળાવમાં ગ્રેનેડ આવ્યો ક્યાંથી? પોલીસે મૃતક અને અન્ય યુવક એક સામે  આર્મ્સ એક્ટ અને એક્સપ્લોઝિવ એક્ટ હેઠળ ગુનો નોંધી તપાસ હાથ ધરી છે. 

28 ઓગસ્ટેના રોજ શું થયું હતું
શામળાજીના ગોઢકુલ્લા ગામે રહેણાંક મકાનમાં ભેદી બ્લાસ્ટનો મામલે ઈન્ચાર્જ SP બી.બી.બસિયા, LCB, SOGની ટીમ ઘટનાસ્થળે પહોંચી તપાસ હાથ ધરી હતી, યુવાનના મોત બાદ લોકોના ટોળા ઘટનાસ્થળે પહોંચ્યા હતા. બ્લાસ્ટમાં 1 યુવકનું મોત જ્યારે મહિલા ઘવાઈ હતી, તો બે બાળકી ગંભીર રીતે ઘાયલ થઈ હતી જે બાદ પ્રાથમિક સારવાર માટે તેમને શામલાજીની હોસ્પિટલમાં રીફર કરાઇ હતી, પણ ત્યાં બાળકીઓની તબિયત વધુ લથડતા બંને બાળકીઓને અમદાવાદ રિફર કરવામાં આવી હતી.