BIG NEWS / મોટો ઝટકો: વધી જશે EMI-મોંઘી થઈ લોન, RBIએ સતત બીજા મહિને વધાર્યો રેપો રેટ

• RBIએ રેપો રેટમાં વધારો કર્યો
• 0.50 ટકાનો વધારો
• હોમ લોન મોંઘી થઈ શકે છે

Statement by Shri Shaktikanta Das, RBI Governor https://t.co/U3sHH9bKAw

— ReserveBankOfIndia (@RBI) June 8, 2022

RBIએ રેપો રેટમાં વધારો કર્યો

ભારતીય રિઝર્વ બેંકના ગવર્નર શક્તિકાંત દાસે આજે એક નિવેદન જાહેર કરીને જણાવ્યું હતું કે,  વૈશ્વિક આર્થિક ગતિવિધિ અને ગતિમાં મંદી આવી છે અને તેની અસર ભારતીય બજારો પર પણ જોવા મળી રહી છે. દેશમાં મોંઘવારીનું દબાણ વધી રહ્યું છે. કોમોડિટી માર્કેટમાં પણ ઘટાડો જોવા મળી રહ્યો છે. નાણાકીય નીતિ અંગેની રૂલ બુક મુજબ કામ થતું નથી.

The MPC voted unanimously to increase the policy repo rate by 50 bps to 4.90%: RBI Governor Shaktikanta Das pic.twitter.com/KS8RswFIEy

— ANI (@ANI) June 8, 2022

ફુગાવાને કારણે RBI પાસે કોઈ વિકલ્પ બચ્યો નથી

RBI ગર્વનર શક્તિકાંત દાસે આજે મોનટરી પોલિસી કમિટીની જૂનની બેઠક બાદ રેપો રેટમાં વધારાની જાણકારી આપી હતી. રિઝર્વ બેન્કની મોનટરી કમિટીની ત્રણ દિવસની બેઠક સોમવારથી ચાલી રહી હતી. અને આજે પૂરી થઈ હતી. આ નાણાકીય વર્ષમાં આરબીઆઈ એમપીસીની આ ત્રીજી બેઠક હતી. આ બેઠકમાં ગવર્નર દાસની આગેવાની હેઠળ સમિતિના પાંચ સભ્યો ફુગાવાની વાસ્તુશિલ્પીય સ્થિતિ અને આર્થિક વૃદ્ધિ અંગે ચર્ચા વિચારણા કરી હતી. બેકાબૂ મોંઘવારીને ઘ્યાનમાં રાખીને કમિટીના સભ્યોએ વાત પર સહમત થયા હતાં કે, હાલ રેપો રેટ વધારવા સિવાય કોઈ વિકલ્પ નથી 

તમારી EMI મોંઘી થશે 

RBI એ સતત બીજા મહિને રેપો રેટ વધારવાનો નિર્ણય કર્યો છે. આરબીઆઈએ રેપો રેટ 4.40 ટકાથી વધારીને 4.90 ટકા કર્યો છે જ્યારે રેપો રેટમાં 50 બેસિસ પોઇન્ટનો વધારો કર્યો છે.RBIની મોનેટરી પોલિસીની બેઠક બાદ ગવર્નર શક્તિકાંત દાસે આ જાહેરાત કરી છે. એટલે કે હવે એક મહિનામાં રેપો રેટમાં 90 બેસિસ પોઈન્ટનો વધારો થયો છે. RBIના આ નિર્ણય બાદ હોમ લોનથી લઈને કાર લોન અને એજ્યુકેશન લોન મોંઘી થવાની ખાતરી છે. બીજી તરફ, જેમણે પહેલેથી જ હોમ લોન લીધી છે, તેમની EMI વધુ મોંઘી થશે. ,

RBI ગવર્નરે વધતી મોંઘવારી પર ચિંતા વ્યક્ત કરી છે

 RBI ગવર્નરે કહ્યું કે મોંઘવારી સતત વધી રહી છે. રશિયા-યુક્રેન યુદ્ધના કારણે પુરવઠાની સમસ્યાને કારણે મોંઘવારી વધી છે. કોવિડ રોગચાળા પછી, આરબીઆઈ અર્થતંત્રને વેગ આપવા માટે પગલાં લેવાનું ચાલુ રાખશે. તેમણે કહ્યું છે કે સમગ્ર વિશ્વમાં આર્થિક ગતિવિધિઓમાં મંદી આવી છે અને તેની અસર ભારતીય બજારો પર પણ જોવા મળી રહી છે. દેશમાં મોંઘવારીનું દબાણ વધી રહ્યું છે. કોમોડિટી માર્કેટમાં પણ ઘટાડો જોવા મળી રહ્યો છે.