વાયરલ / VIDEO : રડતી બાળકીને જોઈને લોકો માની બેઠા બાળ ચોર, મહિલા પર તૂટી પડ્યાં ધડાધડ, વીડિયો વાયરલ

• રાજસ્થાનના નાગોરની કમનસીબ ઘટના
• માનસિક કમજોર યુવતીને લોકોએ માની બાળક ચોર
• સખત માર મારીને કરી ઘાયલ
• સાથે રહેલી બાળકી રડી એટલે લોકો માન્યું બાળક ચોર 
• ઘટનાનો વીડિયો થયો વાયરલ 

રાજસ્થાનના નાગોર જિલ્લામાં એક કમનસીબ ઘટના બની છે. નાગોરમાં માનસિક રીતે બિમાર એક મહિલાની સખત મારઝૂડનો વીડિયો વાયરલ થયો છે. વાયરલ વીડિયોમાં લોકો મહિલાને આકરો માર મારી રહેલા જોઈ શકાતા હતા. 

#WATCH राजस्थान: नागौर ज़िले में भीड़ ने महिला को बच्चा चोर समझकर पीटा। पिटाई का वीडियो वायरल हुआ है। pic.twitter.com/9WYMTBjz2a

— ANI_HindiNews (@AHindinews) October 12, 2022

મહિલાનો કોઈ વાંક નહોતો, લોકોએ ખોટું માન્યું 
ASP ગણેશારામ ચોધરીએ કહ્યું કે માનસિક રીતે કમજોર એક યુવતી પોતાની બાળકી સાથે ક્યાંક જઈ રહી હતી. આ દરમિયાન બાળકીએ રડવાનું શરુ કર્યું હતું પરંતુ લોકોએ અવળું માન્યું, લોકોને લાગ્યું કે આ બાળક ચોરતી મહિલા છે અને તેથી લોકોએ કશું પણ વિચાર્યા જાણ્યા વગર મહિલા પર તૂટી પડ્યાં હતા અને તેને ધડાધડ મારવાનું શરુ કર્યું હતું. ઘટનામાં પીડિતાને ઘણુ વાગ્યું છે. તેમણે કહ્યું કે પરિવારની ફરિયાદને આધારે એફઆઈઆર દાખલ કરવામાં આવી છે. આ કેસમાં 5 આરોપીઓની અટકાયત કરવામાં આવી છે અને પૂછપરછ કરાઈ રહી છે. 

પીટાઈનો વીડિયો વાયરલ
આ ઘટનાનો એક વીડિયો વાયરલ થયો છે જેમાં લોકો એક મહિલાની પીટાઈ કરી રહેલા જોઈ શકાતા હતા. વીડિયો વાયરલ થયા બાદ પોલીસે કેસ દાખલ કરીને આરોપીઓની ધરપકડ શરુ કરી છે.