રાજ્યમાં વિધાનસભાની ચૂંટણી પહેલા સરકારે ગુજરાતના અતિ મહત્વના બે પ્રોજેક્ટ અમદાવાદ મેટ્રો અને મુંબઇ-અમદાવાદ વચ્ચેના બુલેટ ટ્રેન પ્રોજેક્ટને ફાસ્ટટ્રેક પર લઇ જવાનો નિર્ણય કર્યો છે.
ચૂંટણી પહેલા રાજ્યમાં મેટ્રો અને બુલેટ ટ્રેનનું કામ પૂરજોશમાં શરૂ
વિધાનસભા ચૂંટણી પહેલા મેટ્રોનો ફેઝ-1 પૂર્ણ કરાશે
બુલેટ ટ્રેનના કોરિડોરનું કામ ઓગસ્ટ 2022 સુધીમાં પૂર્ણ કરવાનું આયોજન
ચૂંટણી પહેલા રાજ્યમાં મેટ્રો અને બુલેટ ટ્રેન પ્રોજેક્ટનું કામ પૂરજોશમાં શરૂ
વિધાનસભા ચૂંટણી પહેલા મેટ્રોનો ફેઝ-1 પૂર્ણ કરાશે.જ્યારે 2024ની લોકસભા ચૂંટણી પહેલા બુલેટ ટ્રેનનો એક ફેઝ પૂર્ણ કરી દેવાશે.સરસપુરમાં બુલેટ ટ્રેન માટે સ્ટેશન કમ કોરિડોરના બાંધકામ માટે કોન્ટ્રેક્ટ અપાયો છે.તેમજ સ્ટેશન પર એલિવેટેડ કોરિડોરનું કામ શરૂ કરી દેવાયું છે. ઉલ્લેખનીય છે કે, અમદાવાદ–મુંબઈ બુલેટ ટ્રેન માટેનો કોરિડોર પ્લેટફોર્મ-11 અને 12 પર રહેશે.અને કોરિડોરનું કામ ઓગસ્ટ 2022 સુધીમાં પૂર્ણ કરવાનું આયોજન છે.
હાલ અમદાવાદમાં મેટ્રો ટ્રેનના ફેઝ-1નું કામ 80.50 ટકા પૂર્ણ થયું છે.
બીજી બાજુ ગુજરાત વિધાનસભાની ચૂંટણી પહેલાં અમદાવાદ મેટ્રો રેલના પ્રથમ તબક્કાને પૂર્ણ કરાશે. અમદાવાદ મેટ્રો રેલના ફેઝ-1 પૂર્વ–પશ્ચિમ અને ઉત્તર–દક્ષિણ કોરિડોરનું કામ 2022 ઓગસ્ટ સુધી પૂર્ણ કરી દેવાનું આયોજન છે. અમદાવાદ મેટ્રોના બીજા ફેઝમાં 28.05 કિ.મી. વિસ્તાર આવરી લેવાશે.જ્યારે અમદાવાદમાં મેટ્રો ટ્રેનના ફેઝ-1માં 40.03 કિલોમીટરનું અંતર છે. જ્યારે બીજા ફેઝમાં ગાંધીનગર સુધી વધુ 28.05 કિલોમીટરનો વિસ્તાર આવરી લેવાશે.હાલ અમદાવાદમાં ફેઝ-1નું કામ 80.50 ટકા પૂર્ણ થયું છે.જ્યારે મેટ્રોના ફેઝ-2ની કામગીરી 6.50 ટકા પૂર્ણ થઇ છે.જ્યારે ફેઝ-2ની મેટ્રો ડિસેમ્બર 2023માં દોડતી થઈ જશે.