આગાહી / તૈયારી રાખજો, આ તારીખથી ફરી કડકડતી ઠંડીનો સામનો કરવો પડશે, હવામાન વિભાગે કરી મોટી આગાહી

• હવામાન વિભાગે ઠંડીને લઈને કરી મોટી આગાહી 
• આગામી 2 દિવસ બાદ ઠંડીનું પ્રમાણ વધશે 
• વેસ્ટર્મ ડિસ્ટર્બન્સને કારણે ઠંડીનું પ્રમાણ વધશે 

છેલ્લા 3 થી 4 દિવસમાં ઠંડીનું પ્રમાણ ઓછું થયું છે જેથી લોકોએ રાહતનો શ્વાસ લિઘો છે. જોકે હજું ફેબ્રુઆરી મહિનો આખો બાકી છે. જેથી ઠંડી પડવાની પૂરી સંભવના છે ત્યારે આવા સમયે હવામાન વિભાગ દ્વારા મોટી આગાહી કરવામાં જેમા હવામાન વિભાગના કહેવા પ્રમાણે અગામી દિવસોમાં ઠંડી વધવાની છે. 

વેસ્ટર્ન ડિસ્ટર્બન્સને કારણે ઠંડી વધશે 

હવામાન વિભાગે કરેલી આગાહી પ્રમાણે રાજ્યમાં ફરીથી ઠંડીનું પ્રમાણ વધવાની પુરી શક્યતા છે. રાજ્યમાં વેસ્ટર્ન ડિસ્ટર્બન્સની અસરને કારણે ઠંડી વધવાની શક્યતાઓ વધી ગઈ છે. જેથી આગામી દિવસોમાં ઠંડી વધવાની પૂરી શક્યતાઓ છે. 

દરિયાકાંઠે તેજ પવન રહેવાની શક્યતા 

રાજ્યમાં 6 ફેબ્રુઆરીના રોજ વેસ્ટર્ન ડિસ્ટર્બન્સની અસર જોવા મળશે. જેથી આગામી બે દિવસ માછીમારોને પણ દરિયો ન ખેડવા માટે સૂચના આપી દેવામાં આવી છે. આગામી બે દિવસ સુધી દરિયામાં કાંઠે પણ પવન તેજ રહેવાની પૂરી શક્યતાઓ છે. જેથી માછીમારોને દરિયો ન ખેડવા માટે સૂચના આપવામાં આવી છે. 

3 થી 4 ડિગ્રી તાપમાનમાં ઘટાડો જોવા મળશે 

ઉલ્લેખનીય છે કે 6 ફેબ્રુઆરીઓએ વેસ્ટર્ન ડિસ્ટર્બન્સની અસરને કારણે ઠંડીનું પ્રમાણ વધવાનું છે. જેમા બે દિવસ બાદ 3 થી 4 ડિગ્રી લઘુત્તમ તાપમાનમાં પણ ઘટાડો જોવા મળશે. છેલ્લા 3 થી 4 દિવસથી ઠંડીનું પ્રમાણ ઘટ્યું છે. પરંતુ હવે હવામાન વિભાગ દ્વારા આગાહી કરવામાં આવી છે કે આગામી 2 દિવસમાં 3 થી 4 ડિગ્રી લઘુતમ તાપમાનમાં ઘટાડો થશે.