આ ફેરફારથી 12 કરોડથી વધુ ખેડૂતોને થશે અસર
માત્ર મોબાઈલ નંબર નહીં આધાર કાર્ડની પણ પડશે જરૂર
બેંક ખાતાની તપાસનો દુરુપયોગ ટાળવા માટે કરાયો ફેરફાર
પ્રધાનમંત્રી કિસાન સન્માન નિધિ યોજના હેઠળ, લાભાર્થી ખેડૂત પરિવારોને રૂ. 2000ના 3 હપ્તામાં રૂ. 6000 ની આર્થિક સહાય આપવામાં આવે છે. આ યોજનાથી 12 કરોડ ખેડૂતોને ફાયદો થાય છે.
માત્ર મોબાઈલ નંબર નહીં આધાર કાર્ડની પણ પડશે જરૂર
રિપોર્ટ્સ અનુસાર આ પ્લાનમાં મોટો ફેરફાર કરવામાં આવ્યો છે. અગાઉ, ખેડૂતો પીએમ કિસાન નિધિ યોજનાની સત્તાવાર વેબસાઇટ પર જઈને તેમના મોબાઇલ નંબરની મદદથી બેંક ખાતામાં જમા રકમની તપાસ કરતા હતા. પણ હવે એવું નહીં થાય. હવે ખેડૂતોએ આ માટે આધાર અને બેંક ખાતાની વિગતો પણ આપવી પડશે.
આ ફેરફારથી 12 કરોડથી વધુ ખેડૂતોને થશે અસર
પીએમ કિસાન સન્માન નિધિ યોજનામાં આ ફેરફારથી 12 કરોડથી વધુ નોંધાયેલા ખેડૂતોને અસર થશે. અત્યાર સુધી, રજીસ્ટ્રેશન પછી, ખેડુતો પોતાના મોબાઈલ નંબર દ્વારા પોતાની સ્થિતિ તપાસી શકતા હતા. હવે ખેડૂતો તેમના મોબાઈલ નંબર દ્વારા સ્ટેટસ જોઈ શકશે નહીં અને તેઓએ આધાર નંબર સાથે અન્ય કેટલીક વિગતો દાખલ કરવી પડશે અને ત્યારબાદ તેઓ આ યોજનામાંથી વધુ માહિતી મેળવી શકશે.
તપાસનો દુરુપયોગ ટાળવા માટે કરાયો ફેરફાર
બેંક ખાતાની તપાસનો દુરુપયોગ ટાળવા માટે આ પગલું લેવામાં આવ્યું છે. અગાઉ કોઈ પણ વ્યક્તિ મોબાઈલ નંબરની મદદથી ખેડૂતનું એકાઉન્ટ ચેક કરી શકતું હતું. પરંતુ હવે આધાર કાર્ડ વિના આવું કરવું અશક્ય છે. આ સિવાય ખેડૂતો આધાર દ્વારા તેમની અરજીની સ્થિતિ વિશે માહિતી મેળવી શકે છે.
આવી રીતે કરો એપ્લિકેશન સ્ટેટ્સની તપાસ
- સૌપ્રથમ pmkisan.gov.in વેબસાઇટની મુલાકાત લો.
-વેબસાઈટની જમણી બાજુએ 'કિસાન કોર્નર' પર ક્લિક કરો.
-હવે વિકલ્પમાંથી Beneficiary Status પર ક્લિક કરો.
-સ્ટેટસ ચેક કરવા માટે તમારે આધાર નંબર, બેંક એકાઉન્ટ અને મોબાઈલ નંબર જેવી કેટલીક વિગતો દાખલ કરવી પડશે.
-આ પ્રક્રિયા પૂર્ણ કર્યા પછી, તમે તમારું નામ લિસ્ટમાં છે કે નહીં તેની માહિતી મેળવી શકો છો.
તમને જણાવી દઈએ કે વડાપ્રધાન નરેન્દ્ર મોદીએ 1 જાન્યુઆરીએ પીએમ કિસાન યોજના હેઠળ ખેડૂતોના ખાતામાં 10મા હપ્તાના 2000 રૂપિયા ટ્રાન્સફર કરવાની જાહેરાત કરી હતી. આ પછી નવા વર્ષે કરોડો ખેડૂતોના બેંક ખાતામાં પૈસા ટ્રાન્સફર કરવામાં આવ્યા. ખેડૂતો આ પૈસા આધાર કાર્ડની મદદથી ચેક કરી શકે છે.
