લગ્ન કરવા તે દરેક વ્યક્તિનું સપનુ હોય છે, ઘણા લોકો લવ મેરેજ કરે છે તો ઘણા લોકોનો પરિવાર લગ્ન કરાવી આપવા માટે એડીચોટીનુ જોર લગાવે છે પરંતુ તમે ક્યારેય એવુ વિચાર્યુ કે સરકાર તમને લગ્ન કરવા માટે મદદ કરે ?
જપાનમાં સરકાર આપે છે લગ્ન કરવા પૈસા
ઇટાલીમાં પણ બાળકો માટે છે અલગ કાયદો
જન્મદર વધારવા માટે સરકારે ઉઠાવ્યા પગલા
જપાનમાં સરકારે યુવાનોને લગ્ન કરવા માટે મદદ કરવાની યોજના બનાવી છે. આ નિર્ણય સરકારે જન્મદર વધે તે માટે લીધો છે. જપાનમાં ઘર વસાવીને લગ્નજીવન શરૂ કરવા ઈચ્છુક યુગલોને છ લાખ યેન એટલે કે આશરે રૂ. સવાચાર લાખ સુધીની રકમ આપવાની જાહેરાત કરી છે. આ પ્રોત્સાહક રકમ આપવાનો હેતુ લોકો લગ્ન કરીને ઝડપથી બાળકો પેદા કરે અને દેશમાં ઝડપથી ઘટતા જતા જન્મદર પર કાબૂ મેળવી શકાય એ છે. આ માટે જાપાન સરકાર એપ્રિલમાં મોટે પાયે જાહેર કાર્યક્રમ શરૂ કરવા જઈ રહી છે.
ગયા વર્ષે જપાનમાં ઐતિહાસિક રીતે સૌથી ઓછા 8,65,000 બાળકોને જન્મ થયો હતો. આ જન્મની તુલનામાં મૃત્યુનો આંકડો 5.12 લાખથી વધુ હતો. આ આંકડા પ્રમાણે જન્મ અને મૃત્યુમાં અત્યાર સુધીનો સૌથી મોટો ફર્ક છે. સરકારને આશા છે કે આ વર્ષે જન્મદર ગયા વર્ષના 1.42%થી થોડો વધુ 1.8% સુધી રહેશે. જપાનની જનસંખ્યા 12.68 કરોડ છે. વસ્તિની દૃષ્ટિએ જપાન વિશ્વનો સૌથી વૃદ્ધ દેશ છે.
ઈટલીમાં બાળકના જન્મ પર આ કાયદો
જપાન પછી ઈટલી બીજો દેશ છે, જ્યાં ઝડપથી જન્મદર ઘટી રહ્યો છે. અહીં દરેક યુગને એક બાળકના જન્મ વખતે સરકાર તરફથી રૂ. 70 હજારની પ્રોત્સાહક રકમ અપાય છે. આ સાથે એક યુરો એટલે કે 80 રૂપિયામાં ઘર અને વેપાર શરૂ કરવાની સુવિધા પણ અપાય છે.
એસ્તોનિયા
યુરોપના એસ્તોનિયા દેશમાં જન્મદર વધારવા માટે નોકરી કરનારને દોઢ વર્ષ સુધી સંપૂર્ણ વેતન સાથે રજા અપાય છે. આ સાથે ત્રણ બાળક ધરાવતા પરિવારને દર મહિને 300 યુરો એટલે કે આશરે રૂ. 25 હજારનું બોનસ પણ મળે છે.
ઈરાન
ઈરાનમાં પુરુષોની નસબંધી પર પ્રતિબંધ છે. અહીં ગર્ભનિરોધક દવાઓ પણ ફક્ત મહિલાઓને અપાય છે.