લાપરવાહી / હદ થઇ ગઇ! મહિને10 હજારની સેલરી ધરાવનાર શખ્સને IT વિભાગે ફટકારી 1 કરોડની નોટીસ, ભાઇની તો પગ નીચેથી જમીન સરકી ગઈ

• સિક્યોરિટી ગાર્ડ તરીકે કામ કરતા એક વ્યક્તિને 1 કરોડ 14 લાખ રૂપિયાની નોટિસ
• આ સૂચના મળતાં જ ચંદ્રકાંત વરકના પગ નીચેથી જમીન સરકી ગઈ
• 10,000 ના પગારથી ગુજરાન ચલાવે છે

મુંબઈને અડીને આવેલા કલ્યાણમાંથી એક વિચિત્ર સમાચાર સામે આવ્યા છે. અહીં આવકવેરા વિભાગ દ્વારા હાઉસ કીપિંગ અને સિક્યોરિટી ગાર્ડ તરીકે કામ કરતા એક વ્યક્તિને 1 કરોડ 14 લાખ રૂપિયાની નોટિસ મોકલવામાં આવી છે. આ નોટિસ મળતાં આ સિક્યુરિટી ગાર્ડ આશ્ચર્યચકિત થઈ ગયો હતો. આ સિક્યુરિટી ગાર્ડનું નામ છે ચંદ્રકાંત વરક.

56 વર્ષીય ચંદ્રકાત વરકનું કહેવું છે કે તેણે પોતાના જીવનમાં આટલા પૈસા માત્ર ટીવી પર જ જોયા છે, કારણ કે તેને ટેક્સ ભરવાનું કહેવામાં આવી રહ્યું છે. આ સૂચના મળતાં જ તેના પગ નીચેથી જમીન સરકી ગઈ. ચંદ્રકાંત વરક પોતાની ફરિયાદ લઈને ઈન્કમટેક્સ વિભાગ પહોંચ્યા અને પૂછપરછ કરી હતી. જવાબ સાંભળીને તેઓ વધુ આશ્ચર્યચકિત થઈ ગયા હતા. તેને કહેવામાં આવ્યું કે તેના પાન કાર્ડ નંબરનો ઉપયોગ કરીને વિદેશમાં ખરીદી કરી છે.

ચંદ્રકાંત વરક કહે છે કે તેમને કંઈ સમજાતું નથી. આ બાબતની યોગ્ય તપાસ થવી જોઈએ અને તેમને આ મામલામાં રાહત આપવી જોઈએ. મળતી માહિતી મુજબ, 56 વર્ષીય ચંદ્રકાંત વરક કલ્યાણના થંકરપાડા વિસ્તારની જૈન ચાલમાં તેમના બહેન સાથે રહે છે. તેઓ ક્યારેક હાઉસ કીપિંગ અથવા સિક્યુરિટી ગાર્ડ તરીકે અને ક્યારેક કુરિયર બોય તરીકે કામ કરે છે. કોઈક રીતે, તેઓ 10,000 ના પગારથી ગુજરાન ચલાવે છે. પરંતુ બુધવારે (1 ફેબ્રુઆરી) તેમને આવકવેરા વિભાગ તરફથી 1 કરોડ 14 લાખ રૂપિયા ચૂકવવા માટે મોકલવામાં આવેલી નોટિસ મળી. નોટિસ મળી ત્યારથી ચિંતામાં છે.

ચીનમાં શોપિંગ કોણે કરી ?
પૂછપરછ પર આવકવેરા વિભાગે તેમને કહ્યું કે તેમના પાન કાર્ડ અને કાગળોનો ઉપયોગ કરીને ચીનમાં સામાન ખરીદવામાં આવ્યો છે. તે ખરીદીઓ પર ટેક્સ ચૂકવવામાં આવ્યો નથી. અધિકારીઓએ તેમને પોલીસ સ્ટેશન જવા કહ્યું છે. હવે ચંદ્રકાંત વરક પોલીસ સ્ટેશનમાં જઈને આ અંગે ફરિયાદ કરવાની હિંમત દાખવી રહ્યા છે.