દિલ્હી-યુપી સહિતના રાજ્યો માટે IMD વિભાગે ઠંડીને લઈને ચેતવણી આપતા જણાવ્યું છે કે દેશમાં વેસ્ટર્ન ડિસ્ટર્બનસના કારણે ઉત્તર પશ્ચિમ ભારતમાં હવામાનમાં ફેરફાર જોવા મળ્યો છે. જેના કારણે હવે કેટલાક રાજ્યોમાં તાપમાનનો પારો નીચો જઇ શકે છે.
દિલ્હી-યુપી સહિત આ રાજ્યો માટે IMDની ચેતવણી
ઠંડીમાં વધારો થાય તેવી શકયતા વ્યકત કરાઈ
વેસ્ટર્ન ડિસ્ટર્બનસના કારણે ઉત્તર પશ્ચિમ ભારતમાં હવામાનનમાં બદલાવ
હવામાન વિભાગના જણાવ્યા પ્રમાણે વેસ્ટર્ન ડિસ્ટબન્સની અસર હાલ દેશમાં જોવા મળી રહી છે. જેના કારણે ઝડપથી ફૂંકાતા પવનની દિશા બદલાઈને દક્ષિણ-પશ્ચિમથી ઉત્તર-પશ્ચિમ તરફ થઈ જશે. આમ પવનની દિશા બદલાતા મધ્યપ્રદેશ, પંજાબ, હરિયાણા અને ઉત્તરપ્રદેશ તેમજ રાજસ્થાનમાં તાપમાનનો પારો નીચો જઇ શકે છે. જ્યારે દિલ્હીમાં આગામી દિવસોમા પવન ફૂંકવાનું પણ હવામાન વિભાગે જણાવ્યું છે.
IMDના જણાવ્યુ કે...
IMDના જણાવ્યા પ્રમાણે દેશમાં વેસ્ટર્ન ડિસ્ટર્બન્સની હાલમાં અસર દેખાઈ રહી છે ત્યાર બાદ પવનની દિશામાં પલ્ટો જોવા મળશે જે બાદ પવનની દિશા પણ બદલાશે. શિયાળાની સીઝનમાં હાલ દક્ષિણ-પશ્ચિમથી ઉત્તર-પશ્ચિમ તરફ પવનની દિશા જવાની વકી હોવાથી આગામી દિવસોમાં તાપમાનનો પારો સડસડાટ. જેની અસરને પગલે અનેક રાજ્યમાં શીત લહેર જોવા મળશે.
ઉલ્લેખનીય છે કે દેશમાં હાલમાં બે આકડામાં તાપમાન નોંધાઈ રહ્યુ છે.જેથી લોકોએ ઠંડીમાંથી રાહત અનુભવી છે તેવામાં હવે ફરી એક વખત હવામાન વિભાગની આગાહીને પગલે પારો એકવાર સિંગલ આંકડમાં જોવા મળી શકે છે. પરંતુ હવામાન વિભાગના જણાવ્યા પ્રમાણે આ ઠંડી લાંબો સમય ચાલશે નહીં એટલે કે ૧૪ ફેબ્રુઆરી પછી દિન પ્રતિદિન તાપમાનમાં વધારો થતો જોવા મળશે. એટલે ચોક્કસથી કહિ શકાય કે હવે ઉત્તર પશ્ચિમ ભારતના કોઈપણ વિસ્તારમાં હવે આગામી દિવસોમાં શીત લહેર આવવાની કોઈ શક્યતા દેખાતી નથી.