લઠ્ઠાકાંડ / હાઈપાવર કમિટી 3 જ દિવસમાં રિપોર્ટ આપશે, અમને મુખ્યમંત્રીએ અહીં મોકલ્યા છે: ભાવનગરમાં વાઘાણીનું નિવેદન

• ભાવનગરમાં જીતુ વાઘાણીનું નિવેદન, કોઈપણ ચરમબંધીને છોડવામાં નહી આવે
• સરકાર કાંઈ છુપાવવા નથી માંગતી, જે કોઈ પણ સંડોવાયેલા હશે તેમની સામે કાર્યવાહી થશે
• આ રાજનીતિ કરવાનો વિષય નથી, અમને મુખ્યમંત્રીએ અહીં મોકલ્યા છે: વાઘાણી

બોટાદના બરવાળામાં કથિત લઠ્ઠાકાંડ બાદ અસરગ્રસ્તો સારવાર હેઠળ ભાવનગર સિવિલ હોસ્પિટલમાં ખસેડાયા છે. જેને લઈ હવે આરોગ્યમંત્રી અને શિક્ષણમંત્રી સિવિલ હોસ્પિટલ પહોંચ્યા છે. જ્યાં આરોગ્યમંત્રીએ જણાવ્યું હતું કે, અત્યાર સુધી 25 દર્દીઓના મોત થયા છે. ભાવનગરમાં 18 ક્રિટિકલ 12 ડાયાલીસીસ ઉપર છે. આ તરફ જીતુ વાઘાણીએ કહ્યું હતું કે, કોઈપણ ચરમબંધીને છોડવામાં નહી આવે. સરકાર કાંઈ છુપાવવા નથી માંગતી. આ સાથે ઉમેર્યું હતું કે, આ રાજનીતિ કરવાનો વિષય નથી. સમગ્ર ઘટનાને લઈ એક હાઈ પાવર કમિટીની રચના કરવામાં આવી છે. 

અમને મુખ્યમંત્રીએ અહીં મોકલ્યા છે: જીતુ વાઘાણી 

રાજ્ય શિક્ષણમંત્રી જીતુ વાઘાણીએ ભાવનગર સિવિલ હોસ્પિટલની મુલાકાત લીધી હતી. જ્યાં તેઓએ જણાવ્યું હતું કે, અમને મુખ્યમંત્રીએ મોકલ્યા છે, આ રાજનીતિ કરવાનો વિષય નથી. સમગ્ર ઘટનાને ળાઇ એક  હાઈ પાવર કમિટીની રચના કરવામાં આવી છે, જેમાં કમિટીના ચેરપર્સન શુભાષ ત્રિવેદી નીમવામાં આવ્યા છે. આ કમિટી ત્રણ દિવસમાં રિપોર્ટ આપશે જે બાદમાં કોઈને બક્ષવામાં નહી આવે. આ સાથે કસૂરવાર પર ચાર્જ સહિત કરી કડક કાર્યવાહી કરવામાં આવશે તેવું ઉમેર્યું હતું. 

600 લિટર કેમિકલ ખરીદવામાં આવ્યું હતું : વાઘાણી

જીતુ વાઘાણીએ જણાવ્યું હતું કે, આરોપીઓ દ્વારા 600 લિટર કેમિકલ ખરીદવામાં આવ્યું હતું. આ સાથે હવે પોલીસની ટુકડીઓ ઘરે ઘરે  અને ગામડાઓમાં ફરીને તપાસ કરી રહી છે. આ સાથે તેમણે મીડિયાના વખાણ કરતાં જણાવ્યું હતું કે, મીડિયાનો રોલ પણ પ્રશંસનીય છે. જીતુ વાઘાણીએ ઉમેર્યું હતું કે, મુખ્યમંત્રીએ અધિકારીઓ સાથે બેઠક કરી હતી જે બાદમાં 
અમને મુખ્યમંત્રીએ અહી મોકલ્યા છે.