IMPACT / મનફાવે ત્યાં વાહનો પાર્ક કરતા પહેલા 10 વખત વિચારી લેજો, VTVના અહેવાલ બાદ ટ્રાફિક DCPએ આપ્યા કડક આદેશ

• VTVના અહેવાલની ટ્રાફિક પોલીસે લીધી નોંધ
• ગેરકાયદેસર પાર્કિંગ કરનાર સામે પગલાં લેવાશે

અમદાવાદ શહેરને સ્માર્ટ સિટીનો દરજ્જો આપવામાં આવ્યો છે.. પરંતુ આ સ્માર્ટ સિટીમાં સૌથી વધુ સમસ્યા ટ્રાફિકની છે.. કારણ કે, લોકો પાર્કિંગની વ્યવસ્થાના અભાવે મનપડે ત્યાં પાર્કિંગ કરીને જતા રહે છે.. જોકે બીજી તરફ પાર્કિંગ માટે ખાસ પાર્કિંગ પ્લોટની વ્યવસ્થાઓ કરાઈ હોવાનું અને નિયમનો ભંગ કરનાર સામે કડક કાર્યવાહીની તંત્ર ખોખલી વાતો કરે છે.. ત્યારે વીટીવી ન્યૂઝે પોકળ દાવાઓ વચ્ચે પાર્કિંગ અને ટ્રાફિક વ્યવસ્થાનું રિયાલિટી ચેક કર્યું હતું જેમાં તંત્રની ખોખલી વાતો ઉઘાડી પડી હતી. હવે ટ્રાફિક DCP મયંકસિંહ ચાવડા અહેવાલની ગંભીર નોંધ લીધી છે. 

પાર્કિંગની જગ્યાએ દુકાનો બનાવનાર સામે કડક કાર્યવાહી થશે
અમદાવાદમાં પાર્કિંગની સમસ્યાના VTVના અહેવાલની અસર જોવા મળી.VTVના અસરદાર અહેવાલ બાદ ટ્રાફિક પોલીસ જાગી છે.શહેરમાં ગેરકાયદેસર પાર્કિંગ કરતા વાહનો સામે પગલાં લેવા આદેશ કરવામાં આવ્યો છે.કોમર્શિયલ બિલ્ડિંગમાં પાર્કિંગ મુદ્દે નોટિસ આપી છે.શૈક્ષણિક સંસ્થાઓ, કોમર્શિયલ બિલ્ડિંગ, કોચિંગ ક્લાસને નોટિસ ફટકારી છે.પાર્કિંગની જગ્યાએ દુકાનો બનાવનાર સામે કડક કાર્યવાહી થશે.ટ્રાફિક DCP મયંકસિંહ ચાવડાએ તપાસના આદેશ આપ્યા છે.રહેણાંક વિસ્તારમાં પાર્કિંગ કરતા વાહનચાલકો સામે કાર્યવાહી થશે.રહેણાંક વિસ્તારમાં પાર્કિંગનો અભાવ હોય તેને નોટિસ ફટકારી છે.

વગર આયોજને પાર્કિંગ બનાવ્યા ઉપયોગ નહીવત
કાંકરિયા અને નવરંગપુરા ખાતે મલ્ટીલેવલ પાર્કીંગ બનાવ્યુ છે જે નીષ્ળફ ગયુ છે...કાંકરિયા પાર્કીંગની વાત કરીએ તો 7 માળના આ પાર્કીંગમાં કેપેસીટી કરતા અડધા વાહનોનું જ પાર્કીગ કરવામા આવે છે...તથા આવી જ સ્થિતિ નવરંગપુરા ખાતેના પાર્કિંગમાં પણ જોવા મળી રહી છે...અંહી મનપા દ્વારા 170 કરોડના ખર્ચે પાર્કીગ બનાવાયુ છે...અંહી ટેન્ડર કમ હરાજીથી આપેલા પાર્કીગમાં 60 ટકા જ્યારે  વીઝીટર્સ માટેના પાર્કીગનો 40 ટકા ઉપયોગ થાય છે.

સ્માર્ટ સિટીમાં પાર્કિગની સમસ્યા શું છે?

• સ્માર્ટ સિટીમાં પાર્કિંગનો વિકટ પ્રશ્ન
• જાહેર માર્ગો પર લોકો કરી રહ્યા છે પાર્કિંગ
• પાર્કિંગના અભાવને કારણે આડેધડ થઇ રહ્યા છે પાર્કિંગ
• ફૂટપાથ પર પાર્કિંગ કરવા વાહનચાલકો મજબૂર
• રહેણાંક વિસ્તારમાં બહારથી આવનારા લોકો કરી રહ્યા છે આડેધડ પાર્કિંગ
• સોસાયટીના માર્ગો પર વાહનચાલકોએ સ્વેચ્છાએ બનાવ્યા પાર્કિંગ
• બેફામ પાર્કિંગ સામે તંત્રના દાવાઓ પોકળ
• તંત્રની કાર્યવાહીના દાવા વચ્ચે જનતામાં જોવા મળ્યો રોષ

કોમર્શિયલ ઇમારતો પાસે નથી પાર્કિંગ વ્યવસ્થા
અમદાવાદ શહેર મહાનગર પાલિકા પાસે પાર્કિંગ પોલિસીને લઇ કોઇ નક્કર આયોજન જોવા નથી મળી રહ્યું.મનપા દ્વારા પાર્કિંગ મુદ્દે એક નવી પોલિસી બનાવવાની જરૂરિયાત દેખાઇ રહી છે.મનપામાં પાર્કિંગ પોલિસીને અભાવે લોકો આડેધડ પાર્કિંગ કરી રહ્યા છે.કોમર્શિયલ ઇમારતો પાસે પાર્કિંગની સુવિધા ન હોવા છતાં પણ કોમર્શિયલ ઇમારતો ધમધમી રહી છે.વાહનો આડેધડ પાર્કિંગ થવાને કારણે અનેક સમસ્યાઓ સર્જાઇ રહી છે