દિલ્હી / PM મોદીનું કામ પસંદ આવ્યું 'ધ ગ્રેટ ખલી'ને, ભાજપમાં જોડાયા, કૂસ્તી બાદ રાજનીતિમાં ઝૂકાવ્યું

• કુસ્તી બાદ હવે રાજનીતિમાં આવ્યાં મશહૂર રેસલર દિલિપ રાણા
• ધ ગ્રેટ ખલી તરીકે  મશહૂર દિલિપ રાણા ભાજપમાં જોડાયા
• દિલિપ રાણાએ   WWE રેસલિંગમાં દેશનું નામ રોશન કર્યું છે
• મુળ હિમાચલના પણ હાલમાં પંજાબમાં રહીને  યુવાનોને કુસ્તી શીખવાડે છે

પાંચ રાજ્યોમાં ચાલી રહેલી વિધાનસભાની ચૂંટણીઓની વચ્ચે ભાજપમાં એક મોટા ગજાના અને દેશનું નામ રોશન કરનાર ખેલાડીનો સાથ મળ્યો છે. ધ ગ્રેટ ખલી તરીકે  મશહૂર દિલિપ રાણા દિલ્હી સ્થિત ભાજપ મુખ્યાલયમાં કેન્દ્રીય મંત્રી જિતેન્દ્ર સિંહની હાજરીમાં ભાજપમાં સામેલ થયા છે. 

I'm glad to have joined BJP... I feel that PM Modi's work for the nation makes him the right Prime Minister. So, I thought why not be a part of his governance for the nation's development. I joined BJP after being influenced by BJP's national policy: Wrestler The Great Khali pic.twitter.com/RjwU4XIw16

— ANI (@ANI) February 10, 2022

પંજાબમાં પાર્ટીને થઈ શકે છે ફાયદો
WWEના પૂર્વ ચેમ્પિયન ખલીનું અસલી નામ દિલિપ સિંહ રાણા છે. ખલી પંજાબ પોલીસમાં રહી ચૂક્યા છે. તેમના ભાજપમાં પ્રવેશ બાદ માનવામાં આવી રહ્યું છે કે પંજાબમાં પાર્ટીને ફાયદો થઇ શકે છે. જો કે ખલી મૂળ હિમાચલ પ્રદેશની છે. પરંતુ તે જલંધરમાં કોન્ટિનેન્ટલ રેસલિંગ એકેડમી (સીડબ્લ્યુઇ) ચલાવે છે. આ એકેડમીમાં ખલી યુવાનોને કુસ્તીની તરકીબો શીખવે છે.

PM મોદીનું કામ જોઈને ભાજપમા જોડાયો 
ભાજપમાં સામેલ થયા બાદ ખલીએ કહ્યું હતું કે, ભાજપમાં રહીને મને ખૂબ સારું લાગે છે. WWE ખાતે, મારા માટે નામ અને સંપત્તિની કમી નહોતી. પરંતુ દેશ પ્રત્યેના પ્રેમે મને પાછો ખેંચી લાવ્યો. પીએમ મોદીના દેશ માટેના કામને જોઇને હું ભાજપમાં આવી ગયો છું. મેં વિચાર્યું કે દેશની પ્રગતિની આ યાત્રામાં શા માટે સામેલ ન થવું જોઈએ." તેમણે કહ્યું કે, "ભાજપની નીતિ ભારતને આગળ વધારવાની છે" તેનાથી પ્રભાવિત થઈને હું ભાજપમાં જોડાઈ ગયો છું. જ્યાં પણ પાર્ટી મારી ફરજ બજાવશે, હું તેના પર ખરા ઉતરવાનો પૂરો પ્રયાસ કરીશ.

કોણ છે ધ ગ્રેટ ખલી તરીકે મશહૂર દિલિપ સિંહ રાણા
ધ ગ્રેટ ખલી તરીકે મશહૂર દિલિપ સિંહ રાણા મુળ હિમાચલ પ્રદેશના છે પરંતુ તેઓ હાલમાં પંજાબના જલંધરમાં કોન્ટિનેન્ટલ રેસલિંગ એકેડમી ચલાવી રહ્યાં છે. 7 ફૂટ 1 ઈંચ ઊંચા ધ ગ્રેટ ખલીએ WWE રેસલિંગમાં તમામ મોટી ચેમ્પિયન પોતાને નામે કરી લીધી હતી. જોકે છેલ્લા ઘણા વર્ષોથી તેઓ WWE દૂર રહ્યાં છે અને હાલમાં યુવાનોને કૂસ્તીની તાલીમ આપી રહ્યાં છે. ભારતનું નામ રોશન કર્યું હતું.WWEની સાથે તેમણે ફિલ્મોમાં પણ કામ કર્યું છે. તેઓ ટીવી શો બિગ બોસમાં પણ આવ્યાં હતા.  WWEમાં જતા પહેલા તેઓ પંજાબ પોલીસમાં ASI તરીકે સેવા આપતા હતા. પાર્ટીમાં ખલીની એન્ટ્રી સાથે ભાજપમાં ખૂબ મોટો ફાયદો થઈ શકે છે.