- મંગળવાર ભારતીય શેરબજાર માટે ખૂબ જ અશુભ સાબિત થયો
- રોકાણકારો દ્વારા ભારે વેચાણને કારણે બજારમાં મોટો ઘટાડો જોવા મળ્યો
- સેન્સેક્સ 380 પોઈન્ટના ઘટાડા સાથે 71,892 પોઈન્ટ પર બંધ થયો
- નિફ્ટી 76 પોઈન્ટના ઘટાડા સાથે 21,665 પોઈન્ટ પર બંધ થયો
નવા વર્ષનું બીજું ટ્રેડિંગ સેશન અને મંગળવાર ભારતીય શેરબજાર માટે ખૂબ જ અશુભ સાબિત થયું. રોકાણકારો દ્વારા ભારે વેચાણને કારણે બજારમાં મોટો ઘટાડો જોવા મળ્યો છે. આ ઘટાડાથી માત્ર ફાર્મા સેક્ટરના શેર જ અસ્પૃશ્ય રહ્યા હતા. સેન્સેક્સ ફરી 72,000 ની નીચે સરકી ગયો છે. આજના કારોબારના અંતે BSE સેન્સેક્સ 380 પોઈન્ટના ઘટાડા સાથે 71,892 પોઈન્ટ અને નેશનલ સ્ટોક એક્સચેન્જનો નિફ્ટી 76 પોઈન્ટના ઘટાડા સાથે 21,665 પોઈન્ટ પર બંધ થયો હતો. દિવસના કારોબાર દરમિયાન એક સમયે સેન્સેક્સ 650 પોઈન્ટ અને નિફ્ટી 200 પોઈન્ટ્સ લપસી ગયો હતો. પરંતુ બજારે નીચલા સ્તરેથી થોડી રિકવરી દર્શાવી છે.
બેન્કિંગ, આઈટી, ઓટો, એફએમસીજી સેક્ટરના શેરો ઘટાડા સાથે બંધ થયા
આજના કારોબારમાં ફાર્મા, હેલ્થકેર, મેટલ્સ, મીડિયા, એનર્જી અને ઓઈલ એન્ડ ગેસ સેક્ટરના શેરોમાં ખરીદારી જોવા મળી હતી, જ્યારે બેન્કિંગ, આઈટી, ઓટો, એફએમસીજી સેક્ટરના શેરો ઘટાડા સાથે બંધ થયા હતા. આજના કારોબારમાં મિડ કેપ અને સ્મોલ કેપમાં પણ પ્રોફિટ બુકિંગ હતું. સેન્સેક્સના 30 શેરોમાંથી 24 શેરો ઘટીને બંધ થયા હતા જ્યારે માત્ર 6 શેરો વધીને બંધ થયા હતા. નિફ્ટીના 50 શેરોમાંથી 30 વધ્યા અને 20 નુકસાન સાથે બંધ થયા. આજના ટ્રેડિંગમાં BSE પર લિસ્ટેડ કંપનીઓનું માર્કેટ કેપ રૂ. 365.21 લાખ કરોડ પર બંધ થયું હતું.
વાંચવા જેવું : માત્ર લોન મેળવવા જ નહીં, નોકરી માટે પણ વધારે ફાયદાકારક હોય છે Cibil Score, સમજો કેવી રીતે
અનેક શેરમાં ઘટાડો જોવા મળ્યો
આજના ટ્રેડિંગમાં સન ફાર્મા 2.90 ટકા, બજાજ ફાઇનાન્સ 1.91 ટકા, ભારતી એરટેલ 1.07 ટકા, બજાજ ફિનસર્વ 0.88 ટકા, રિલાયન્સ 0.86 ટકા, ટાઇટન કંપની 0.66 ટકા, ITC 0.62 ટકા, પાવર ગ્રીડ 0.11 ટકાના વધારા સાથે બંધ થયા હતા. જ્યારે અલ્ટ્રાટેક સિમેન્ટ 2.46 ટકા, મહિન્દ્રા એન્ડ મહિન્દ્રા 2.44 ટકા, કોટક મહિન્દ્રા 2.42 ટકા, લાર્સન 2.31 ટકા, ICICI બેન્ક 1.91 ટકા, વિપ્રો 1.71 ટકા, ટેક મહિન્દ્રા 1.59 ટકાના ઘટાડા સાથે બંધ થયા હતા.
વાંચવા જેવું : OMG! રૂ.14.97 લાખ કરોડના આંકડાને આંબી ગયું GST કલેક્શન: નાણાં મંત્રાલયે જાહેર કર્યો રિપોર્ટ
