વિકૃતિ / પિતાએ દીકરી પર કર્યો રેપ અને બાદમાં ગૂગલ પર સર્ચ કર્યુ તે ચોંકાવનારું, જાણો ક્યાં બની ઘટના

• એક પિતાએ પોતાની જ 10 મહિનાની બાળકી સાથે કરી બળજબરી 
• 10 મહિનાની પુત્રી પર દુષ્કર્મ કર્યા બાદ ગૂગલમાં ચેક કર્યું " કેવી રીતે ખબર પડે કે મરી ગઈ છે કે નહીં?"
• અમેરિકાના પેન્સિલવાનિયામાં સ્ટીવન ઓસ્ટિન નામના શખ્સે આ ઘૃણાસ્પદ કાર્ય કર્યું હતું 

અમેરિકાના પેન્સિલવાનિયામાં સ્ટીવન ઓસ્ટિન નામના એક શખ્સ પર પોતાની જ 10 મહિનાની દીકરી ઉપર દુષ્કર્મ કરવાનો આરોપ લાગ્યો છે, આ બાળકી આ રેપની ઘટના બાદ બે જ કલાકમાં મૃત્યુ પામી હતી. 

ઓસ્ટિન નામના શખ્સ પર લાગ્યો છે પોતાની જ પુત્રી પર દુષ્કર્મ કર્યાનો આરોપ 

એક ખાનગી અખબારના અહેવાલ અનુસાર 29 વર્ષીય સ્ટીવન ઓસ્ટિનને તેની 10 મહિનાની પુત્રી ઝારા સ્ક્રગ પર દુષ્કર્મ  કરવા બદલ ધરપકડ કરવામાં આવી છે. ઓસ્ટિન એક ફૂટબોલ કોચ છે અને તેના પર જાતીય હુમલો, બાળ દુષ્કર્મ  અને અન્ય ઘણા ગંભીર ગુનાઓનો આરોપ મૂકાયો છે. 

મોન્ટગોમરી કાઉન્ટી ડિસ્ટ્રિક્ટ એટર્ની ઓફિસ અનુસાર, શનિવારે સવારે ઓસ્ટિને પોલીસને બોલાવી હતી અને કહ્યું હતું કે તેની પુત્રીએ અચાનક શ્વાસ લેવાનું બંધ કરી દીધું હતું. બાળકીને હોસ્પિટલમાં લઈ જવામાં આવી હતી પરંતુ તેનો જીવ બચાવી શકાયો ન હતો જો કે ડોક્ટરે તુરંત પોલીસને સમગ્ર મામલાની જાણકારી આપી દીધી હતી. 

સર્ચ હિસ્ટ્રીથી થયો પર્દાફાશ 

પોલીસ ના જણાવ્યા મુજબ, ઓસ્ટિનની બ્રાઉઝર સર્ચ હિસ્ટ્રીથી સમગ્ર સત્ય ખૂલીને સામે આવી ગયું હતું. ઓસ્ટિને પોલીસને ફોન કર્યાના એક કલાક પહેલા ઘણી વાર ગૂગલ પર ચેક કર્યું હતું કે તે કેવી રીતે ચેક કરે કે બાળકી મુત્યુ પામી ચૂકી છે કે નહિ! આ મામલે તેને તેના બે મિત્રોને પણ મેસેજ કરીને મદદ માંગી હતી.  

બાળકીના ડાયપરની તપાસ કરતાં ઓસ્ટિનનું રહસ્ય પણ બહાર આવ્યું હતું, બાળકી ના ડાયપર પર લોહી અને ઓસ્ટિનના સીમેનના અંશો મળી આવ્યા છે. બાળકીની ઓટોપ્સી પરથી બહાર આવ્યું છે કે તેના પર દુષ્કર્મ  કરવામાં આવ્યો હતો, જેના કારણે તેના આંતરિક અવયવોને નુકસાન થયું હતું.