BIG NEWS / ધોરણ 12 વિજ્ઞાન પ્રવાહની પૂરક પરીક્ષા મુદ્દે સામે આવી સૌથી મોટી અપડૅટ, જાણો શું

• ધોરણ 12 વિજ્ઞાન પ્રવાહની પૂરક પરીક્ષાના ફોર્મ ભરવાની તારીખ લંબાવાઈ
• હવે 9 જૂન સુધી પૂરક પરીક્ષાના ફોર્મ શાળાઓ ઓનલાઇન ભરી શકશે
• ગેરહાજર વિદ્યાર્થીઓ જુલાઈમાં યોજાનાર પૂરક પરીક્ષા આપી શકશે

ધોરણ 12 વિજ્ઞાન પ્રવાહમાં એક-બે વિષયમાં નાપાસ થયેલા ઉમેદવારો માટે મહત્વના સમાચાર સામે આવ્યા છે. પૂરક પરીક્ષાના ફોર્મ ભરવાની તારીખ લંબાવાઈ છે. અત્રે તમને જણાવી દઈએ કે, હવે 9 જૂન સુધી પૂરક પરીક્ષાના ફોર્મ શાળાઓ ઓનલાઇન ભરી શકશે.

ધોરણ 12 વિજ્ઞાન પ્રવાહની પૂરક પરીક્ષાના ફોર્મ ભરવાની તારીખ લંબાવાઈ, હવે 9 જૂન સુધી પૂરક પરીક્ષાના ફોર્મ ભરી શકાશે, એક કે બે વિષયમાં નાપાસ કે ગેરહાજર વિદ્યાર્થીઓ જુલાઈમાં યોજાનાર પૂરક પરીક્ષા આપી શકશે#Standard12 #HSC #Science #vtvgujarati pic.twitter.com/sjDQSpLnbK

— VTV Gujarati News and Beyond (@VtvGujarati) June 5, 2023

અગાઉ 5 જૂન પૂરક પરીક્ષાના ફોર્મ ભરવાનો અંતિમ દિવસ હતો
એક કે બે વિષયમાં નાપાસ થયેલા વિદ્યાર્થીઓ જુલાઈમાં પૂરક પરીક્ષા આપી શકશે તેમજ ગેરહાજર વિદ્યાર્થીઓ પણ જુલાઈમાં પૂરક પરીક્ષા આપી શકશે. ઉલ્લેખનીય છે કે, અગાઉ 5 જૂન સુધી પૂરક પરીક્ષાના ફોર્મ ભરવાનો અંતિમ દિવસ હતો જો કે, સમય મર્યાદા વધારી હવે 9 જૂન સુધી કરવામાં આવી છે, પૂરક પરીક્ષાના ફોર્મ શાળાઓ દ્વારા ઓનલાઇન ભરાઈ રહ્યાં છે.

ધોરણ 12 સાયન્સનું પરિણામ આ વર્ષે 65.58 % ટકા આવ્યું
ગુજરાત માધ્યમિક અને ઉચ્ચ માધ્યમિક શિક્ષણ બોર્ડનું ધોરણ 12 સાયન્સનું પરિણામ જાહેર થઈ ગયું હતું. ધોરણ 12 સાયન્સનું 65.58 ટકા પરિણામ જાહેર થયું હતું. જિલ્લા પ્રમાણે વાત કરીએ તો મોરબી જિલ્લો 83.22 ટકાના પરિણામ સાથે સમગ્ર રાજ્યમાં મોખરે રહ્યું છે, જ્યારે દાહોદ જિલ્લો છેલ્લા ક્રમે રહ્યો છે. કેન્દ્રની વાત કરીએ તો સૌથી વધુ પરિણામ હળવદ કેન્દ્રનું 90.41% આવ્યું જ્યારે સૌથી ઓછુ પરિણામ લીમખેડા કેન્દ્રનું 22% આવ્યું અને રાજ્યમાં 27 શાળાઓનું 100% પરિણામ આવ્યું તેમજ રાજ્યમાં 76 શાળાઓનું પરિણામ 10%થી ઓછું આવ્યું છે.