આગાહી / દેશમાં આગામી 5 દિવસ પડશે મુશળધાર વરસાદ, આ રાજ્યોમાં રેડ એલર્ટ જારી, શાળાઓ પણ રહેશે બંધ

• પંજાબ, હરિયાણા અને ચંદીગઢમાં 7 થી 10 જુલાઈ વચ્ચે ભારે વરસાદની વકી
• હવામાન વિભાગે ભારે વરસાદને લઈને ગોવામાં રેડ એલર્ટ જાહેર કર્યુ
• દેશમાં આગામી 5 દિવસ સુધી મુશળધાર વરસાદ પડશે

મહારાષ્ટ્ર, ગુજરાત અને કર્ણાટક સહિત ઘણા રાજ્યોમાં ભારે વરસાદની આશંકા છે, જેના કારણે સરકાર દ્વારા પહેલાથી જ તમામ સાવચેતી રાખવામાં આવી રહી છે. આ ક્રમમાં, હવામાન વિભાગ (IMD) એ ટ્વીટ કરીને માહિતી આપી છે કે આગામી 5 દિવસ દરમિયાન, ઓડિશા, છત્તીસગઢ, મધ્યપ્રદેશ, મહારાષ્ટ્ર, ગુજરાત, કેરળ, તટીય આંધ્રપ્રદેશ, તેલંગાણા અને કર્ણાટકમાં છૂટાછવાયા સ્થળોએ ભારે વરસાદની સાથે વાવાઝોડાની શક્યતા છે.

oFairly widespread/widespread rainfall & thunderstorm/lightning with isolated heavy rainfall very likely over Odisha, Chhattisgarh, Madhya Pradesh, Maharashtra, Gujarat state, Kerala & Mahe, Coastal Andhra Pradesh & Yanam, Telangana and Karnataka during next 5 days. pic.twitter.com/w7adaHIa3J

— India Meteorological Department (@Indiametdept) July 7, 2022

પંજાબ, હરિયાણા અને ચંદીગઢમાં 7 થી 10 જુલાઈ વચ્ચે ભારે વરસાદની વકી

ગુરુવારે IMD એ ટ્વિટ કર્યું હતું કે પંજાબ, હરિયાણા અને ચંદીગઢમાં 7, 8 અને 10 જુલાઈએ ભારે વરસાદની સંભાવના છે. બીજી તરફ, પશ્ચિમ ઉત્તર પ્રદેશ અને રાજસ્થાનમાં 8 જુલાઈથી 10 જુલાઈ સુધી વરસાદ થઈ શકે છે. એવું પણ કહેવામાં આવ્યું છે કે 9 જુલાઈ, 2022ના રોજ ઉત્તરી પંજાબ અને ઉત્તરી હરિયાણા, ચંદીગઢમાં ભારે વરસાદની સંભાવના છે. દક્ષિણ રાજસ્થાન, દક્ષિણ ગુજરાત અને સૌરાષ્ટ્રના ભાગોમાં ગુરુવારે ભારે વરસાદ પડ્યો હતો અને આગામી ચાર દિવસ સુધી રાજ્યમાં વધુ વરસાદની અપેક્ષા છે.

increase thereafter becoming fairly widespread to widespread rainfall activity likely over the region during 9th-10th July, 2022:
Isolated heavy rainfall likely over Punjab & Haryana, Chandigarh on 07th, 08th & 10th;

— India Meteorological Department (@Indiametdept) July 7, 2022

હવામાન વિભાગે ભારે વરસાદને લઈને ગોવામાં રેડ એલર્ટ જાહેર કર્યુ

હવામાન વિભાગના જણાવ્યા અનુસાર આગામી ચાર દિવસમાં  દેશના મોટાભાગના રાજ્યોમાં હળવાથી મધ્યમ વરસાદ અને ગાજવીજ સાથે વરસાદની શક્યતા છે. હવામાન વિભાગ (IMD) એ ગોવા માટે રેડ એલર્ટ જાહેર કર્યું છે અને ભારે વરસાદની ચેતવણી આપી છે. રાજ્ય સરકારે ધોરણ 1 થી 8 ના વિદ્યાર્થીઓ માટે 8 અને 9 જુલાઈએ રજા જાહેર કરી છે.સમગ્ર દેશમાં ચોમાસાની ગતિવિધિઓ જોવા મળતાં, હવામાન વિભાગ (IMD) એ દક્ષિણ તેલંગાણામાં ભારે વરસાદની આગાહી કરી છે અને આંતરિક કર્ણાટક, વિદર્ભ અને છત્તીસગઢ માટે સમાન આગાહી કરી છે.