- સોનાની દાણચોરી માટે તસ્કરો અપનાવી રહ્યાં છે અવનવા નુસખાઓ
- જિન્સના પેન્ટમાં બે લેયરની વચ્ચે સોનાનું પેઈન્ટ લગાવીને આવ્યો હતો
- તાજેતરમાં માથાની વિગમાં સોનાની પેસ્ટ લગાવી તસ્કરી કરતાં બે ઝડપાયા હતાં
સોનાની દાણચોરી કરવા માટે તસ્કરો વિવિધ પદ્ધતિઓ અપનાવી રહ્યા છે. ત્યારે આવો જ એક કિસ્સો કેરળના કન્નુર એરપોર્ટ સામે આવ્યો છે. જેમાં સોનાની આ રીતે દાણચોરી થઈ શકે છે તેની કોઈને કલ્પના પણ નથી.જ્યાં જીન્સમાં રંગ લગાવીને સોનાની દાણચોરી કરવામાં આવી રહી હતી.જેમાં કસ્ટમ્સના એર ઇન્ટેલિજન્સ યુનિટ (AIU) એ સોમવારે સવારે કન્નુર એરપોર્ટ પર 14.69 લાખ રૂપિયા (14,69,230 રૂપિયા) ની કિંમતનું 302 ગ્રામ સોનું જપ્ત કર્યું હતું. આ સોનું જીન્સમાં પેઇન્ટ નાંખીને લાવવામાં આવી રહ્યું હતું.
જીન્સ વચ્ચે પર પાતળી પેસ્ટ લગાવવામાં આવી હતી
એરપોર્ટના કસ્ટમ અધિકારીઓએ જણાવ્યું હતું કે, સર્ચ દરમિયાન યુવકના કપડા શંકાના આધારે ઉતારવામાં આવ્યા હતા. તેણે ડબલ લેયર પેન્ટ પહેર્યું હતું. અને વચમાં તેણે ખૂબ જ પાતળી પેસ્ટના રૂપમાં સોનું છુપાવ્યું હતું.આમ સ્મગલરો વિદેશમાંથી સોનું લાવવા માટે અવ-નવા નુસ્ખાઓ શોઘતાં રહે છે. તાજેતરમાં ચૈન્નાઈના ઈન્ટરનેશનલ એરપોર્ટ પર કસ્ટમના અધિકારીઓએ દુબઈ થી લેન્ડ થયેલી ફ્લાઈટમાં બે શંકાસ્પદ યાત્રીનું મુંડન કરવામાં આવ્યું હતું. ત્યારે તેમાંથી સોનાનો વરસાદ થયો હતો. બંને યાત્રિકોએ વીગ પહેરી રાખી હતી.જેની નીચે ગોલ્ડ પેસ્ટના રૂપમાં સોનું છુપાવ્યું હતું. આ જ પ્રકારે કસ્ટમના અધિકારીઓ અન્ય 7 યાત્રિકો ઝડપી પાડ્યાં હતાં. જેમાં ત્રણ વ્યક્તિઓના માથામાં સોનું અને ચાર વ્યક્તિઓ પાસેથી વિદેશી નાણું મળી આવ્યું હતું. ચેન્નઈ એરપોર્ટ કસ્ટમ કમિશનર રાજન ચૌધરી જણાવ્યા મુજબ અત્યાર સુધી આ પ્રકારના કેસમાં 14 મુસાફરો પકડાયા છે,પરંતુ તેમાંથી ધરપકડ કરી શકાય તેવા કેસ માત્ર 6 પર જ થઈ શકે છે. તેમાંથી પાંચના માથામાં સોનું અને ચારના માથામાં વિદેશી ચલણ મળી આવ્યું હતું. ચેન્નઈ એરપોર્ટ કસ્ટમ કમિશનર રાજન ચૌધરીની ટીમે આ 6 સોનાના દાણચોરોની ધરપકડ કરી છે
સોનાની પેસ્ટ, માનવ મળ જેવી લાગે છે
સોનાની દાણચોરી માટે તસ્કરો અવ નવા નુસખાઓ અપનાવે છે. ત્યારે કસ્ટમ અધિકારીઓના જણાવ્યા મુજબ તાજેતરમાં કેટલાક એવા કિસ્સાઓ બન્યા છે. જ્યાં તસ્કરો સોનાની પેસ્ટ લાવે છે. તે હ્યુમન સ્ટૂલ અથવા પોટી જેવું જ દેખાય છે. શું થાય છે કારણ કે મેટલ ડિટેક્ટરમાં પેસ્ટ શોધી શકાતી નથી?
