હવે ભાગશે કોરોના / માર્કેટમાં કોરોનાની સૌથી સસ્તી દવા થશે લૉન્ચ, કિંમત એક ચોકલેટ કરતાં પણ ઓછી, જાણો વિગતે

કોરોના વાયરસની સૌથી સસ્તી દવા થશે લોન્ચ 
પ્રતિ કેપ્સ્યુલની કિંમત છે 35 રૂપિયા
US અને UK માં મળી ચૂકી છે મંજુરી

કોવિડ-19ની સૌથી સસ્તી એન્ટિવાયરલ દવા મોલનુપિરાવિર  (Molnupiravir) આ અઠવાડિયે લોન્ચ કરવામાં આવશે. તેની કિંમત 35 રૂપિયા પ્રતિ કેપ્સ્યુલ છે. મેનકાઇન્ડ ફાર્માના પ્રમુખ RC જુનેજાના જણાવ્યા અનુસાર, મોલુલાઇફ (બ્રાન્ડ નેમ)નો સંપૂર્ણ કોર્સ કરવાથી ફાયદાકારક રહેશે. તેના સમગ્ર કોર્સની કિંમત લગભગ 1,400 રૂપિયા હશે. મોલનુપિરાવિર બ્રાન્ડ આ અઠવાડિયે બજારમાં આવવા માટે તૈયાર છે.

કોવિડ એન્ટિવાયરલ દવાનો ઉપયોગ કેવી રીતે થશે?
કંપનીના જણાવ્યા અનુસાર, મોલનુપિરાવિર 800 mg ની ડોઝ પાંચ દિવસ માટે દિવસમાં બે વાર લેવાનો છે. કોઈપણ દર્દીને સાજા કરવા માટે, 200 mg 40 કેપ્સ્યુલ્સની જરૂર છે. ઘણી ભારતીય ફાર્માસ્યુટિકલ કંપનીઓ ઓરલ પિલ્સ બનાવવાની રેસમાં સામેલ છે. જેમાં ટોરેન્ટ ફાર્મા, સિપ્લા, સન ફાર્મા, ડૉ. રેડ્ડીઝ, નેટકો, માયલાન અને હેટેરોનો સમાવેશ થાય છે. હાલમાં, દવાને કોવિડ-19ના એડલ્ટ દર્દીઓ પર મર્યાદિત ઈમરજન્સી માટે મંજૂરી આપવામાં આવી છે.

ક્યાં ક્યાં મળી ચૂકી છે મંજુરી?
US અને UKમાં, મોલનુપિરાવિરને કોવિડ-19ના ઓછા સંક્રમિત દર્દીઓ પર ઉપયોગ માટે મંજૂરી આપવામાં આવી છે. તેને US ફૂડ એન્ડ ડ્રગ એડમિનિસ્ટ્રેશન (USFDA) અને યુકે મેડિસિન એન્ડ હેલ્થ કેર પ્રોડક્ટ્સ રેગ્યુલેટરી એજન્સી (UKMHRA) દ્વારા મંજૂરી આપવામાં આવી છે. સિપ્લા, સન ફાર્મા અને ડૉ. રેડ્ડીઝ લેબોરેટરીઝ પણ મોલનુપિરાવિર કેપ્સ્યુલ્સ લોન્ચ કરશે. ડો.રેડ્ડીઝે આ જાહેરાત કરી છે. ત્યારે, તેની કિંમત પણ પ્રતિ કેપ્સ્યુલ 35 રૂપિયા રાખવામાં આવી છે.

સારવારનો સૌથી સસ્તો વિકલ્પ 
ડૉ. રેડ્ડીઝ લેબોરેટરીઝના જણાવ્યા અનુસાર, દેશમાં 'મોલફ્લૂ (Molflu)' નામથી કોરોનાની દવા લોન્ચ કરવામાં આવી છે. કંપનીએ કહ્યું કે તેની કિંમત માત્ર 35 રૂપિયા પ્રતિ કેપ્સ્યુલ છે. આગામી સપ્તાહથી મેડિકલ સ્ટોર્સ પર ઉપલબ્ધ થશે. તમને જણાવી દઈએ કે, ડૉ. રેડ્ડીઝ એન્ટિવાયરલ દવા મોલનુપિરાવિરને મોલફ્લુના બ્રાન્ડ નામથી વેચશે. એક પત્તું 10 કેપ્સ્યુલ્સનું હશે. પાંચ દિવસમાં 40 કેપ્સ્યુલના સમગ્ર કોર્સની કિંમત 1,400 રૂપિયા થશે. કોરોના વાયરસના દર્દીઓ માટે સારવારનો આ સૌથી સસ્તો વિકલ્પ હશે.