પાટણમાં યુવકની હત્યાના સીસીટીવી સામે આવ્યા છે. જ્યોના નશા મુક્તિ કેન્દ્રમાં યુવકને પાંચથી વધુ લોકો ઢોર મારતા જોવા મળ્યાં છે.
પાટણમાં યુવકની હત્યાના CCTV આવ્યા સામે
જ્યોના નશા મુક્તિ કેન્દ્રમાં યુવકની થઇ ગતી હત્યા
હત્યાને આત્મહત્યામાં ફેરવવાનો કરાયો હતો પ્રયાસ
હાર્દિક રમેશભાઈ સુથાર નામના 25 વર્ષનાં યુવાનને દારૂ તેમજ ડ્રગ્સ લેવાની લત હતી. જેથી પરિવારે હાર્દિકને સુધારવા માટે છ મહિના પહેલા પાટણ ખાતે જ્યોના વ્યસન મુક્તિ કેન્દ્રમાં સારવાર માટે દાખલ કરવામાં આવ્યો હતો. પરંતુ ટૂંક સમયમાં હાર્દિકની ત્યાં હત્યા કરવામાં આવી હતી અને જ્યોના વ્યસન મુક્તિ કેન્દ્રના સંચાલકો હત્યાને કુદરતી મોતમાં ખપાવવાની કોશિશ કરતા હતા. પરંતુ પોલીસે બાતમીના આધારે તપાસ કરતા ખબર પડી કે સંચાલકો દ્વારા હાર્દિકને ઢોર માર મારવામાં આવ્યો હતો. જેને કારણે હાર્દિકનું મોત થયું હતુ. હાલ સમગ્ર મામલે પોલીસે 7 આરોપીઓની અટકાયત કરી વધુ કાર્યવાહી હાથ ધરી છે. જે સમગ્ર ઘટનાને લઈ CCTV આવ્યા સામે આવ્યા છે.
— VTV Gujarati News and Beyond (@VtvGujarati) March 10, 2023
સમગ્ર ઘટનાના સીસીટીવી સામે આવ્યા
પાટણમાં યુવકની હત્યાના CCTV સામે આવ્યા છે. જ્યોના નશા મુક્તિ કેન્દ્રમાં યુવકની હત્યા થઇ હતી જે હત્યાને આત્મહત્યામાં ફેરવવાનો પણ પ્રયાસ કરાયો હતો. સમગ્ર ઘટનાના CCTV આવ્યા સામે આવ્યા છે. તમને જણાવી દઈએ કે, 17 ફેબ્રુઆરીએ નશા મુક્તિ કેન્દ્રમાં યુવકની હત્યા કરાઇ હતી. યુવકની હત્યા કરાઈ હોવાનો પોલીસે ખુલાસો કર્યો છે. સમગ્ર ઘટનામાં હાર્દિક સુથાર નામના યુવકનું મોત થયું છે. યુવક જ્યોના વ્યસનમુકિત કેન્દ્રમાં સારવાર લઇ રહ્યો હતો. યુવકને પ્લાસ્ટીકની પાઈપ વડે ઢોર માર મારતાના સીસીટીવીમાં જોવા મળે છે. પાંચથી વધુ લોકો પ્લાસ્ટિકની પાઈપ લઈ ઢોર માર મારવા તૂટી પડ્યા હોય તેવું જણાઈ રહ્યું છે.
હત્યાનો મામલો
વાત વિગતે કરીએ તો મહેસાણા જિલ્લાના મોટીદવ ગામના હાર્દિક રમેશભાઈ સુથાર નામના 25 વર્ષનાં યુવાનને દારૂ તેમજ ડ્રગ્સ લેવાની લત હતી જેથી પરિવારે હાર્દિકને સુધારવા માટે આજથી છ મહિના પહેલા પાટણના નવજીવન સામે આવેલ સરદાર કોમ્પલેક્ષમાં ચાલતા જ્યોના વ્યસન મુક્તિ કેન્દ્રમાં સારવાર માટે દાખલ કરવામાં આવ્યો હતો. હાર્દિકના પરિવારને આશા હતી કે અમારા દીકરાને જૂના વ્યસન મુક્તિ કેન્દ્રમાં વ્યસન મુક્તિ મળશે અને તે સ્વસ્થ અને સારો વ્યસન મુક્ત થઈ પાછો ઘરે ફરશે આશાઓ અને અપેક્ષાઓ ઉપર ગત 17 ફેબ્રુઆરીએ પાણી ફરી ભર્યું. પરિવારને ફોન આવ્યો કે તમારો દીકરા હાર્દિકને લો બીપી થઈ ગયું છે અને તે સિરિયસ છે તમે જલ્દી પાટણ આવો તેઓ સંચાલકો દ્વારા ફોન કરવામાં આવ્યો હતો. પરિવાર પાટણ આવ્યો ત્યારે હાર્દિકનો મૃતદેહ ઈક્કો ગાડીમાં પડ્યો હતો. હાથે પાટો હતો અને પાટણના હરિહર સ્મશાન બહાર પડેલી ઇકો ગાડીમાં લાસ બાબતે પરિવારે પૂછતા સંચાલકોએ જણાવ્યું હતું કે હાર્દિકને લો બીપી થતા તેનું કુદરતી મોત નિપજ્યું છે પરિવાર પણ સંચાલકોની વાત માની ગયો અને હાર્દિકની લાશ ની અંતિમ વિધિ કરી નાખી હતી.
સાત આરોપીઓને પોલીસે ઝડપી પાડ્યા
જોકે હાર્દિકના સમગ્ર મોત બાબતે પાટણ પોલીસને બાતમી મળી કે હાર્દિકનું મોત નહીં પરંતુ તેની હત્યા થઈ છે હાર્દિકને જ્યોના વ્યસન મુક્તિ કેન્દ્રના સંચાલક સંદીપ છગનભાઈ પટેલ રહે કમલીવાડા ગામ વાળા ઇસમે હાર્દિકને થર્ડ ડિગ્રી માર મારી તેમજ સંદીપની સાથે અન્ય આઠ ઈસમોએ ભેગા મળી હાર્દિકને પીવીસીની પાઇપો તેમજ મૂઢમાર માર્યો તો સાથે જ સંદીપ પટેલે હાર્દિકના ગુપ્તાંગ ઉપર ગરમ પ્લાસ્ટિક સળગાવીને ગરમ પ્લાસ્ટિકના ટીપા પણ નાખેલ હાર્દિકનો વાંક એટલો હતો કે, હાર્દિકે પોતાના હાથની નસ કાપી આત્મહત્યાની કોશિશ કરી હતી જેથી ગુસ્સે ભરાયેલ સંચાલક સંદીપ પટેલે અન્ય કોઈ સંસ્થામાં આવું ના કરે અને મારનો ડર બેસે તે માટે હાર્દિકને આકરી સજા આપવામાં આવી હતી. દોઢ કલાક સુધી હાર્દિકને માર મારવામાં આવ્યો હતો જેથી હાર્દિકનું કમ કમાટી ભર્યું મોત નીપજ્યું હતું. બાતમીદારની બાતમી પ્રમાણે સંસ્થાના સીસીટીવી કેમેરા ચેક કરતા સમગ્ર માર મારતાનો વીડિયો પોલીસને મળી આવ્યા હતા જેથી પોલીસે સંસ્થાને તાળું મારી આરોપી સંદીપ પટેલ સહિતના કુલ 7 આરોપીઓને ઝડપી પાડ્યા છે.
ઝડપાયેલા આરોપીઓ
સંદીપ છગન પટેલ સંચાલક
જીતેન્દ્ર ઉર્ફે જીતુ વિનુભાઈ, રહે સાવલિયા ભાવનગરવ
જયેશ ઉર્ફે બાબુ રામજી ચૌધરી, રહે નાગણા
કિરણ ઉર્ફે શંભુ રમેશ પટેલ રહે, સતલાસણા મહેસાણા
નિતીન રામજી ભુતડીયા રહે, ચાંગા બનાસકાંઠા
મહેશ નટવર નાઈ, રહે દલવાડા, બનાસકાંઠા
આરોપીઓએ હાર્દિક સુથારની લાશને કુદરતી મોતમાં ખપાવી દઈ પુરાવાનો નાશ કરવાની કોશિશ કરવાના ગુનામાં હાલ તો પોલીસે સંચાલક સહિત સાત આરોપીને ઝડપીને સમગ્ર ઘટનાનુ રી કન્ટ્રક્શન કર્યું છે પોલીસ એ દિશામાં તપાસ કરી રહી છે કે, આ સંસ્થામાં અત્યાર સુધી કેવી એને કેવા પ્રકારની કામગીરી કરવામાં આવી તો અન્ય કોઈ ભૂતકાળમાં આવા ગુનાઓ આ સંસ્થામાં બન્યા હતા કે કેમ? તેને લઈને પણ પોલીસે ઉડાણમાં તપાસ શરૂ કરી છે જોકે, સંસ્થામાં રોફ જમાવવા એક યુવાનનો જીવ લઈ લેતા સંચાલક સંદીપ પટેલ વિરુદ્ધ હાલ તો પાટણમાં ફટકાર વરસી રહી છે.