પટના / શરમજનક: એકાએક TV પર ચાલવા લાગી અશ્લિલ ફિલ્મ ને પટના જંક્શન પર મચી ગઇ અફરાતફરી, VIDEO વાયરલ થતા RPF એક્શનમાં

• રેલ્વે જંકશનના પ્લેટફોર્મ પર લગાવેલા ટીવીમાં બ્લુ ફિલ્મ ચાલવા લાગી 
• પ્લેટફોર્મ પર લગાવેલા ટીવીમાં ત્રણ મિનિટ સુધી ચાલી બ્લૂ ફિલ્મ 
• પ્લેટફોર્મ પર હાજર મુસાફરોનું માથું શરમથી નીચે ઝૂકી ગયું
• દત્તા કોમ્યુનિકેશન વિરુદ્ધ FIR દાખલ કરવામાં આવી 

બિહારની રાજધાની પટનાથી એક શરમજનક અને ચોંકાવનનારી ઘટના સામે આવતા હડકંપ મચી ગયો છે.  વાત જાણે એમ છે કે, રેલ્વે જંકશનના પ્લેટફોર્મ પર લગાવેલા ટીવી સેટમાં અચાનક બ્લુ ફિલ્મ ચાલવા લાગી હતી. આ ઘટના બાદ ત્યાં અફરાતફરીનો માહોલ સર્જાયો હતો. માહિતી મુજબ જ્યારે ટીવીમાં બ્લૂ ફિલ્મ ચાલવા લાગી ત્યારે પ્લેટફોર્મ પર મોટી સંખ્યામાં મુસાફરો હાજર હતા. જેને લઈ હાજર મુસાફરોએ શરમથી માથું નીચું કરી લીધું હતું. આ તરફ હવે RPF દ્વારા આ ઘટનાને ગંભીરતાથી નોંધ લઈ આ મામલે વધુ તપાસ હાથ ધરાઇ છે. 

પટના રેલ્વે જંકશનના પ્લેટફોર્મ પર લગાવેલા ટીવી સેટમાં અચાનક બ્લુ ફિલ્મ ચાલવા લગતા ચકચાર મચી ગઈ છે. વિગતો મુજબ આ ઘટના પ્લેટફોર્મ નંબર 10 પર સવારે 9-10 વાગ્યાની વચ્ચે બની હતી. પ્લેટફોર્મ પરના ટીવી સેટમાં આ ફિલ્મ ચાલતી જ હતી. ત્યાં હાજર અનેક લોકોએ આ અંગે રેલવે અધિકારીઓને જાણ કરી હતી. આ પછી રેલવેમાં હોબાળો મચી ગયો હતો. જેને લઈ RPF દ્વારા આ ઘટનાને ગંભીરતાથી લઈ વધુ તપાસ હાથ ધરી છે . 
  
ત્રણ મિનિટ સુધી ચાલી બ્લૂ ફિલ્મ 
સૂત્રોનું માનીએ તો પટના રેલવે સ્ટેશન પર લગાવવામાં આવેલા ટીવી પર લગભગ ત્રણ મિનિટ અને થોડી સેકન્ડ સુધી બ્લુ ફિલ્મ ચાલતી રહી. આ તરફ ઘટના  બાદ પટના આરપીએફ ઈન્ચાર્જનો નંબર સ્વીચ ઓફ થઈ રહ્યો હતો. માહિતી મુજબ દત્તા કોમ્યુનિકેશન ઓર્ગેનાઈઝેશનને રેલવે સ્ટેશન પરિસરમાં માહિતી આપવા અને તસવીરો બતાવવાની જવાબદારી આપવામાં આવી હતી.  

દત્તા કોમ્યુનિકેશન વિરુદ્ધ FIR 
બિહારની રાજધાની પટના રેલ્વે જંકશનના પ્લેટફોર્મ પર લગાવેલા ટીવી સેટમાં અચાનક બ્લુ ફિલ્મ ચાલવા લાગ્યા બાદ હડકંપ મચી ગયો છે.  આ તરફ હવે પહેલા ટીવી સેટમાં કેટલીક માહિતી બતાવવામાં આવી રહી હતી. જે બાદમાં અચાનક બ્લુ ફિલ્મ ચાલવા લાગી હતી. આ તરફ હવે દત્તા કોમ્યુનિકેશન વિરુદ્ધ FIR દાખલ કરવામાં આવી છે.