અમિતાભ બચ્ચનના પૌત્ર અગસ્ત્ય નંદા શાહરૂખની પુત્રી સુહાના ખાન અને શ્રીદેવીની નાની પુત્રી ખુશી કપૂર ટૂંક સમયમાં એક્ટિંગ ડેબ્યુ કરવાની છે. ત્રણેય ડાયરેક્ટર જોયા અખ્તરની ફિલ્મ ધ આર્ચીજમાં જોવા મળશે. આ ફિલ્મની રાહ લાંબા સમયથી જોવાતી હતી.
હવે તેનો પહેલો લુક પણ શેર કરી દેવામાં આવ્યો છે. નેટફ્લિક્સ પર આવનારી આ ફિલ્મ સાથે જોડાયેલા પાર્ટને જોયા અખ્તરે શેર કર્યો છે. વીડિયોમાં ફિલ્મની આખી સ્ટારકાસ્ટને જોઇ શકાય છે. આ નવા સ્ટાર્સનો ઈન્ટ્રોડક્શન વીડિયો છે. વીડિયોમાં અગસ્ત્ય નંદા, સુહાના ખાન, ખુશી કપૂર ફિલ્મના બાકી યુવાનો સાથે મસ્તી કરી રહ્યાં છે. આ બધા સેલિબ્રિટી વીડિયોમાં હસતા-હસતા, ઉછળી-કૂદી રહ્યાં છે. કોઈ ગિતાર વગાડી રહ્યું છે, તો કોઈ ફૂગ્ગા ફૂલાવી રહ્યું છે. કોઈ સાઈકલ પર ફરી રહ્યું છે, તો બધા મળીને પિકનિક મનાવી રહ્યાં છે.
ત્યારબાદ બધાના નામ લખવામાં આવે છે. વીડિયોમાં અગસ્ત્ય, સુહાના અને ખુશીની સાથે એકટર ડૉટ, મિહિર આહૂજા, વેદાંગ રૈના, યુવરાજ મેન્ડા છે. બધાને રેટ્રોના કપડામાં જોઇ શકાય છે. જોયા અખ્તરે જણાવ્યું હતુ કે તેઓ ધ આર્ચીજને તેના ઓરિજનલ અંદાજમાં બનાવવાની છે. આ ફિલ્મમાં મસ્તીની સાથે-સાથે મિસ્ટ્રી પણ હશે. આમ, અમિતાભ બચ્ચન તેના પૌત્રના ડેબ્યુથી ખુશ છે. તેમણે અગસ્ત્ય નંદાને શુભેચ્છા પણ આપી છે.
અમિતાભ બચ્ચને ઈન્સ્ટાગ્રામ પર ધ આર્ચીજ ફિલ્મના પોસ્ટરને શેર કર્યુ. તેમણે સાથે લખ્યું, વધુ એક સવાર. મારા પૌત્ર. તને મારો આશીર્વાદ અગસ્ત્ય. લવ યુ. તૈયાર થઇ જાઓે યાદમાં જવા માટે જોયા અખ્તરની ફિલ્મ ધ આર્ચીજ ટૂંક સમયમાં નેટફ્લિક્સ પર આવી રહી છે.