ગયા વર્ષે અજય દેવગને ધારાવીમાં બનાવાયેલ કોવિડ સેન્ટરમાં 200 બેડ માટે ઓક્સિજન સિલિન્ડર અને 2 પોર્ટેબલ વેન્ટિલેટરની મફતમાં વ્યવસ્થા કરીને પોતાનુ યોગદાન આપ્યુ હતુ. આ વખતે અજય દેવગને શિવાજી પાર્કમાં બની રહેલ ઇમરજન્સી મેડિકલ ફેસિલીટી માટે મદદ કરી રહ્યા છે.
બીએમસીએ શિવાજી પાર્ક સ્થિત ભારત એન્ડ સ્કાઉટ ગાઇડ હોલને 20 બેડવાળો કોવિડ 19 સેન્ટર બનાવવાનો નિર્ણય કર્યો છે. જેમાં વેન્ટિલેટર, ઓક્સિજન સપોર્ટ અને અન્ય તમામ સુવિધાઓ પણ હશે. આ સેન્ટરની સ્થાપના માટે અજય દેવગને પોતાની સામાજીક સંસ્થા એનવાય ફાઉન્ડેશનના માધ્યમથઈ બીએમસીની આર્થિક મદદ કરવાનો નિર્ણય કર્યો છે.
હિન્દુજા હોસ્પિટલના સીઓઓ જોય ચક્રવર્તી કહ્યું કે, હિંદુજા હોસ્પિટલનો વિસ્તાર કરવો પડશે જેથી દર્દીઓને જમવાનુ, કપડા, દવાઓ અને ઇમરજન્સી યુનિટ ચલાવવા માટે લોકો આપવામાં આવે.
અક્ષય કુમારે આપ્યા એક કરોડ રૂપિયા
બોલિવૂડ સુપરસ્ટાર અક્ષય કુમારે આવા મુશ્કેલ સમયમાં દેશવાસીઓ સાથે આવીને ઉભો રહ્યો છે. તેણે ગયા વર્ષે પણ 25 કરોડ રૂપિયા આપ્યા હતા. આ વર્ષે અક્ષયે મદદનો હાથ આગળ વધાર્યો હતો. અક્ષય કુમારે ગૌતમ ગંભીર ફાઉન્ડેશનને 1 કરોડ રૂપિયા આપ્યા હતા.
સોનુ સૂદે ફ્રી કોવિડ 19 હેલ્પલાઈન લોન્ચ કરી
સોનુ સૂદ ગત વર્ષ માર્ચમાં લોકડાઉન લાગ્યા બાદથી લોકોની મદદ કરતા આવ્યા છે. પહેલા પ્રવાસી મજૂરોને તેમના ઘર સુધી પહોંચાડવાનું કામ કર્યુ. એ બાદ તેણે તેમના માટે રોજગારની વ્યવસ્થા કરી. હવે જ્યારે દેશ કોરોના સંકટમાં ફસાયો છે તો સોનુ સુદ ઝડપથી લોકો સુધી મદદ પહોંચાડી રહ્યા છે. આ ક્ષેણીમાં તેમણે ફ્રી કોવિડ 19 હેલ્પલાઈન લોન્ચ કરી છે
ટ્વીટ કરી જાણકારી આપી
સોનુ સૂદે પોતાના ટ્વીટર હેન્ડલ પર આની જાણકારી આપી છે. ફ્રી કોવિડ હેલ્પ અંતર્ગત કોરોના ટેસ્ટને લઈને ડોક્ટરની સલાહ મફત મેળવી શકાશે. આ માટે સોનુ સૂદ ફાઉન્ડેશન, હીલ વેલ 24 અને Krsnaa ડાયગ્નોસ્ટિક્સ સાથે મળીને કામ કરશે. તેમણે એક વ્હોટ્સએપ નંબર પણ જારી કર્યો છે જેના પર કોવિડ સંબંધી જાણકાી મેળવી શકાશે.