SHORT & SIMPLE / મોટા સમાચાર: ટૂંક સમયમાં થઇ શકે છે બોર્ડ નિગમમાં નિમણૂંક અંગેની જાહેરાત, જુઓ કોની કિસ્મતના તાળા ખુલશે

• બોર્ડ નિગમને લઈ મોટા સમાચાર
• ટૂંક સમયમાં નિમણૂકની થશે જાહેરાત
• પ્રદેશ ભાજપે નામોની યાદી મંગાવી

ગુજરાત સરકારના બોર્ડ અને નિગમોમાં રાજકીય હોદ્દેદારોની નિમણૂક માટેની પ્રક્રિયા આરંભાઇ છે. હાલ સરકાર ચેરમેન, વાઇસ ચેરમેન, ડિરેક્ટર, સભ્ય સહિતની વિવિધ જગ્યાઓ માટે યોગ્ય ઉમેદવારોનું સ્ક્રીનિંગ ચાલી રહ્યું છે. આગામી દિવસોમાં બોર્ડ નિગમમાં નિમણૂકની જાહેરાત કરવામાં આવશે. 60થી વધુ બોર્ડ નિગમમાં ઘણા સમયથી ઘણી જગ્યાઓ ખાલી છે. વર્ષ 2022ની ચૂંટણી અગાઉ હોદ્દેદારોના રાજીનામા લેવામાં આવતા આ જગ્યા ખાલી પડી છે. ત્યારે પ્રદેશ ભાજપે બોર્ડ નિગમો માટે નામોની યાદી મંગાવી હતી.

બોર્ડ નિગમમાં નિમણૂકની થશે જાહેરાત
જિલ્લા પ્રમુખ, સાંસદ સહિતના હોદ્દેદારો પાસે નામો મંગાવ્યા હતા. એવું કહેવામાં આવી રહ્યું છે કે, બોર્ડ નિગમમાં અન્ય પક્ષમાંથી ભાજપમાં જોડાયેલા નેતાઓનો પણ સમાવેશ કરાશે. આ ઉપરાંત બોર્ડ નિગમમાં યુવાનોને તક મળે તેવી શક્યતાઓ છે. 

60થી વધુ બોર્ડ નિગમમાં જગ્યા ખાલી
હાલ રાજ્યમાં અંદાજે 60થી વધુ બોર્ડ નિગમ છે, જેની નિમણૂકો બાકી છે. જેમાં જીએમડીસી, ટૂરીઝમ, પવિત્ર યાત્રાધામ, ગૌણ સેવા પસંદગી બોર્ડ જેવા બોર્ડ નિગમોમાં જગ્યા ખાલી છે. લાંબા સમયથી ખાલી રહેલા બોર્ડ નિગમોમાં નિમણૂંક માટે તખ્તો તૈયાર થઈ ચૂક્યો છે.