તાજેતરના ભૂતકાળમાં, ફિલ્મી હસ્તીઓથી લઈને સામાન્ય લોકો સુધી, દરેક સોશિયલ મીડિયા પર ખૂબ જ સક્રિય થઈ ગયા છે.
સાયનાએ વડાપ્રધાનની સુરક્ષાને લઇને કરી ટ્વિટ
સિદ્ધાર્થે સાયના પર કરી ટિપ્પણી
લોકોએ સિદ્ધાર્થને સોશ્યલ મીડિયા પર ખરીખોટી સંભળાવી
આવી સ્થિતિમાં, ઘણા સ્ટાર્સ તેમની કોઈપણ પોસ્ટ અથવા ટિપ્પણીઓને લઈને વિવાદોમાં પણ ફસાઈ જાય છે. તો આ વખતે બોલિવૂડ અને સાઉથ અભિનેતા સિદ્ધાર્થે બેડમિન્ટન ખેલાડી સાયના નેહવાલ વિશે કંઈક એવું કહ્યું કે તે ખરાબ રીતે ટ્રોલ થવા લાગ્યો છે.
સાયનાએ પીએમની સુરક્ષા પર ટ્વિટ કર્યું
તાજેતરમાં સાઇના નેહવાલે વડાપ્રધાન નરેન્દ્ર મોદીની સુરક્ષામાં ખામીને લઈને એક ટ્વિટ કર્યું હતું. જેમાં તેણે કહ્યું હતું કે, 'કોઈ પણ રાષ્ટ્ર સુરક્ષિત હોવાનો દાવો કરી શકે નહીં, જો તેના પોતાના વડાપ્રધાનની સુરક્ષા સાથે ચેડા કરવામાં આવે. અરાજકતાવાદીઓ દ્વારા પીએમ મોદી પરના કાયરતાપૂર્ણ હુમલાની હું સખત નિંદા કરું છું.
સિદ્ધાર્થે આ ટિપ્પણી કરી હતી
હવે સાઇનાના આ ટ્વીટનો જવાબ આપતા સિદ્ધાર્થે લખ્યું, 'દુનિયાના *&%* ચેમ્પિયન... ભગવાનનો આભાર અમારી પાસે ભારતના ડિફેન્ડર્સ છે.' હવે આ કમેન્ટને કારણે અભિનેતાને ઘણો ટ્રોલ કરવામાં આવી રહ્યો છે.
Subtle cock champion of the world... Thank God we have protectors of India. 🙏🏽
એક યુઝરે લખ્યું કે, 'આ પ્રકારની ભાષા કોઈપણ માટે, ખાસ કરીને તે લોકો જેમણે દેશને ગૌરવ અપાવ્યું છે. શું આ બધું પૈસા માટે છે? એક અભિનેતા તરીકે તમારું પતન થઈ ચૂક્યું છે. શું તમે હવે માનવતા ગુમાવી દીધી છે?
લોકોએ ધરપકડની માંગ કરી
અન્ય એક યુઝરે લખ્યું, 'આ લોકો શો માટે મહિલાઓના પક્ષમાં અવાજ ઉઠાવે છે અને પછી પોતે જ મહિલાઓ માટે આવા શબ્દોનો ઉપયોગ કરે છે.'
અન્ય એક યુઝરે લખ્યું, 'એક મહિલાના સન્માનને ઠેસ પહોંચાડવા બદલ તેની ધરપકડ થવી જોઈએ.' તે જ સમયે, ઘણા લોકો સિદ્ધાર્થને ફ્લોપ એક્ટર પણ કહેવા લાગ્યા છે.
લોકોએ સાઇનાની જીતની યાદ અપાવી
લોકોએ સિદ્ધાર્થને ટ્રોલ કર્યો અને એ પણ યાદ અપાવ્યું કે સાયનાએ 2012 ઓલિમ્પિકમાં બ્રોન્ઝ મેડલ, 2015 વર્લ્ડ ચેમ્પિયનશિપમાં સિલ્વર અને 2017માં બ્રોન્ઝ મેડલ જીતીને ભારતને ગૌરવ અપાવ્યું હતું.