અનોખો કિસ્સો / પત્નીથી છુપાવી સમલૈંગિકતા, હનીમૂનમાં સાથે લઈ ગયો ગે પાર્ટનર, કોર્ટે આગોતરા જામીન આપવાની ના પાડી

• ઓનલાઈન લગ્ન કરતા યુવાન યુવતીઓ માટે ચેતવણીરૂપ કિસ્સો
• પત્નીને જાણ થઈ કે તેનો પત્ની ગે છે
• કોર્ટમાં કરી અરજી, કોર્ટે કહી આ વાત

મહારાષ્ટ્રની એક કોર્ટે પત્નીથી સમલૈંગિકતા છુપાવવાના આરોપમાં ધરપકડ પહેલા જામીન આપવાની ના પાડી દીધી હતી. આરોપ છે કે, નવી મુંબઈની એક 32 વર્ષિય વ્યક્તિએ પોતાની પત્ની સાથે છેતરપીંડી કરતા સમલૈંગિકતાની વાત છુપાવી હતી અને તેને ઈમ્પ્રેસ કરવા માટે નકલી જોબ ઓફર પણ આપી હતી. પત્નીએ આરોપ લગાવ્યો છે કે, તે પોતાના સમલૈંગિક સાથીઓને હનીમૂન પર સાથે લઈ ગયો હતો.

કોર્ટે કહી આ વાત

થાણેની એડિશનલ કોર્ટના ન્યાયાધીશ આરએસ ગુપ્તાએ અરજીને રદ કરતા કહ્યું કે, પ્રથમ દ્રષ્ટિએ એ જાણવા મળે છે કે, આરોપીએ છેતરપીંડીના ઈરાદાથી, ફરિયાદકર્તાના માતા-પિતાને ખોટી રીતે નાણાકીય નુકસાન પહોંચાડીને સાથે જ ફરિયાદકર્તાના જીવનને અપૂર્ણિય ક્ષતિ પહોંચાડવાની છેતરપીંડી કરી છે. 

ઓનલાઈન મુલાકાત બાદ કર્યા હતા લગ્ન

એક રિપોર્ટમાં જણાવ્યા અનુસાર આરોપી અને ફરિયાદ કર્તાએ ઓનલાઈન મુલાકાત બાદ ગત નવેમ્બરમાં લગ્ન કર્યા હતા. ફરિયાદમાં મહિલાએ આરોપ લગાવ્યો છે કે, તેને પોતાના મોબાઈલ ફોન પર વોટ્સએપ મેસેજ અને વીડિયોના માધ્યમથી તેના સેક્સ્યુઅલ ઓરિએંટેશન વિશે ખબર પડી. તે જાણવા મળ્યુ છે કે, મુંબઈના બે પુરુષો સાથે સંબંધોમાં હતો. જ્યારે પત્નીએ તેના વિશે પૂછ્યું તો, તેણે ચાકૂ વડે હુમલો કરી દીધો હતો.

વકીલે આપી આ દલીલ

મહિલાના વકીલ સાગર કદમે જણાવ્યું હતું કે, લગ્ન પહેલા આરોપીએ તેને 14 લાખ રૂપિયા વાર્ષિક વેતનનો નકલી જોબ ઓફર લેટર આપ્યો હતો. વધુમાં જણાવ્યું છે કે, આરોપીએ એ તથ્યને છુપાવ્યું છે કે, તે લગ્ન પહેલા સમલૈંગિક હતો અને ફરિયાદ કર્તાને દગો આપ્યો છે. બચાવ પક્ષના વકીલે કહ્યું કે, ઈરાદો તેને બદનામ કરવાનો અને પરેશાન કરવાનો હતો અને તેથી તેણે રાહત માગી છે.