ઓટો / ભારતમાં કઈક મોટું પ્લાન કરી રહ્યા છે એલોન મસ્ક! મોદી સરકાર સાથે જાણો શેની થઈ રહી છે વાતચીત

• ભારતમાં ટેક્સ ઓછો કરવા સરકાર સાથે વાતચીત 
• શું ભારતમાં મોંઘી મળશે આ કાર? 
• જાણો ડિટેલ્સ 

અમેરિકા સ્થિત દુનિયાની સૌથી મોટી ઇલેક્ટ્રિક વાહન બનાવતી કંપની Teslaની ભારતમાં તેના વાહનોના વેચાણ શરૂ કરવા માટે કેટલાય મહિનાઓથી મુશ્કેલીઓનો સામનો કરવો પડી રહ્યો હતો. જેના કારણે કંપનીને ભારતમાં તેના લોન્ચિંગ માટેની તારીખો લંબાવી પડતી હતી. કંપની હવે પોતાની સમસ્યાઓનું સમાધાન કરવા અને વાહનોનું વેચાણ શરૂ કરવા માટે ભારત સરકાર સાથે વાતચીત કરી રહી છે. 

મીડિયા અહેવાલો અનુસાર, હવે જાણકારી સામે આવી રહી છે કે ટેસ્લાએ સંપૂર્ણ માલિકીની રિટેલ આઉટલેટની સ્થાપનામાં સામેલ પ્રક્રિયા શોધવા માટે સરકાર સાથે વાતચીત શરૂ કરી છે. એટલે કે ટેસ્લા રિટેલ આઉટલેટનો માલિકી હક તેમના પાસે રાખવા માંગે છે.  સિંગલ-બ્રાન્ડ રિટેલ રૂટ હેઠળ, કંપનીએ સીધી ભારતમાં કાર વેચવા માટે સ્થાનિક સોર્સિંગ ધોરણો સહિત વિદેશી પ્રત્યક્ષ રોકાણ (FDI) માર્ગદર્શિકાનું પાલન કરવાની જરૂર છે. 

ટેક્સ ઓછો કરવા વિનંતી
ટેસ્લાએ સરકારને પહેલેથી જ એક પત્ર લખીને તેના આયાત કરેલા ઇલેક્ટ્રિક વાહનો પર લાગુ ઊંચા ટેક્સ ઘટાડવાની વિનંતી કરી છે. એફડીઆઈ માર્ગદર્શિકાનું પાલન કરવું એ એક પડકાર છે જેને ટેસ્લાએ ભારતમાં તેના વાહનોનું વેચાણ શરૂ કરવા માટે દૂર કરવું પડશે. તમને જણાવી દઈએ કે ટેસલાએ બહારના ડીલર નેટવર્કની પસંદગી દરમિયાન વિસ્વ સ્તરે તેમણે પોતાનું રિટેલ નેટવર્ક સ્થાપિત કર્યું છે. કંપની તેના વાહનોનું ઓનલાઈન વેચાણ પણ કરે છે. 

રિપોર્ટમાંએ પણ જાણવા મળ્યું કે જે કંપનીઓ પ્રસ્તાવમાં સિંગલ બ્રાન્ડ રિટેલમાં 51 ટકાથી વધુ વેદિશી ભાગીદારી હશે, તેમણે તેમના માલની કિમતનો 30 ટકા ભારતથી લેવવાનો રહેશે. આવી કંપનીઓ દ્વારા ભારતમાં કરાયેલી બધી ખરીદીને સ્થાનીય સોર્સિંગ રૂપમાં ગણવામાં આવશે- જે ઘરેલુ હોય કે વિદેશી વેચાણ હોય. 

કેટલાક ઉદ્યોગ નિષ્ણાતો માને છે કે ટેસ્લા બિન-જાહેર કરાર પર હસ્તાક્ષર કર્યા પછી દેશમાંથી ઓટો કમ્પોનન્ટ્સ સોર્સ કરી રહી છે. દરમિયાન, તાજેતરના અહેવાલો પણ સૂચવે છે કે ટેસ્લા ભારતમાં સ્થાનિક સોર્સિંગમાં વધારો કરી શકે છે અને ઓછામાં ઓછા ત્રણ સ્થાનિક ઉત્પાદકો સાથે વાતચીત કરી રહી છે. એફડીઆઈના નિયમો હેઠળ, કંપની તેના સ્થાનિક સોર્સિંગ ધોરણોને પૂર્ણ કરવા માટે ભારતમાં ઉપયોગ કરવા માટે અથવા નિકાસ માટે, તૃતીય પક્ષ સોદાના મૂલ્યની ગણતરી કરી શકે છે.

કયા ટેસ્લા શરૂઆતમાં તેમના વાહનો માટે ઇમ્પોર્ટ યોજના બનાવી રહી છે, તે જ સમયે, કંપની સ્થાનિક ઉત્પાદન અને વેચાણ સહિત ભારતમાં તેના વ્યવસાયને વિસ્તૃત કરવાની યોજના ધરાવે છે. ટેસ્લાના માલિક એલન મસ્ક અએ પહેલા જ સંકેત આપ્યો કે તેઓ માંગના આધારે દેશમાં પ્રોડકશન પ્લાન્ટનું નિર્માણ કરી શકીએ છે. 

હાલની સ્થિતિ એ છે કે, માળખાકીય સુવિધાના અભાવ અને અતિશય ભાવને કારણે, ભારતમાં ઇલેક્ટ્રિક વાહનોનો બજાર હિસ્સો એક ટકાથી ઓછો છે. જો સરકાર આયાત ડયૂટી ઘટાડવા સંમત નહીં થાય તો ટેસ્લાના ઇવી મોડલ ભારતમાં લગભગ બમણી કિંમતે વેચશે.

ટેસ્લાને દેશમાં ઇલેક્ટ્રિક વાહનોના ચાર મોડલનું ઉત્પાદન અથવા આયાત કરવાની પરવાનગી મળી છે. તેમને અહીંના રસ્તાઓ પર ચાલવા માટે સક્ષમ હોવાનું પ્રમાણપત્ર મળ્યું છે. આને લગતી માહિતી કેન્દ્રીય માર્ગ અને પરિવહન મંત્રાલયની વેબસાઇટ પર ઉપલબ્ધ છે.

જો કે, આ સમાચાર પર વિશ્વાસ કરવામાં આવે તો સરકાર ટેસ્લાને કસ્ટમ ડ્યૂટીમાં આંશિક ઘટાડા માટે રાહત આપી શકે છે. અહેવાલો અનુસાર, આ માટે સરકારે કંપનીને ભારતમાં તેના રોકાણની યોજનાની વિગતો માંગી છે. તેમણે કહ્યું કે સંબંધિત મંત્રાલયો કંપનીની માંગ પર વિચાર કરી રહ્યા છે અને કંપનીની યોજનાની વિગતો મેળવ્યા બાદ આ બાબતે અંતિમ નિર્ણય લેવામાં આવશે.