ઉત્તરપ્રદેશ / કાનપુરમાં ઝીકા વાયરસના બીજા 16 કેસ નોંધાયા, સંક્રમિતોની સંખ્યા 100ને પાર જતા ખળભળાટ

• કાનપુરમાં ઝીકા વાયરસનો આતંક યથાવત 
• બીજા 16 કેસ નોંધાયા બાદ કુલ સંક્રમિતો 105 
• વધતા જતા સંક્રમણને કારણે લોકોમાં ભયનો માહોલ 

ઉત્તરપ્રદેશના કાનપુરમાં હવે દિવસેને દિવસે ઝીંકા વાયરસનો આંતક વધતો જતો જોવા મળી રહ્યો છે. અહીયા વધું 16 નવા કેસ નોંધાયા છે. જેના કારણે લોકોમાં હવે ભયનો માહોલ ફેલાયેલો છે. અત્યાર સુધીમાં અહિયા કુલ 105 કેસ નોંધાઈ ચુક્યા છે. જેના કારણે હવે તંત્ર પણ દોડતું થઈ ગયું છે. 

ગંભીર લક્ષણો વાળા દર્દીના ટેસ્ટ થશે

સંક્રમણને રોકવા માટે પ્રભાવિત વિસ્તારોમાં અભિયાન ચલાવામાં આવી રહ્યું છે. ડૉક્ટરોનું કહેવું છે કે તેઓ ઘરેઘર સર્વે કરી રહ્યા છે. ગંભીર લક્ષણો વાળા દર્દીના સેમ્પલ પણ લેવામાં આવી રહ્યા છે. સાથેજ ગર્ભવતી મહિલાઓના પણ સેમ્પલ લેવામાં આવી રહ્યા છે. આ ઉપરાંત રેડિયોલોજી સેન્ટરોને પણ સતર્ક કરવામાં આવી રહ્યા છે. 

આફ્રિકાના જંગલમાં આ વાયરસ સૌથી પહેલા મળ્યો 

આપને જણાવી દઈએ કે ઝીકા વાયરસ ડેન્ગ્યૂંથી ફેલાતા મચ્છરોને કારણે ફેલાય છે. સાથેજ ગર્ભવતી મહિલાઓ માટે પણ આ વાયરસ સૌથી ખતરનાક માનવામાં આવે છે. ઝીકા વાયરસને કારણે ગર્ભસ્થ શિશુના મસ્તિષ્કનો વિકાસ પણ નથી થતો. પહેલી વખત આ વાયરસ આફ્રિકાના જંગલમાં દોવા મળ્યો હતો.

હળવા તાવથી થાય છે રોગની શરૂઆત 

આ રોગની શરૂઆત હળવા તાવથી થતી હોય છે. શરીર પર દાણા અને લાલ ચખામાં પડી જતા હોય છે. માથામાં દુખાવો તેમજ માસપેશીઓમાં દુખાવો થાય છે. સાથેજ સાંધામાં સૌથી વધારે દુખાવો થતો હોય છે.