જૂનાગઢ / ગુજરાતમાં વધ્યો અસામાજિક તત્વોનો આતંક, વિસાવદરમાં MLAના પરિવાર પર હુમલો કરાતા આજે બંધનું એલાન

• MLA રિબડીયાના પરિવાર પર હુમલો
• દીકરા અને તેમના ભાઇ પર હુમલો
• અસામાજિક તત્વો હપ્તો લેવા આવતા બબાલ

ગુજરાતમાં કાયદો અને વ્યવસ્થાનિક સ્થિતિ કથડી રહી હોય તેવું લાગી રહ્યું છે જો ગુજરાતના ધારાસભ્ય અને નગરપાલિકાના સદસ્ય સુરક્ષિત ન રહી શકતા હોય તો સામાન્ય પ્રજાની સુરક્ષા માટે અનેક સવાલો ઉઠી રહ્યા છે રાજ્યમાં અસામાજિક તત્વોનો આતંક વધ્યો હોય તેવી ઘટના જુવાગઢના વિસાવદરમાં સામે આવી છે જેમાં કેટલાક અસામાજિક તત્વએ ધારાસભ્ય હર્ષદ રિબડીયા પરિવાર અને તેમના ભાઈ પર હુમલો કરતા સ્થાનિકોમાં પણ રોષ જોવા મળી રહ્યો છે જેને લઈને આજે વિસાવદર બંધનું એલાન આપવામાં આવ્યું છે.  

જૂનાગઢના વિસાવદરના MLAના પરિવાર પર હુમલો

જુનાગઢના વિસાવદરના ધારાસભ્ય હર્ષદ રિબડીયાના પરિવાર પર અસામાજિક તત્વોએ હુમલો કર્યાની ઘટના સામે આવી છે, હર્ષદ રિબડીયાના ભાઈ રાજેશ રિબડીયા તેમજ ધારાસભ્યના દિકરા રાજન પર હુમલો કરાયો હતો જો કે હુમલામાં કોઈ ગંભીર ઈજા પહોંચી નથી પરતું આ ઘટનાને પગલે સમગ્ર વિસ્તારમાં ભયનો માહોલ ફેલાઈ ગયો છે. ધારાસભ્ય પર હુમલાને પગલે પોલીસને જાણ કરાતા પોલીસ કાફલો ઘટના સ્થળે આવી પહોંચ્યો હતો અને અસામાજિકની પોલીસે શોધખોળ હાથ ધરી હતી. 

અસામાજિક તત્વોએ કર્યો MLAના દીકરા અને ભાઇ પર હુમલો

અહીં ઉલ્લેખનિય છે કે કેટલાક અસામાજિક તત્વો રાત્રે વેરારીઓ પાસેથી અસામાજિક તત્વો હપ્તો લેવા આવતા હપ્તાની લેતી દેતી મામલે બોલા ચાલી થઈ હતી જે બાદ અસામાજિક તત્વોએ MLAના દીકરા અને ભાઇ પર હુમલો કર્યો હતો જે બાદ હુમલાવરો ફરાર થઈ ગયા હતા નેતાના પરિવાર પર હુમલાની ઘટનાને પગલે સમગ્ર વિસ્તારમાં ભયનો માહોલ છવાઈ ગયો છે. 

હુમલાના વિરોધમાં આજે વિસાવદર બંધનું બિનરાજકીય એલાન

જોકે પોલીસને જાણ કરાતા સમગ્ર મામલે પોલીસે તપાસ હાથ ધરી છે MLA રિબડીયાના ભાઇ રાજેશ રિબડીયા પણ નગરપાલિકાના સદસ્ય છે ત્યારે ધારાસભ્યના પરિવાર  તેમજ નગરપાલિકાના સદસ્ય પર હુમલાના વિરોધમાં આજે વિસાવદર બંધનું એલાન આપવામાં આવ્યું છે. બીજી તરફ હુમલાની ઘટનાને પગલે પોલીસે પણ તપાસનો ધમધમાટ શરૂ કર્યો છે.