- લાઈન ઓફ એક્ચ્યુઅલ કંટ્રોલ પર ફરીથી તણાવ
- ચીનને ભારત જડબાતોડ જવાબ માટે ભારત તૈયાર
- ગરમાગરમી વચ્ચે આર્મી ચીફ નરવણે પહોચ્યા લદાખ
ભારત અને ચીન વચ્ચેનો સીમા વિવાદ ફરીથી ચોંકાવનારા સમાચાર લઈને આવ્યો છે. કહેવાય છે કે, LAC પાસે ચીનના સૈનિકોનું સંખ્યાબળ વધતું જાય છે.અને ત્યાં મોટા પ્રમાણમાં હથીયારોનો જથ્થો પણ એકત્રિત કરાઈ રહ્યો છે. નવી દિલ્હી અને ઉત્તરાખંડના બારાહોતી સેકટરને અડીને આવેલી બોર્ડર પર ગયા મહીને ચીનની પીપુલ્સ લીબરેશન પાર્ટી (PLA)ભારતીય સીમામાં ઘૂસી હતી. હવે સમાચાર મળ્યા છે કે, ચીન LAC પર સૈનિકોનું સંખ્યાબળ વધારી રહ્યું છે. અને મોટા પ્રમાણમાં શસ્ત્રો અને દારું-ગોળાનો જથ્થો પણ એકત્રિત કરાઈ રહ્યો છે.ભારતીય વિદેશ મંત્રાલયના પ્રવક્તા અરિંદમ બાગચી એ ગુરુવારે સીધું અને સટ કહી દીધું કે,ભારત પણ ચીનની ગતિવિધિઓ પર ચાંપતી નજર રાખી રહ્યું છે. દેશની સુરક્ષાની તૈયારીઓ પુરતી છે.
બે દિવસની મુલાકાતે પહોચ્યા નરવણે
બીજી તરફ, ચીન સાથે ગરમાગરમીનાં સમાચાર વચ્ચે આર્મી ચીફ જનરલ એમ એમ નરવણે શુક્રવારે બે દિવસીય યાત્રા પર લદાખ પહોચ્યા.સેના પ્રમુખે પહેલે દિવસે પૂર્વીય લદાખની ફોરવર્ડ પોસ્ટ પર તહેનાત સૈન્ય અધિકારીઓ સાથે બેઠક કરી.તેઓએ સેનાની તૈયારીઓ અને વર્તમાન સ્થિતિઓની પણ સમીક્ષા કરી.
ચીન સતત ભડકાવવાના પ્રયત્નમાં
ભારત-ચીન સીમા વિવાદ અટકવાનું નામ નથી લઇ રહ્યો. હકિકતમાં, બુધવારે ચીનના વિદેશ મંત્રાલયના પ્રવક્તા બનેલા ચુનીયાંગ એ આરોપ લગાવતા સનસનાટી મચાવી કે, ભારતીય સૈન્ય સતત ચીનની જમીન પર કબજો કરી રહી છે.જો કે, ભારતના વિદેશ મંત્રાલયે આ વાતને ખોટી જણાવી .એક કોન્ફ્રરંસ દરમિયાન અરિંદમ બાગચીએ સ્પષ્ટ કહ્યું કે, ચીન ભડકાવવા જેવી વૃત્તિ રાખી LACમાં બદલાવનો પ્રયત્ન કરી રહ્યું છે.પરંતુ,ભારત પોતાની સુરક્ષા કરવાનું પણ જાણે છે.
ચીન વાયદાઓ નથી પાળતું
ચીનની તૈયારીઓ જોતા LAC પર મોટી સંખ્યામાં ભારતીય સેના પણ તહેનાત કરી દેવામાં આવી છે.જો કે, ભારતે ફરી દોહરાવ્યું છે કે, ચીન પહેલા લદ્દાખમાં વણ ઉકેલાયેલા પ્રશ્નોને વાતચીતના માધ્યમથી ઉકેલ લાવે.આ પહેલા,ભારતના વિદેશ મંત્રી જયશંકરે પણ ચીનના વિદેશમંત્રી વાંગ યી ને પણ આ જ વાત કરી હતી. ગુરુવારે સાંજે એક મહત્વની બેઠક દરમિયાન વિદેશ મંત્રી જયશંકર એ ચીન અને અમેરિકા સાથેના સંબંધોને લઈને ભારતનો પક્ષ રાખ્યો
ઉત્તરાખંડના બારાહોતીમાં ઘૂસણખોરી
પૂર્વીય લદ્દાખમાં ઘૂસણખોરીના પ્રયત્ન બાદ ચીનની પીપુલ્સ લેબરેશન આર્મી (PLA)ણી વધુ એક નાપાક ચાલ સામે આવી હતી. સુત્રોના જણાવાયાનુસાર, ચીની આર્મીએ ઉત્તરાખંડના બારાહોતી સેકટર સાહ્તે જોડાયેલી સેમારેખાનું ઉલ્લંઘન કર્યું. કહેવાય છેકે, આ ઘટના ગયા મહિનાની છે. જ્યારે ચીનના 100 જેટલા સૈનિકોએ 'લાઈન ઓફ એક્ચ્યુઅલ કંટ્રોલ' LAC વટાવી હતી. ઉલ્લેખનીય છે કે, બારાહોતી થી જ ચીનએ 1962ના જંગ પહેલા ઘૂસણખોરી કરી હતી.
