આર્થિક મંદીના 10 વર્ષ: વિશ્વમાં ઘણી બેન્કોએ નોંધાવી હતી નાદારી શું હજી પણ છે જોખમ?

આગામી 15 સપ્ટેમ્બરે વિશ્વ પ્રસિદ્ધ આર્થિક મંદીને 10 વર્ષ પૂરા થઈ જશે. આ મંદીની ઉપજ તો અમેરિકામાં થઈ હતી પરંતુ તેની અસર સમગ્ર વિશ્વમાં 2-3 વર્ષો સુધી જોવા મળી હતી. હવે મોટો સવાલ એ છે કે શું 10 વર્ષ પછી એવી આર્થિક મંદી હોવાનું જોખમ રહેલું છે કે નહીં. 

અમેરિકાએ શરુ કર્યુ વ્યાપાર યુદ્ધ

અમેરિકાએ ભારત અને ચીન સહિત ઘણા દેશોથી આયાત થનારા સામાન પર વધારાની એક્સેસ ડ્યૂટી લગાવવાનો નિર્ણય કર્યો છે. જ્યારે ઈરાન જેવા દેશ પર આર્થિક પ્રતિબંધ લગાવવાથી ત્યાંથી પેટ્રોલ પણ આયાત નહીં થઈ શકે. તેનાથી ઘણા દેશો સાથે અમેરિકાનું વ્યાપાર યુદ્ધ થવાની આશંકા ફરીથી જોવા મળી રહી છે. જો વ્યાપાર યુદ્ધ થાય છે તો એ થોડાક અંશે વિશ્વને આર્થિક મંદી તરફ લઈ જશે.

અમેરિકાને ત્યારે લાગ્યો હતો આવો આટલો ઝટકો

10 વર્ષ પહેલા આર્થિક મંદી દરમ્યાન અમેરિકાની અર્થવ્યવસ્થાને 6થી 14 ટ્રિલિયન ડોલરનું નુક્સાન થયુ હતું તેની સાથે દેશના બે સૌથી મોટી બેન્કોનું પૂરી રીતે દેવાળુ ફુંકાયુ હતુ અને બંધ થઈ હતી. મેરિલ લિંચની બેન્ક ઓફ અમેરિકાએ અધિગ્રહણ કર્યુ હતુ જ્યારે લેહમેન બ્રધર્સે પોતાના બેન્કિંગ વેપારને બાર્કલેઝ તેમજ નોમુરાને વેચી દીધુ હતું.