BREAKING / રાજસ્થાન: જયપુર એરપોર્ટ પર સ્પાઈસજેટની ફ્લાઈટમાં ખામી સર્જાઈ, બે કલાક સુધી પેસેન્જર વિમાનમાં બેસી રહ્યા

• જયપુર એરપોર્ટ પર સ્પાઈસજેટની ફ્લાઈટમાં ખામી સર્જાઈ
• ફ્લાઈટને ઉડાન ભરતા રોકવામાં આવી
• પેસેન્જર બે કલાક સુધી વિમાનમાં બેસી રહ્યા

રાજસ્થાનની રાજધાની જયપુર ઈંટરનેશનલ એરપોર્ટ પર મંગળવારે એક વિમાનમાં ટેકનિકલ ખામી સર્જાવાની સૂચના મળી છે. જે બાદ મુસાફરોથી ભરેલું વિમાન બોર્ડિંગ બાદ ઉડાન ભરી શક્યું નહોતું. પ્રાપ્ત વિગતો અનુસાર જોઈએ તો, જયપુરથી પુણે જતી સ્પાઈસજેટની એરલાઈસની ફ્લાીટ ઈંટરફેસ યુનિટમાં ટેકનિકલ ખામી સર્જાઈ, જે બાદ વિમાનને ઉડાન ભરતા રોકવામાં આવ્યું હતું. 

વિમાનમાં 33 મુસાફરો બેઠેલા હતા

આપને જણાવી દઈએ કે, આ ફ્લાઈટમાં 33 મુસાફરો બેઠેલા હતા. જેમના માટે બીજી ફ્લાઈટની વ્યવસ્થા તાત્કાલિક કરવામાં આવી હતી. ઘટનાની જાણકારી મળતા એરલાઈન્સ કંપની હરકતમાં આવી અને તાત્કાલિક અન્ય એક ફ્લાઈટની વ્યવસ્થા કરી દીધી હતી. જેમાં મુસાફરોને રવાના કરવામાં આવ્યા હતા. સ્પાઈસ જેટની ફ્લાઈટમાં ખામી સર્જાતા મુસાફરો બે કલાક સુધી હેરાન થયા હતા. આખરે બે કલાક બાદ અન્ય એક ફ્લાઈટ દ્વારા તેમને પુણે રવાના કરવામાં આવ્યા હતા. 

ફ્લાઈટમાં ખામી સર્જાવાના કિસ્સા યથાવત

આપને જણાવી દઈએ કે, પેસેન્જર ફ્લાઈટમં ખામી સર્જાવાના કિસ્સા રોકાવાનું નામ નથી લેતા. આંકડાના હિસાબથી જોઈએ તો, છેલ્લા અઢી મહિનામાં આ 16મી ફ્લાઈટ છે, જેમાં ટેકનિકલ ખામી સર્જાઈ હોય, અને બાદમાં તેને ઈમરજન્સી લેન્ડીંગ કરાવવું પડ્યું હોય, અથવા તો લેન્ડીંગ બાદ ઉદાન ભરતા રોકવામાં આવી હોય.