ક્રિકેટ / પૃથ્વી શોની મહેનત રંગ લાવી ! ન્યુઝીલેન્ડ સામેની સીરીઝમાં ભારતીય ટીમમાં મળી જગ્યા, જાણો ટીમનુ માળખુ

• ન્યુઝીલેન્ડ સામે વન-ડે અને ટી20 શ્રેણી માટે ભારતીય ટીમ જાહેર
• ટી20 શ્રેણીમાં પૃથ્વી શોને સ્થાન મળ્યું
• શૉએ રણજી ટ્રોફી મેચમાં ટ્રીપલ સદી 379 રન ફટકાર્યા હતા

ન્યુઝીલેન્ડ સામે વન-ડે સીરીઝમાં રોહિત શર્મા કેપ્ટન 

ન્યુઝીલેન્ડ સામે ત્રણ-ત્રણ મેચની વન-ડે અને ટી20 સીરીઝ માટે પણ ભારતીય ટીમની જાહેરાત થઇ ગઇ છે. વન-ડે સીરીઝમાં રોહિત શર્મા આગેવાની લેશે. જ્યારે ટી20 સીરીઝમાં એક વખત ફરીથી હાર્દિક પંડ્યાને સુકાન પદની જવાબદારી મળી છે. 

અર્શદીપ વન-ડે ટીમમાં સામેલ નથી

જ્યાં સુધી વન-ડે મેચ માટે બેટીંગ ક્રમનો સંબંધ છે તો બીસીસીઆઈએ શ્રીલંકા શ્રેણીમાં રમી રહેલી ટીમમાં મોટો ફેરફાર કર્યો નથી. રોહિત શર્મા, શુભમન ગિલ, વિરાટ કોહલી, સૂર્યકુમાર યાદવ, શ્રેયસ ઐયર અને ઈશાન કિશને ટીમમાં પોતાનુ સ્થાન જાળવી રાખ્યું છે. તો ઓલરાઉન્ડર ખેલાડીઓના રૂપમાં શાહબાજ અહમદ અને વૉશિંગ્ટન સુંદરને જગ્યા મળી છે. આ સાથે વન-ડે ટીમમાં અર્શદીપ સિંહની જગ્યાએ શાર્દૂલ ઠાકુરનો સમાવેશ કરાયો છે. મોહમ્મદ શમી, મોહમ્મદ સિરાજ અને ઉમરાન મલિક પણ વન-ડે ટીમમાં છે. 

વન-ડે સીરીઝ માટે ભારતીય ટીમ:

રોહિત શર્મા (કેપ્ટન), શુભમન ગિલ, ઈશાન કિશન, વિરાટ કોહલી, શ્રેયસ ઐયર, સૂર્યકુમાર યાદવ, કેએસ ભરત (વિકેટ કીપર), હાર્દિક પંડ્યા (વાઈસ કેપ્ટન), વૉશિંગ્ટન સુંદર, શાહબાજ અહમદ, શાર્દૂલ ઠાકુર, યુઝવેન્દ્ર ચહલ, કુલદીપ યાદવ, મોહમ્મદ શમી, મો.સિરાજ, ઉમરાન મલિક. 

ન્યુઝીલેન્ડ સામે ટી20 સીરીઝ માટે ભારતીય ટીમ:

હાર્દિક પંડ્યા (કેપ્ટન), સૂર્યકુમાર યાદવ (વાઈસ કેપ્ટન), ઈશાન કિશન (વિકેટ કીપર), ઋતુરાજ ગાયકવાડ, શુભમન ગિલ, દિપક હુડ્ડા, રાહુલ ત્રિપાઠી, જિતેશ શર્મા (વિકેટકીપર), વૉશિંગ્ટન સુંદર, કુલદીપ યાદવ, યુઝવેન્દ્ર ચહલ, અર્શદીપ સિંહ, ઉમરાન મલિક, શિવમ માવી, પૃથ્વી શૉ, મુકેશ કુમાર. 

ન્યુઝીલેન્ડનો ભારત પ્રવાસ

પહેલી વન-ડે- 18 જાન્યુઆરી, હૈદ્રાબાદ
બીજી વન-ડે- 21 જાન્યુઆરી, રાયપુર
ત્રીજી વન-ડે- 24 જાન્યુઆરી, ઈન્દોર 

પહેલી ટી20- 27 જાન્યુઆરી, રાંચી
બીજી ટી20- 29 જાન્યુઆરી, લખનઉ
ત્રીજી ટી20- 1 ફેબ્રુઆરી, અમદાવાદ