IPLIN
 
  • Home
  • Sports
  • Cricket
  • India
  • Team India created history, made it to the WTC Final for the second time in a row, now clash with Australia

BIG BREAKING / જય હો! WTCના ફાઇનલમાં ટીમ ઈન્ડિયા, સતત બીજીવાર કર્યું ક્વૉલિફાય, જાણો કોની સામે થશે ટક્કર

Team VTV 12:29 PM, 13 Mar 23 | Updated: 12:37 PM, 13 Mar 23
Follow us
Team India created history, made it to the WTC Final for the second time in a row, now clash with Australia

હાલ ભારત અને ઓસ્ટ્રેલિયા વચ્ચેની સિરીઝની છેલ્લી ટેસ્ટ મેચ અમદાવાદમાં રમાઈ રહી છે અને આ દરમિયાન ઈતિહાસ રચતા ટીમ ઈન્ડિયાએ બીજી વખત વર્લ્ડ ટેસ્ટ ચેમ્પિયનશિપની ફાઇનલમાં જગ્યા બનાવી છે

  • ટીમ ઈન્ડિયા પંહોચી વર્લ્ડ ટેસ્ટ ચેમ્પિયનશિપના ફાઇનલમાં
  • ન્યુઝીલેન્ડે 2 વિકેટથી જીત મેળવી
  • ચાલુ મેચે ટીમ ઈન્ડિયા WTC 2023 ફાઈનલ માટે ક્વોલિફાઈ થઈ ગઈ

ટીમ ઈન્ડિયા એ ઈતિહાસ રચતા સતત બીજી વખત વર્લ્ડ ટેસ્ટ ચેમ્પિયનશિપની ફાઇનલમાં જગ્યા બનાવી છે. જણાવી દઈએ કે અત્યારે ભારત અને ઓસ્ટ્રેલિયા વચ્ચેની સિરીઝની છેલ્લી ટેસ્ટ મેચ અમદાવાદમાં રમાઈ રહી છે અને આ દરમિયાન આ સારા સમાચાર આવ્યા છે કે શ્રીલંકા અને ન્યુઝીલેન્ડ વચ્ચેની ટેસ્ટ મેચ સમાપ્ત થઈ ગઈ છે જેમાં ન્યુઝીલેન્ડે 2 વિકેટથી જીત મેળવી છે. આ સમાચાર ટીમ ઈન્ડિયા માટે સારા એટલા માટે છે કારણ કે આ સાથે ટીમ ઈન્ડિયા WTC 2023 ફાઈનલ માટે ક્વોલિફાઈ થઈ ગઈ છે. 

જણાવી દઈએ કે ભારત હવે વર્લ્ડ ટેસ્ટ ચેમ્પિયનશિપ માટે ઓસ્ટ્રેલિયા સામે ટકરાશે જે પહેલાથી જ ફાઈનલ માટે ક્વોલિફાઈ થઈ ચૂક્યું છે. નોંધનીય છે કે આ મેચ લંડનના ઓવલ મેદાન પર 7 થી 11 જૂન દરમિયાન રમાશે આ સાથે જ 12 જૂનને પણ આ મેચ માટે રિઝર્વ પણ રાખવામાં આવ્યું છે. 

ટીમ ઈન્ડિયા સતત બીજી વખત વર્લ્ડ ટેસ્ટ ચેમ્પિયનશિપની ફાઇનલમાં પહોંચી છે. આ પહેલા ભારતીય ટીમને ફાઈનલમાં ન્યૂઝીલેન્ડ સામે પરાજય મળ્યો હતો. 

ન્યૂઝીલેન્ડે શ્રીલંકાને 2 વિકેટે હરાવ્યું 
નોંધનીય છે કે ઈન્દોર ટેસ્ટમાં ભારતની હારથી વર્લ્ડ ટેસ્ટ ચેમ્પિયનશિપની ફાઈનલનું સમીકરણ રસપ્રદ બની ગયું હતું અને ટીમ ઈન્ડિયાને ફાઈનલની ટિકિટ માટે થોડો સમય રાહ જોવી પડી હતી. જણાવી દઈએ કે ઈન્દોર ટેસ્ટ જીતીને ઓસ્ટ્રેલિયાનું સ્થાન નિશ્ચિત થઈ ગયું હતું પણ ટીમ ઈન્ડિયાની ફાઇનલની ટિકિટની નિર્ભરતા શ્રીલંકા-ન્યૂઝીલેન્ડ ટેસ્ટ મેચ પર રહી હતી. એવામાં શ્રીલંકા હાલમાં ન્યુઝીલેન્ડમાં બે ટેસ્ટ મેચની સીરીઝ રમી રહ્યું છે અને તેને ફાઇનલમાં પહોંચવા માટે સીરીઝ 2-0થી જીતવી જરૂરી હતી પણ એવું થયું નહીં. 

ક્રાઈસ્ટચર્ચમાં રમાયેલી આ ટેસ્ટની પહેલી ઈનિંગમાં શ્રીલંકાએ 355 રનનો મોટો સ્કોર બનાવ્યો હતો, જેના જવાબમાં ન્યૂઝીલેન્ડે પ્રથમ દાવમાં 373 રન બનાવ્યા હતા. જવાબમાં શ્રીલંકાએ બીજી ઇનિંગમાં 302 રન બનાવ્યા હતા અને ન્યૂઝીલેન્ડને જીતવા માટે 285 રનનો ટાર્ગેટ આપ્યો હતો. એવામાં ન્યૂઝીલેન્ડે છેલ્લી ઓવર સુધી મેચ પોતાના નામે કરી લીધી હતી અને અંતે જીત મેળવી હતી.

Team India IND vs AUS Test Series વર્લ્ડ ટેસ્ટ ચેમ્પિયનશિપ world test championship World Test Championship 2023 WTC 2023
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ