- આ ભૂલોના કારણે ભારતીય ટીમે વર્લ્ડ કપ ગુમાવ્યો
- ઓપનિંગ જોડીનુ ખરાબ પ્રદર્શન સામે આવ્યું
- રન બનાવનારા બેટરોને કરાયા ઈગ્નોર
ભારતીય ટીમની આ ભૂલના કારણે વર્લ્ડ કપ ગુમાવવો પડ્યો
જો કોઈ ભૂલ એક વખત થાય તો તે માફ કરી શકાય છે. પરંતુ જ્યારે તેને રિપીટ કરવામાં આવે તો તેને બ્લંડર કહેવુ જ યોગ્ય ગણાશે. આવી વાત આપણે ઘણી વખત સાંભળી છે અથવા પછી કોઈને સંભળાવીએ છીએ. ટી20 વર્લ્ડ કપ 2022માં ભારતીય ટીમ સાથે કઈક આવુ જ થયુ છે, ક્રિકેટ પ્રેમીઓ તેને ભૂલ નહીં, પરંતુ બ્લંડર જ માની રહ્યાં છે. કારણકે આવુ એક વર્ષમાં બીજી વખત દોહરાવવામાં આવ્યું છે અને હવે પ્રશંસકો જવાબ માંગી રહ્યાં છે.
એક વર્ષના સમયગાળામાં બે વર્લ્ડ કપ ભારતીય ટીમે ગુમાવ્યાં
ઓક્ટોબર-નવેમ્બર 2021માં યુએઈમાં ટી-20 વર્લ્ડ કપ રમાયો હતો. જ્યાં ભારતીય ટીમ સેમી ફાઈનલમાં જગ્યા બનાવી શકી નહોતી અને હવે ઓક્ટોબર-નવેમ્બર 2022માં ઓસ્ટ્રેલિયામાં ટી-20 વર્લ્ડ કપ રમાયો. જ્યાં ભારતીય ટીમ સેમી ફાઈનલ સુધી તો પહોંચી, પરંતુ ખિતાબ ના જીતી શકી. એક વર્ષના આ સમયગાળામાં બે વર્લ્ડ કપ ભારતીય ટીમે કઈ ભૂલના કારણે ગુમાવી દીધા. આવી જ અમુક ભૂલો પર નજર ફેરવીએ.
કેએલ રાહુલને સતત સમર્થન
ભારતીય ટીમના વાઈસ કેપ્ટન કેએલ રાહુલ કંગાળ ફોર્મ બાદ પણ ટીમમાં દેખાયા અને ઓપનિંગ જોડીનુ ખરાબ પ્રદર્શન સામે આવ્યું. આ બંને વર્લ્ડ કપની કહાની છે. આ વર્ષે ટુર્નામેન્ટ પહેલા કેએલ રાહુલના ધીમા સ્ટ્રાઈક રેટને લઇને ચર્ચા ચાલી રહી હતી. પછી જ્યારે વર્લ્ડ કપ શરૂ થયો ત્યારે કેએલ રાહુલના કંગાળ ફોર્મ પર સવાલ ઉભા થયા. હવે જ્યારે વર્લ્ડ કપ પૂરો થયો છે ત્યારે એક વખત ફરીથી કેએલ રાહુલને ટી-20 ટીમમાંથી બહાર કરવાની વાત ચાલી રહી છે.
ટી-20 વર્લ્ડ કપ 2022માં કેએલ રાહુલ: 4, 9, 9, 50, 51, 5
ટી-20 વર્લ્ડ કપ 2021માં કેએલ રાહુલ: 3, 18, 69, 50, 54
યુઝવેન્દ્ર ચહલને ઈગ્નોર કરવા
વર્ષ 2016માં ટી-20 ડેબ્યુ કરનારા યુઝવેન્દ્ર ચહલ આ ફોર્મેટમાં ભારત માટે સૌથી વધુ વિકેટ લેનારા બીજા બોલર છે. પરંતુ સારી વાત એ છે કે તેમ છતા તેઓ ટી20 વર્લ્ડ કપ 2021, ટી20 વર્લ્ડ કપ 2022માં પણ એક પણ મેચ રમી ના શક્યા.
રોહિત શર્માનુ કંગાળ ફોર્મ
સતત વાત થાય છે કે ભારતીય ક્રિકેટને નામથી આગળ કામ પર ધ્યાન કેન્દ્રીત કરવુ પડશે. એટલેકે જે ખેલાડીઓના નામ મોટા છે, જરૂરી નથી કે તેમને ટીમમાં તક મળે. આ વખતે કેપ્ટન રોહિત શર્માની સાથે પણ આવુ થયુ છે, જેનુ બેટીંગમાં કંગાળ ફોર્મ સામે આવ્યું.
ટી-20 વર્લ્ડ કપ 2022માં રોહિત શર્મા: 4, 53, 15, 2, 15, 27
રન બનાવનારા બેટરો થઇ રહ્યાં છે ઈગ્નોર
માત્ર વર્લ્ડ કપ રમનારા 15 નહીં, પરંતુ જે ખેલાડીઓને રમાડવામાં ના આવ્યાં ત્યાં પણ ટીમ મેનેજમેન્ટથી ભૂલ થઇ છે. રોહિત શર્મા અને શિખર ધવનની જોડી વ્હાઈટ બોલ ફોર્મેટમાં ધૂમ મચાવતી હતી. પરંતુ શિખર ધવનને અચાનક ટીમમાંથી બહાર કેમ કરવામાં આવ્યો તેનો જવાબ કદાચ આજ સુધી મળ્યો નથી. તેઓ માત્ર વન-ડે સીરીઝમાં આવે છે, જેમાં સીનિયર આરામ કરતા હોય છે અને ધવનના હાથમાં સુકાન હોય છે. શિખર ધવન સિવાય પૃથ્વી શો જે ડોમેસ્ટિક ક્રિકેટમાં સતત રન બનાવી રહ્યાં છે.
પ્લેઈંગ-11 ના બદલવાની જીદ્દ
કોઈ પણ મેચ પહેલા જ્યારે પૂછવામાં આવે છે કે પ્લેઈંગ-11 કયા થશે ત્યારે કેપ્ટન અથવા ટીમ મેનેજમેન્ટ આ કહે છે કે પરિસ્થિતિના હિસાબે આ નક્કી કરવામાં આવશે. કદાચ આ મંત્રને ભારતીય ટીમનુ મેનેજમેન્ટ ભૂલી ગયુ હતુ. શરૂઆતથી લઇને અંત સુધી ભારતીય ટીમ એક જ પ્લેઈંગ-11ને રમાડવાની જીદ સાથે આગળ વધી.
