ફેરફાર / Tata Skyના ગ્રાહકોને લાગ્યો મોટો ઝટકો, હવે આ પ્લાનમાં થયો બદલાવ, નહીં મળે આ સર્વિસ

• ટાટા સ્કાયના ગ્રાહકો માટે ખરાબ સમાચાર
• કંપનીએ તેના આ પ્લાનની લિમિટ કરી નક્કી
• હવે નહીં મળે અનલિમિટેડ ડેટા

ટાટા સ્કાયના બ્રોડબેન્ડ પ્લાન્સ ફિક્સ્ડ જીબી અને અનલિમિટેડ પ્લાન્સ એમ બે ફોર્મેટમાં આવે છે. ફિક્સ્ડ જીબીના પ્લાનમાં ગ્રાહકોને પ્લાન પ્રમાણે લિમિટેડ ડેટા મળે છે. જ્યારે બીજી બાજુ અનલિમિટેડ પ્લાનમાં ડેટા અને સ્પીડમાં કોઈ લિમિટ નહોતી. એટલે કે, ગ્રાહકોને અનિલિમિ઼ટેડ ડેટા વાપરવા મળતો હતો. 

પરંતુ કંપનીએ કરેલાં બદલાવ બાદ હવે અનલિમિટેડ પ્લાન્સ પર પણ 1500 જીબીની એફયુપી લિમિટ નક્કી કરી દેવામાં આવી છે. જેમાં ફિક્સ્ડ ડેટા ખતમ થયા બાદ યુઝર્સને 2Mbpsની થ્રોટલ સ્પીડ મળશે. 

ટાટા સ્કાયના અનલિમિટેડ પ્લાન્સની શરૂઆત 900 રૂપિયાથી થાય છે. ગ્રાહકો ત્રિમાસિક, અર્ધવાર્ષિક અને વાર્ષિક વેલિડિટી પ્રમાણે આ પ્લાન્સમાં પેમેન્ટ કરી શકે છે. ટાટા સ્કાય તેના બ્રોડબેન્ડ પ્લાન્સમાં 25 એમબીપીએસથી 100 એમબીપીએસની સ્પીડ ઓફર કરે છે. તમને જણાવી દઈએ કે, હાલ કંપની એન્યુઅલ પ્લાન પર 15% ડિસ્કાઉન્ટ અને 6 મહિનાના પ્લાન્સ પર 10% ડિસ્કાઉન્ટ આપી રહી છે.