- ટાટા મોટર્સના શેરમાં ધમાકેદાર તેજી
- શેર ઈન્ટ્રાડેમાં 8 ટકાની મજબૂતી સાથે રૂ. 453 પર પહોંચ્યો
- ટાટા મોટર્સ કંપનીએ બુધવારે તેના ત્રિમાસિક પરિણામો જાહેર કર્યા
દેશની ઓટો સેક્ટરની દિગ્ગજ કંપની ટાટા મોટર્સના શેરમાં ધમાકેદાર તેજી જોવા મળી રહી છે. આ શેર ઈન્ટ્રાડેમાં 8 ટકાની મજબૂતી સાથે રૂ. 453 પર પહોંચ્યો છે. જ્યારે બુધવારે તે રૂ.419 પર બંધ રહ્યો હતો. ટાટા મોટર્સ કંપનીએ બુધવારે તેના ત્રિમાસિક પરિણામો જાહેર કર્યા હતા. જેના પરિણામોએ લોકોને આશ્ચર્યમાં મૂકી દીધા છે. કંપની વાર્ષિક ધોરણે નુકસાનમાંથી નફામાં ફેરવાઈ છે. ત્રિમાસિક પરિણામો પછી બ્રોકરેજ હાઉસે ઝુનઝુનવાલા પરિવારના આ મનપસંદ સ્ટોકમાં રોકાણ કરવાની સલાહ આપી છે.
બ્રોકરેજ હાઉસ મોતીલાલ ઓસવાલ ટાટા મોટર્સના શેરમાં તેજીમાં છે. બ્રોકરેજે આમાં 525 રૂપિયાનો ટાર્ગેટ આપ્યો છે. 419 રૂપિયાની હાલની કિંમતના સંદર્ભમાં તે 25 ટકા વળતર આપી શકે છે. શેર બજારમાં રસિયાઓ કહે છે કે, ડિસેમ્બર ક્વાર્ટરમાં કંપનીએ મજબૂત પ્રદર્શન કર્યું હતું. JLR અને કોમર્શિયલ વ્હીકલ સેગમેન્ટમાં પ્રદર્શન ખાસ કરીને મજબૂત હતું. સપ્લાય સાઇડનો મુદ્દો પણ ઓછો થઈ રહ્યો છે અને તેમાં વધુ સુધારો થઈ રહ્યો છે. મેક્રો રિકવરી, કંપનીના ચોક્કસ વોલ્યુમ અને માર્જિન ડ્રાઇવર્સ, FCFમાં રિકવરી અને JLR અને ભારતના બિઝનેસમાં લીવરેજ દ્વારા આને વધુ પ્રોત્સાહન મળે છે. સ્ટોક હાલમાં 15.5x/12.5x FY24E/FY25E કોન્સોલિડેટેડ P/E અને 3.9x/3.2x EV/EBITDA પર ટ્રેડ કરે છે.
ટાટા મોટર્સના શેરમાં તેજી
બ્રોકરેજ હાઉસ યસ સિક્યોરિટીઝ પણ ટાટા મોટર્સના શેરમાં તેજી છે. બ્રોકરેજે BUY રેટિંગ સાથે રૂ. 520નો લક્ષ્યાંક રાખ્યો છે. જે ને લઈને આમાં 24 ટકા રિટર્ન શક્ય છે. જેએલઆરનું મજબૂત પ્રદર્શન એકંદરે સારા દેખાવ પાછળનું મુખ્ય કારણ છે. તેવું બ્રોકરેજનું માનવું છે. JLRનું EBITDA માર્જિન 11.9 ટકા છે જે અપેક્ષા કરતાં વધુ સારું છે.
એક વર્ષ પહેલા આ જ કંપનીએ 1516 કરોડનું નુકસાન ભોગવ્યુ હતું
ટાટા ગ્રુપની કંપની ટાટા મોટર્સના પરિણામોએ આશ્ચર્યમાં મૂકી દિધા છે. આ કંપનીએ ડિસેમ્બરમાં 2958 કરોડનો નફો રોળી નાખ્યો છે, જ્યારે તેની સરખામણીએ એક વર્ષ પહેલા આ જ કંપનીએ 1516 કરોડનું નુકસાન ભોગવ્યું હતું. જેની પગલે કંપનીની આવક 22.5 ટકા વધીને રૂ. 88,489 કરોડએ પહોંચી છે. આ સમયગાળા દરમિયાન JLRનું પ્રદર્શન પણ જબરદસ્ત રહ્યું છે. EBITDAના વાર્ષિક ધોરણે 33 ટકા વધીને 9,853 કરોડ થયો છે. માર્જિન વિસ્તરણ 90 bps વાર્ષિક ધોરણે હતું અને તે 11.1 ટકા પર પહોંચ્યું હતું.
