ઉડ્ડયન / ટાટા ગ્રુપનું મોટું એલાન, માર્ચ 2024 સુધી એક થઈ જશે એર ઈન્ડીયા અને વિસ્તારા

• 4 એરલાઈન્સ ચલાવી રહેલા ટાટા ગ્રુપનું મોટું એલાન
• વિસ્તારા એરલાઈન્સ અને એર ઈન્ડીયાનું થશે મર્જર
• માર્ચ 2024 સુધીમાં બન્ને એરલાઈન્સ એક થઈ જશે 

ભારતીય એરલાઇન સેક્ટરની 4 મોટી કંપનીઓનું સંચાલન કરી રહેલું ટાટા ગ્રુપ હવે એરલાઇન્સના મર્જરનું એલાન કર્યું છે. ટાટા ગ્રુપ દ્વારા જારી કરવામાં આવેલા નિવેદનમાં જણાવાયું છે કે ટાટા ગ્રુપ માર્ચ 2024 સુધીમાં વિસ્તારા એરલાઈન્સ અને એર ઈન્ડીયાના મર્જરનું કામ પુરી કરી દેશે. 

Tata Group announces the consolidation of its airlines, Vistara and Air India by March 2024. pic.twitter.com/40QW2pBFzQ

— ANI (@ANI) November 29, 2022

વિસ્તારા અને એર ઈન્ડીયા એક થઈ જશે
ટાટા ગ્રુપના આ એલાન બાદ માર્ચ 2024 સુધીમાં વિસ્તારા અને એર ઈન્ડીયા એક એરલાઈન્સ બની જશે. 

હાલમાં ટાટા ગ્રુપ પાસે 4 એરલાઈન્સ 
હાલમાં ટાટા ગ્રુપ પાસે 4 એરલાઈન્સ છે જેમાં એર ઇન્ડિયા અને એર ઇન્ડિયા એક્સપ્રેસ,  વિસ્તારા અને એરએશિયા સામેલ છે. ભૂતકાળમાં, ટાટા જૂથે એર ઇન્ડિયાને ખરીદી હતી. આ સિવાય ટાટા ગ્રુપ અને સિંગાપુર એરલાઈન્સ લિમિટેડ મળીને ભારતમાં વિસ્તારા એરલાઈન્સનું સંચાલન કરે છે. આ એરલાઈનમાં સિંગાપોર એરલાઈન્સની 49 ટકા ભાગીદારી છે, જ્યારે ટાટા ગ્રુપની 51 ટકા ભાગીદારી છે. ટાટા ગ્રુપ એરએશિયા ઇન્ડિયાને એર ઇન્ડિયા એક્સપ્રેસમાં મર્જ કરવાની પણ વિચારણા કરી રહ્યું છે. આ મર્જરને કોમ્પિટિશન કમિશને મંજૂરી આપી છે.

જાન્યુઆરી 2022માં ટાટાએ એર ઈન્ડીયાને ખરીદી હતી 
ટાટા સન્સે 18 હજાર કરોડ રૂપિયાની બોલી લગાવીને એર ઈન્ડિયાને ખરીદી હતી. જે બાદ 27 જાન્યુઆરી 2022ના રોજ એર ઇન્ડિયાને ટાટાને સોંપવામાં આવી હતી. એર ઇન્ડિયાના અધિગ્રહણ પહેલા ટાટાની બે એરલાઇન બ્રાન્ડ વિસ્તારા અને એરએશિયા હતી. પરંતુ એર ઇન્ડિયાના અધિગ્રહણ બાદ ટાટાને એર ઇન્ડિયા અને એર ઇન્ડિયા એક્સપ્રેસ બ્રાન્ડ પણ મળી ગઇ.

કઈ એરલાઈન્સમાં કેટલી ક્ષમતા 
એર ઇન્ડિયાના કાફલામાં 113 વિમાન, વિસ્તારાના કાફલામાં 54 વિમાન છે. એર ઇન્ડિયામાં બાસ બોઇંગ અને એરબસના 11 વેરિએન્ટ છે, જ્યારે વિસ્તારામાં માત્ર પાંચ વેરિએન્ટ છે. ભૂતકાળમાં ટાટા ગ્રૂપે એર ઇન્ડિયાના વિસ્તરણની યોજના જણાવી હતી. આ અંતર્ગત કાફલામાં ખૂબ જ જલ્દી 30 નવા વિમાનોનો ઉમેરો કરવામાં આવશે.