હાય રે મોંઘવારી / ટાટાના ગ્રાહકોને લાગ્યો મોટો ઝટકો, ફરીવાર વધી કારની કિંમતો, જાણો હવે શું ભાવમાં આવશે તમારી ડ્રીમ કાર

• પેસેન્જર વાહનોની કિંમતમાં વધારો કરવા જઈ રહી છે કંપની
• પેસેન્જર વાહનોની કિંમતમાં 0.9 ટકાનો વધારો કરવાની તૈયારી
• નવી કિંમત7 નવેમ્બરે લાગુ કરવામાં આવશે

વાહન નિર્માતા કંપની ટાટા મોટર્સ હવે પેસેન્જર વાહનોની કિંમતમાં 0.9 ટકાનો વધારો કરવા જઈ રહ્યું છે. ત્યારે કંપનીએ શનિવારે એક કરેલ એક નિવેદનમાં ટાટ મોટર્સ હવે પેસેન્જર વાહનોની કિંમતમાં વધારો કરવાની જાહેરાત કરી છે.વાહનોનાં મોડેલ તેમજ તેમાં રહેલી સુવિધાઓ પર આધાર રાખીને કિંમતોમાં અલગ-અલગ વૃધ્ધિ કરવામાં આવી રહી છે. સરેરાશ કિંમતમાં 0.9 ટકાની વૃધ્ધિ થઈ છે. નવી કિંમત 7 નવેમ્બરે લાગુ કરવામાં આવશે.

ભાવ વધવાનું કારણ શું છે?
ટાટા મોટર્સે જણાવ્યું હતું કે વાહનનું ઉત્પાદન વધતા તેનાં ખર્ચનો મોટો બોજ હાલમાં કંપની સહન કરી રહી છે.  પરંતુ ઇનપુટ ખર્ચમાં તીવ્ર વધારો થવાને કારણે કેટલોક બોજ ગ્રાહકો પર નાખવાની ફરજ પડી છે. Tata Motors હાલમાં Tiago, Punch, Nexon, Harrier અને Safari મોડલ વેચે છે અને આ વાહનોના ઘણા મોડેલ પણ ઉપલબ્ધ છે.

ટાટા મોટર્સ સૌથી મોટી ઇલેક્ટ્રિક કાર ઉત્પાદક કંપની છે
ટાટા હાલમાં ભારતમાં સૌથી મોટી ઇલેક્ટ્રિક ફોર-વ્હીલર ઉત્પાદક કંપની છે અને તેની પાસે ઇલેક્ટ્રિક વાહનોની સૌથી મોટી લાઇન-અપ છે. તેમની પાસે Tigor EV, Nexon EV અને Nexon EV Max છે. Tiago EV પણ છે જેનું તાજેતરમાં જ લોન્ચ કરવામાં આવ્યું હતું અને તે હાલમાં ભારતીય બજારમાં સૌથી સસ્તું ઇલેક્ટ્રિક ફોર-વ્હીલર છે.