આનંદો / સરકારી કર્મચારીઓ માટે ગૂડ ન્યૂઝ, આ રાજ્યમાં થઈ 14 ટકા DA વધારાની જાહેરાત, આ કર્મચારીઓ માટે પણ ખુશખબર

• તમિલનાડુ સરકારે તેના કર્મચારીઓ માટે મોટો નિર્ણય
• 14 ટકા મોંઘવારી ભથ્થાની કરી જાહેરાત
• મોંઘવારી ભથ્થું 17 ટકાથી વધીને 31 ટકા થયું 
• 1 જાન્યુઆરીથી મળશે વધેલું મોંઘવારી ભથ્થું 

તમિલનાડુના મુખ્યમંત્રી એમ કે સ્ટાલિને મંગળવારે 1 જાન્યુઆરી, 2022થી સરકારી કર્મચારીઓ, શિક્ષકો અને પેન્શનરોને 14 ટકાના વધારાના દરે મોંઘવારી ભથ્થું ચૂકવવાનો આદેશ આપ્યો હતો. સ્ટાલિને સી અને ડી કેટેગરીના કર્મચારીઓને રૂ. 3,000, વિશેષ પગાર કેટેગરીના કર્મચારીઓને રૂ. 1,000 અને પોંગલ પ્રસંગે પેન્શનરોને રૂ. 500ની ઉત્સવની ભેટની પણ જાહેરાત કરી હતી. તમિલનાડુનો મુખ્ય તહેવાર પોંગલ 14 જાન્યુઆરીએ ઉજવવામાં આવશે.

તમિલનાડુમાં મોંઘવારી ભથ્થું 17 ટકાથી વધારીને 31 ટકા કરાયું 

રાજ્ય સરકારે જારી કરેલા આદેશ મુજબ મોંઘવારી ભથ્થાને 17 ટકાથી વધારીને 31 ટકા કરવાથી સરકારી તિજોરી પર 8,724 કરોડ રૂપિયાનો બોજો પડશે. પોંગલ પર ભેટમાં આપવામાં આવેલી રકમનો સંયુક્ત બોજ ૧૬૯.૫૬ કરોડ રૂપિયા હશે.

નવા વર્ષે કેન્દ્રીય કર્મચારીઓના મૂળ પગારમાં વધારો થવાની સંભાવના 

આ થઈ વાત તમિલનાડુ સરકારના કર્મચારીઓની પરંતુ કેન્દ્રીય કર્મચારીઓ માટે પણ ઘણી મોટી ખુશખબર છે. નવા વર્ષે અને સામાન્ય બજેટ પહેલા મોદી સરકારે તેના કેન્દ્રીય કર્મચારીઓના મૂળ પગારમાં વધારા કરવાની દિશામાં સક્રિય વિચારણા કરી છે. સામાન્ય બજેટ પહેલા મોદી સરકારે ફિટમેન્ટ ફેક્ટરને લઈને નિર્ણય કરી શકે છે. ફિટમેન્ટ ફેક્ટર કેન્દ્ર સરકારના તમામ કર્મચારીઓ માટે બેસિક વેતન નક્કી કરે છે. જો મોદી સરકાર ફિટમેન્ટ ફેક્ટર વધારે તો કર્મચારીઓનો હાલનો મૂળ પગાર 18000 થી વધીને 26,000 થઈ શકે. જો બજેટ પહેલા કેબિનેટની મંજૂરી મળે તો બની શકે છે કે તેને બજેટ પહેલા લાગુ પણ પાડવામાં આવે. જો મોદી સરકાર ફિટમેન્ટ ફેક્ટરને 2.57 ટકાથી વધારીને 3.68 ટકા કરે તો કર્મચારીઓનો હાલનો મૂળ પગાર 18000 થી વધીને 26,000 થઈ શકે.