દેશના કેટલાય રાજ્યોમાં ગરમીનો પારો વધવાથી લોકો મોટા ભાગે નદીઓ અને તળાવો પર ન્હાવા જતાં હોય છે. જ્યાં નદીમાં ન્હાવાથી ઘણી વાર મોટી દુર્ઘટના પણ ઘટી જતી હોય છે.
નદીમાં ન્હાવા જતાં 7 યુવતીઓ ડૂબી ગઈ
તમિલનાડૂમાં બની મોટી દુર્ઘટના
સીએમ 5-5 લાખ રૂપિયા આપવાની કરી જાહેરાત
દેશના કેટલાય રાજ્યોમાં ગરમીનો પારો વધવાથી લોકો મોટા ભાગે નદીઓ અને તળાવો પર ન્હાવા જતાં હોય છે. જ્યાં નદીમાં ન્હાવાથી ઘણી વાર મોટી દુર્ઘટના પણ ઘટી જતી હોય છે. આવી જ એક ઘટના તમિલનાડૂમાંથી સામે આવી છે. જ્યાં રવિવારના દિવસે નદીમાં ન્હાવા ગયેલી 7 યુવતીઓના મોત થઈ ગયા હતા.
તમિલનાડૂમાં રવિવારના દિવસે કુડ્ડાલોરમાં ગાડિલમ નદી પર બનેલા ચેક ડેમમાં ન્હાવા ગયેલી 7 છોકરીઓ ડૂબી જતાં મોત નિપજ્યા હતા. આ દુર્ઘટનામાં મરનારી છોકરીઓમાં 4 પુખ્ત અને 3 સગીર યુવતીઓ હતી. કુડ્ડાલોરમાં નેલ્લીકુપ્પમ પોલીસે આ પ્રકારની જાણકારી આપી છે. આ ઘટના ત્યારે થઈ હતી, જ્યારે આ છોકરીઓ નદીમાં ન્હાવા માટે પડી હતી.
CMએ વળતર આપવાની કરી જાહેરાત
છોકરીઓ ડૂબવાના સમાચાર મળતા આજૂબાજૂના લોકોમાં ખળભળાટ મચી ગયો હતો. તો વળી આ બાજૂમાં છોકરીઓના પરિવારમાં માતમ છવાયો હતો. જે બાદ તમિલનાડૂના મુખ્યમંત્રી એમ કે સ્ટાલિન ઘટના પર ઉંડા શોકની લાગણી વ્યક્ત કરી હતી. તો વળી સીએમ સ્ટાલીને રાહતની પણ જાહેરાત કરી હતી. આ દુર્ઘટનામાં મૃત્યુ પામેલી દિકરીઓના પરિવારને 5-5 લાખ રૂપિયા આપવાની જાહેરાત કરવામાં આવી છે.
પ્રશાસને આપ્યા આદેશ
આ ઉપરાંત સીએમ સ્ટાલીને પ્રશાસનને અપીલ કરી છે કે, નદી-નહેરોમાં અને ચેકડેમમાં ન્હાવા જતાં લોકો પર દેખરેખ રાખે અને સાવધાની માટે ખાસ પ્લાન બનાવે. તેમનું કહેવુ છે કે, નદીઓ અને તળાવો પર બાળકો અને યુવાનોને સુરક્ષાનો પુખ્તો બંદોબસ્ત કરવામાં આવે.