ઓસ્કાર રેસ / ઓસ્કારની રેસમાં સામેલ થઈ તામિલ ફિલ્મ Soorarai Pottru, એક્ટર સૂર્યાની એક્ટિંગનાં થઈ રહ્યાં છે વખાણ

• વિશ્વભરમાં Soorarai Pottru ફિલ્મો છાપ છોડી
• એમેઝોન પ્રાઇમ પર રિલીઝ કરવામાં આવી
• સૂર્યાની એક્ટિંગનાં ભરપૂર વખાણ 

ઓસ્કારની વિવિધ કેટેગરીમાં પસંદગી પામી 
તામિલ એક્ટર સૂર્યાની ફિલ્મ Soorarai Pottru ઓસ્કારની રેસમાં સામેલ થઈ ગઈ છે. આ ફિલ્મે વિશ્વભરમાં તેની છાપ છોડી છે. સુધા કોંગારા દ્વારા નિર્દેશિત આ ફિલ્મ હાલમાં જ રિલીઝ થઈ છે. સૂર્યા સ્ટારર ફિલ્મ Soorarai Pottruને ઓસ્કારની વિવિધ કેટેગરી માટે પસંદગી આપવામાં આવી છે. 
એમેઝોન પ્રાઇમે વાતની પુષ્ટી કરી 
આ અંગે 2ડી એન્ટરટેઈનમેન્ટનાં સીઈઓ અને સૂર્યાનાં નજીકનાં મિત્ર રાજશેખર પાંડિયને તેનાં ટ્વીટર એકાઉન્ટ પર આ વાતની જાણકારી આપી છે. એમેઝોન પ્રાઇમ વીડિયોએ તેનાં ઓફિશિયલ ટ્વીટર એકાઉન્ટ પર આ વાતની પુષ્ટી કરી છે. 
એકેડેમી સ્ક્રીનિંગ રુમમાં મોકલાઈ હતી
રાજશેખરે ટ્વીટ કરીને લખ્યું છે કે, ગણતંત્ર દિવસની શુભકામનાઓ, Soorarai Pottruને સર્વશ્રેષ્ઠ અભિનેતા, સર્વશ્રેષ્ઠ અભિનેત્રી, સર્વશ્રેષ્ઠ નિર્દેશક, સર્વશ્રેષ્ઠ ઓરિજિનલ સ્કોર અને અન્ય શ્રેણીઓમાં જનરલ શ્રેણી અંતર્ગત ઓસ્કારમાં સામેલ કરવામાં આવી છે. ફિલ્મને આજે એકેડેમી સ્ક્રીનિંગ રુમમાં મોકલવામાં આવી હતી.
સૂર્યાની એક્ટિંગનાં વખાણ
રાજશેખરનાં આ ટ્વીટ બાદ સોશિયલ મીડિયા પર લોકો સૂર્યાને અભિનંદન પાઠવી રહ્યાં છે. આ વર્ષનાં ઓસ્કરમાં કોવિડ-19ને લીધે નિયમોમાં ફેરફાર કરવામાં આવ્યા છે. જેમાં ઓટીટી રિલીઝ ફિલ્મોને પણ સન્માનિત કરવાનો નિર્ણય કરવામાં આવ્યો છે. જેમાં સૂર્યા અને અપર્ણા બાલામુરલી સ્ટારર આ ફિલ્મે બાજી મારી લીધી છે.
દર્શકો આપી રહ્યાં છે ફિલ્મને ભરપૂર પ્રેમ
ઉલ્લેખનીય છે કે આ ફિલ્મ હાલમાંજ એમેઝોન પ્રાઇમ પર રિલીઝ કરવામાં આવી છે. કોરોના વાઇરસ બ્રેકડાઉન વચ્ચે ઓટીટી પ્લેટફોર્મ પર રિલીઝ કરવામાં આવેલ ફિલ્મ Soorarai Pottruને દર્શકો ભૂરપૂર પ્રેમ આપી રહ્યાં છે. જે ફિલ્મમાં સૂર્યાની એક્ટિંગનાં પણ લોકો વખાણ કરી રહ્યાં છે.