મોટા સમાચાર / હવે સંપૂર્ણ અફઘાનિસ્તાન 'આતંકિસ્તાન', તાલિબાનનો દાવો : પંજશીર ગવર્નર હાઉસ પર કરાયો કબજો

• અફઘાનિસ્તાનમાં તાલિબાનનો મોટો દાવો
• પંજશીર ગવર્નર હાઉસ પર કર્યો કબ્જો
• સમગ્ર અફઘાનિસ્તાન પર કબ્જાનો કર્યો દાવો

પંજશીરનાં અભેદ્ય કિલ્લોમાં તાલિબાને પાડ્યું ગાબડું? 
તાલિબાનનો દાવો છે કે પંજશીરમાં રાજ્યપાલની ઓફિસ પર તેના કબજો કરી લેવામાં આવ્યો છે. અફઘાનિસ્તાનમાં તાલિબાનના નિયંત્રણમાંથી બહાર એકમાત્ર પ્રાંત પંજશીર છે. જો કે, અફઘાનિસ્તાન નેશનલ રેઝિસ્ટન્સ ફ્રન્ટ (એનઆરએફએ) તાલિબાન દ્વારા કરવામાં આવી રહેલ હુમલાનો જડબાતોડ જવાબ આપી રહી છે. નોંધનીય છે કે પંજશીર એક માત્ર એક અભેદ્ય કિલ્લો છે જ્યાં તાલિબાનનું શાસન સ્થાપિત થઈ શક્યું નથી. વર્ષો પહેલા સોવિયેત દ્વારા અફઘાનિસ્તાનમાં યુદ્ધ કરવામાં આવ્યું ત્યારે સોવિયેત પણ પંજશીરમાં આવીને જ હારી ગયું હતું. 

નોંધનીય છે કે અહેમદ મસૂદને પંજશીરનો સિંહ કહેવામાં આવે છે. અહેમદ મસૂદનું કહેવું છે કે જો અફઘાનિસ્તાનમાં સરકાર બનાવવી હોય તો તેમને પણ સરકારમાં ભાગીદારી આપવી પડશે. જોકે આવું કરવા માટે તાલિબાન તૈયાર નથી. તાલિબાન હવે પંજશીર જીતી લેવા માટે તલપાપડ થઈ રહ્યું છે. ત્યારે આજે તાલિબાન દ્વારા કરવામાં આવેલ દાવો જો સાચો હશે તો તાલિબાનનો વધુ એક વિજય માનવામાં આવશે. 

અફઘાન સેનાના એન્જિનિયરોએ હેલિકોપ્ટર કર્યા રીપેર
અફઘાનિસ્તાનમાં 20 વર્ષના યુદ્ધ બાદ અમેરિકાની સેના પરત ફરી. જોકે સેના પરત ફરી તે પહેલા તેણે અફઘાનિસ્તામાં જે પણ યુદ્ધ વિમાનો અને હેલિકોપ્ટર હતા તે ખરાબ કરી નાખ્યા હતા. જેથી તાલિબાન કોઈ પણ કિંમતે તે વાપરી ન શકે. જોકે તાલિબાને હવે તેનો પણ જુગાડ કરી લીધો છે. જેના લીધે અમેરિકાને મોટો ફટકો પડ્યો છે. અમેરિકાની સેના  કુલ બે બ્લેક હૉક હેલીકોપ્ટર બગાડીને ગઈ હતી. જે હેલીકોપ્ટર અફઘાન સેનાની એન્જિનિયર ટીમે સારા કરાવીને તેને ઉડવા લાયક બનાવી દીધા છે. અફઘના સેનાની એન્જિનિયરીંગ ટીમે એવા હેલિકોપ્ટર ફરી રિપેર કર્યા છે જે અમેરિકાની સેના તબાહ કરી નાખ્યા હતા. જેથી આ હેલિકોપ્ટરો રિપેર થયા બાદ અમેરિકાની સેનાને મોટો ફટકો પડ્યો છે. આપને જણાવી દઈએ કે અમેરિકાની સેના 30 ઓગસ્ટે અફઘાનિસ્તાનની નીકળી ગઈ. ત્યારબાદ તાલિબાને કાબુલ એરપોર્ટ પર પોતાનો કબ્જો જમાવી લીધો હતો. તાલિબાને એયરબેસ પર પડેલા અમેરિકાના ફાઈટર જેટ અને હેલીકોપ્ટરનું નિરીક્ષણ કર્યું હતું. જોકે મોટા ભાગના વિમાન અને હેલિકોપ્ટર અમેરિકાની સેના બગાડીને ગઈ હતી. જેથી તેનો ઉપયોગ ન થઈ શકે. 

પાકિસ્તાનને તાલિબાનનું સમર્થન
મહત્વનું છે કે પાકિસ્તાન પણ તાલિબાનને સમર્થન આપવાની વાત કરી ચુક્યું છે. ઈમરાન સરકારના ગૃહમંત્રી શેખ રાસિદેજ આ વાતને સ્વિકારી હતી.ઈસ્લામાબાદ લાંબા સમયથી તાલિબાનનું સંરક્ષક રહ્યું છે. આ મામલે રાશિદે કહ્યું હતું કે અમે સંગઠનને આશ્રય આપીને તેને મજબૂત કરવાનું કામ કર્યું. જેનું પરિણામ આપ જોઈ શકો છો કે એક વાર ફરી 20 વર્ષ બાદ અફઘાનિસ્તાન પર તેઓ શાસન કરશે. ઉલ્લેખનીય છે કે અગાઉ તાલિબાની પ્રવક્ત જબીઉલ્લા મુજાહિદે પણ પાકિસ્તાનને તેનું બિજુ ઘર માન્યું હતું. જેમા તેણે એવું કહ્યું હતું કે અફઘાનિસ્તાનની ધરતી પર પાકિસ્તાનના હિત સામે કોઈ પણ ગતિવિધી નહી થાય. સાથેજ કોઈ પણ દેશ સામે તેમની ધરતીનો ઉપયોગ કોઈને નહી કરવા દઈએ તે મામલે પણ તેમણે સ્પષ્ટતા કરી હતી. ઉપરાંત તેમણે કહ્યું હતું કે ભારત અને પાકિસ્તાન તેના દ્વિપક્ષીય મુદ્દાઓનું પણ સમાધાન લાવે.