ગુજરાતમાં વિકાસે રફતાર પકડી છે ત્યારે વધુ એક પ્રમાણ છે અમદાવાદમાં આજથી શરૂ થયેલી ગુજરાતની સૌથી મોટી ફાઈવ સ્ટાર હોટલ. અમદાવાદના સિંધુભવન રોડ પર બનેલી હોટેલ તાજ સ્કાયલાઈન 1.4 એકરમાં બનેલી છે.
અમદાવાદને મળી જાજરમાન ભેટ
315 રૂમ ધરાવતી તાજ સ્કાયલાઇનનો આજથી પ્રારંભ
1.4 એકરમાં ફેલાયેલી છે હોટલ તાજ સ્કાયલાઇન
ઉલ્લેખનીય છે કે, ટાટા ગ્રુપની ધ ઇન્ડિયન હોટેલ્સ કંપની લિમિટેડ તથા અમદાવાદમાં સંકલ્પ ઇનની સાથે મળીને આ હોટલ બનાવી છે. આ હોટલને તાજ સ્કાયલાયન નામ આપવામાં આવ્યું છે.
ઇન્ડિયન હોટેલ્સની ગુજરાતમાં કુલ 13 હોટેલ્સ
બંન્ને કંપનીઓ વચ્ચે થયેલા કરાર પ્રમાણે હોટેલની પ્રોપર્ટી સંકલ્પ ઈન દ્વારા બનાવવામાં આવી છે અને હોટલનું મેનેજમેંટ ઇન્ડિયન હોટેલ્સ દ્વારા કરવામાં આવશે. આ સાથે જ ઇન્ડિયન હોટેલ્સની ગુજરાતમાં કુલ 13 હોટેલ્સ થઇ છે. આ હોટલમાં 24 કલાક માટે રૂમનું ભાડું 6000 રૂપિયાથી શરૂ થઇને 18,500 સુધીનું રાખવામાં આવેલ છે.
1.4 એકરમાં ફેલાયેલી છે હોટલ તાજ સ્કાયલાઇન
શહેરના ટ્રાફિકથી ધમધમતા રહેતા અમદાવાદના સિંધુભવન રોડ હોટેલ તાજ સ્કાયલાયન 1.4 એકરમાં ફેલાયેલી છે. જે 18 માળ ધરાવે છે અને કુલ 315 ઓરડાઓ ધરાવે છે. તો એવું પણ સાંભળવા મળ્યું છે કે, આ હોટલના નિર્માણ પાછળ આશરે 300 રૂપિયાનું કરોડનું રોકાણ કરવામાં આવેલ છે.
સિગ્નેચર રેસ્ટોરન્ટ શામિયાના પણ કરાઇ શરૂ
કંપની દ્વારા આપવામાં આવેલી જાણકારી પ્રમાણે તેની ઓલ ડે ડાઇન સિગ્નેચર રેસ્ટોરન્ટ શામિયાના પણ તાજ સ્કાયલાઈનમાં શરુ કરવામાં આવેલી છે છે. શામિયાનામાં એશિયાભરનું ફૂડ બને છે.
જગત આખામાં બનતું ફૂટ હવે મળશે અમદાવાદમાં
આપને જણાવી દઇએ કે, શામિયાના દુબઈ અને મુંબઈમાં છે જયારે હવે અમદાવાદમાં પણ તાજ સ્કાઈલાઈનમાં શામિયાના શરુ કરવામાં આવતા અમદાવાદીઓને ખાસ કરીને ગુજરાતીઓને જગત આખાની વાનગીઓ અમદાવાદમાં જ મળી જશે. આ હોટેલના ઇન્ટીરીયરમાં અમદાવાદના હેરીટેજ દ્રશ્યો પણ આવરી લેવામાં આવ્યા છે.